2014-04-21
Today from Hiiraan Online:  _
Wararka Maanta- Sabti, Jan 12, 2013
Sare-u-kac ku yimid Qiimaha Raashinka Quutal-daruuriga ah iyo Xukuumadda Somaliland oo aan illaa hadda waxba ka qaban

Sabti, Jannaayo 12, 2013 (HOL) — Raashinkii quutal daruuriga ahaa, ayaa qaali garoobay ka dib markii sarifkii lacagta uu kor u kacay, taas oo maalmihii u dambeeyey ku abuurtay dadweynuhu inay iibsan kari waayaan.

Raashinkan kacay ayaa u badan raashinkii dadku aad ugu baahan yahay oo aan inta badan laga maarmayn, kuwaas oo ay ka mid tahay Bariiska iyo Daqiiqda,waxaanay dadkii danyarta ahaa ku keentay werwar aanay raashinkaasi awoodi karin, iyagoo markii hore la daalaa dhacayey sixirka lacagta ay kusoo iibsan jireen raashinka oo sare u kacay ka dib markii shilingi Somaliland hoos u dhac ku yimid, halka kor u qaadmay sarifka lacagtii khalaad oo inta badan raashinka lagu soo iibsan jiray.

Jawaanka Bariiska ee Kontanka Killogiraam ee Bariiska oo hore loo siin jiray 28 doollar ama 182,000 shiling Somaliland ahaa hadaa wuxuu marayaa 30 doolar oo u dhiganta 209,000 lacagta Somaliland, Daqiiqda kontanka killogiraam oo hore loo kala siisan jiray 27 dollar oo u dhigmi jirtay billo ka hor 175,500 ayaa imika maraysa 29 doolar oo u dhiganta 202,000 shiling Somaliland, Sonkorta 50kg wax badan kuma kordhin oo markii hore waxa la siin jiray 35 doolar imika 36 dollar, Baasta kartoonka oo awal hore la siin jiray 10.5 dollar waxa la siinayaa imika 11 doollar, Saliida cuntadda 20 giraam oo hore loo siin jiray 24 dollar imika waxa la siinayey 25 ilaa 26 doollar.

Sidoo kale, waxa iyana sare u kacay qiimihii lacagta doolar lagu sarifayey oo barigii hore lagu bedelan jiray boqolka dollar 650,000 SHSL ayaa imika lagu sarifaa 698,000 ShSl, taas oo dadkii danyarta ahaa iyo shaqaalihii dawlada ka dhigtay kuwo aan goyn karin raashinka, madaama oo lacagtii shilin Somaliland marka wax lagu iibsanayo loogu qiimaynayo halka uu doolarka ka marayo, iyadoo awal hore marka ay lacagta Somaliland hoos u dhacda xaga sarifka aanay qiimaha raashinka waxba ka bedeli jirin, balse imika keentay in qiimaha lacagta Somaliland hoos u dhac ku yimaado oo sicir barar ku keentay dadweyinihii.

Dadweynaha Somaliland ayaa waxa isku qabtay Hoos u dhaca lacagta Somaliland iyo qiimihii raashinka oo iyana hawada la geeyey, taas oo dadkii danyarta ahaa ka dhigtay Raashinkii loo baahnaa ay iibsan kari waayeen maadaama oo lacagtii ay siteen waxba u goyn kari wayday.

Ganacsatada Tafaariiqda oo aanu wax ka waydiinay sababta keentay in raashinku sare u kaca ayaa ku dooday in ganacsatada waaweyn ee raashinka soo dajiyaa qaali gareeyeen, inkastoo ay sheegeen inaanay ilaa hadda si dhab ah u garanayn sababta keentay sicir bararkan.

“Illaa hadda ma garayno waxa kiciyey raashinka oo marka aanu waydiino jumladlayaasha Soo dajiya Raashinka waxay noo sheegaan hadalo kala duwan oo marna waxay ku leeyihiin cashuurta la nagu kordhiyey, marna sarifka lacagaha ee sare u kacay ay sabab u ah, mar kalana leh aduunka ayey ka kaceen raashinkii, laakiin ilaa hadda sababta dhabta ah ee keentay sicir bararkan ma garanayo”ayuu yidhi Jamaal Cabdiraxmaan oo ka mid ah ganacsatada Tafaariiqda ah ee magaaladda Hargeysa.

