2014-10-01
Today from Hiiraan Online:  _
Wararka Maanta- Sabti, Jan 12, 2013
Boqolaal Arday ah oo u fariistay Imtixaanka kulliyadaha Jaamacadda Nugaal ee Magaalada Laascaanood (SAWIRRO)


Sabti, Jannaayo 12, 2013 (HOL) — In ka badan 780 arday ayaa u fadhiistay imtixaanka kulliyadaha kala duwan ee jaamacadda Nugaal xarumaheeda ay ku leedahay magaaladda Laascaanood ee gobolka Sool.
Imtixaankan oo ah imtixaan sanadeedka jaamacadda ayaa sida uu sheegay guddoomiyaha jamacadda, C/risaaq Maxed Aadan (Lafoole) uu ka duwan yahay imtixaandaadkii ka horreeyey isagoo xusay inay ugu talogaleen qaab loo kordhinayo aqoonta iyo tayada ardayda jaamacada ka qalin-jebinaysa.

Kuliyadaha imtixaanka u fadhiistay ayaa sida uu sheegay Lafoole ay kala yihiin shareecada islaamka, computer science, maamulka iyo maareynta, Horumarinta Bulshada, xannaanada Xoolaha, caafimaadka iyo kuliyadda waxbarashada iyo luuqadaha.

Jaamacadda Nugaal oo haatan deggen sadex xarumood oo qaarkood ay kiro yihiin ayaa sannadkan la filayaa inuu dhamaystirmo dhisme ballaadhan oo jaamacadda ku dhawaad sadex sano ka soconayay badhtamaha magaaladda Laascaanood kaasoo ay wax ku baran karaan kumanaan arday oo la filayo inay soo galaan sannadaha soo socda.



Sidoo kale, jaamacadda ayaa waxaa ka dhex samaysma ururo ay ardaydu leeyihiin sida NUSGED oo ay leeyihiin haween wax-barsho bilaa lacag ah jaamacaddu siiso kuwaasoo iyaguna billaabay barnaamiyo ay dadka wax ugu qabanayaan oo ay ka mid yihiin nadaafadda oo 17-ka bil kasta meelaha bulshada ka dhexeeya ay nadiifiyaan, dhir beeris iyo wacyigelinba.

Waxaa ururradaas ka mid ah urur ay leeyihiin ardayda horumarinta bulshada, kuwaasoo bishiiba mar si toos ah iyo si dadban u abaara meelaha ilaha u ah horumarinta bulshada oo ay ka mid yihiin ganacsatadda yar-yar, caafimaadka iyo meelaha kale ee ay is leeyihiin waxbaad u kordhin kartaan, iyagoo dood-wadaag kala yeesha howlaha ay bulshada u hayaan.

Jaamacadda Nugaal dhawaan ayay 10-sano jirsanaysaa waxayna ku sii siqaysaa inay hanato dhammaan ardayda dugsiyada sare kasoo baxay iyadoo sannadihii lasoo dhaafay midba si ha ahaadee ay jireen hiyi-kac si toos ah ay ardaydu haybin jireen inay aadaan meelo kale oo ka baxsan gobolka. Inkastoo sanadba sanadka ka dambeeya uu soo yaraanayey halka sanadkan aynu soo dhaafnay ay soo galeen ardaydii dusiyada sare kasoo baxday intoodii badnayd, walow ay caqabad siyaasadeed soo wajahday kaddib markii ardaydii dugsiyada sare ka baxaysey ee ku sugnaa magaalada Laascaanood diideen inay galaan imtixaan aanay soo diyaarin dawladda federaalka Soomaaliya kuwaasoo u boqoolay Buuhoodle, Xudun, Taleex iyo Boocame.



Si kastaba ha ahaatee, jaamacadda Nugaal “Nugaal University” ayaa mansab wanaagsan iyo bidhaan muuqaal oo bilicsan uga muuqata waxaase eegi doonaa doorka maamul ee hagaya qorshe horumarinteeda iyo sannadkan haatan la guda galay ee 2013-ka.

Seynab Cabdi Warsame, Hiiraan Online
xidigtiidhiciweydey@hotmail.com
Laascaanood, Gobolka Sool





Post your comments

2013-01-12 7:21 AM EST
Sabti, Jannaayo, 12, 2013 (HOL) – Tartan kubadda cagta ah oo ay ka qeyb-qaadanayeen ilaa afar naadi oo ka kala socday xaafadaha ay ka kooban tahay magaalada Baladweyne ayaa galinkii danbe ee maalintii shalay lagu soo gabagabeeyay garoonka kubadda cagta Lama-galaay.

2013-01-12 7:14 AM EST
Sabti, Jannaayo 12, 2013 (HOL) — Raashinkii quutal daruuriga ahaa, ayaa qaali garoobay