Si kastaba ha ahaatee, Xukuumadda Somaliland oo ahayd inay wax ka qabato ganacsatada hadba qiimaha ay doonaan ku iibinaya raashinka ayaan ilaa hadda waxba ka qaban, iyadoo bilihii u dambeysay isa soo tarayeen qiimaha sare u kaca iyo lacagtan sarifkeeddu kordhay, haseyeeshee waxa xukuumada laga sugayaa maadaama oo mushaharka ku siiso shaqaalaha lacagta Somaliland inay wax ka qabtaan sicir bararka dadka ku habsaday mudooyinkan dambe haddii ay sii socotana dhibaato u keeni karta dadweynaha reer Somaliland.

Barkhad-Ladiif M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-01-12 7:21 AM EST
Sabti, Jannaayo, 12, 2013 (HOL) – Tartan kubadda cagta ah oo ay ka qeyb-qaadanayeen ilaa afar naadi oo ka kala socday xaafadaha ay ka kooban tahay magaalada Baladweyne ayaa galinkii danbe ee maalintii shalay lagu soo gabagabeeyay garoonka kubadda cagta Lama-galaay.

2013-01-12 7:11 AM EST
Sabti, Jannaayo 12, 2013 (HOL) — Ugu yaraan 20-qof oo isugu jira dhinacyadii dagaalamay iyo dad shacab ah ayaa ku dhintay dagaal xalay gellinkii dambe ku dhexmaray deegaanka Buulo-mareer ee gobolka Shabeellada Hoose ciidamada kumaandooska Faransiiska iyo xoogagga Al-shabaab.

2013-01-12 7:08 AM EST
Sabti, Jannaayo 12, 2013 (HOL) — Magaalada Muqdisho ayaa waxaa maanta ka dhacay laba qarax oo mid ka mid ha lagu weeraray gaari uu watay xildhibaan ka tirsan baarlamaanka Soomaaliya, iyadoo ay ku dhaawacmeen qaraxaas laba ka mid ah ilaaladii xildhibaanka.

2013-01-12 3:01 AM EST
Sabti, Jannaayo 12, 2013 (HOL) — Ciidamada ammaanka Kenya ayaa xalay ku toogtay xerada Dhagaxleey oo ka mid ah xeryaha Dhadhaab ku yaalla nin la sheegay inuu ahaa burcad dadka xeradaas ku jira dhac ugu geysanayay qori la been abuuray.

2013-01-12 2:29 AM EST
Sabti, Jannaayo 12, 2013 (HOL) — In ka badan 780 arday ayaa u fadhiistay imtixaanka kulliyadaha kala duwan ee jaamacadda Nugaal xarumaheeda ay ku leedahay magaaladda Laascaanood ee gobolka Sool. Imtixaankan oo ah imtixaan sanadeedka jaamacadda ayaa sida uu sheegay guddoomiyaha jamacadda, C/risaaq Maxed Aadan (Lafoole) uu ka duwan yahay imtixaandaadkii ka horreeyey isagoo xusay inay ugu talogaleen qaab loo kordhinayo aqoonta iyo tayada ardayda jaamacada ka qalin-jebinaysa.

2013-01-12 1:25 AM EST
Sabti, Jannaayo 12, 2013 (HOL) — Xukuumadda dalka Ingiriiska ayaa shaacisay inay matigelinayso sannadkan shir looga hadlayo arirmaha dalka Soomaaliya, waxaana shirkan uu daba-socdaa shirkii lagu qabtay London bishii Feberaayo ee sannadkii hore kaasoo socday hal maalin loogana hadlay arrimaha Soomaaliya.

2013-01-12 1:03 AM EST
Sabti, Jannaayo 12, 2013 (HOL) — Guddoomiyihii bankiga dhexe ee dalka Jabuuti, Jaamac Maxamuud Xayd ayaa xalay ku geeriyooday isbitaalka Aga Khan ee magaalada Nairobi halkaasoo maskaxda looga qalay.

2013-01-12 12:46 AM EST
Sabti, Jannaayo 12, 2013 (HOL) — Iska-horimaad culus ayaa xalay saqdii dhexe ku dhexmaray deegaanka Buulo-mareer ee gobolka Shabeellada Hoose ciidammo watay diyaarado kuwa qumaatiga u kaca ah iyo xoogagga Al-shabaab, iyadoo dagaalkaas uu dhaliyay khasaare nafeed oo soo kala gaarta labada dhinac.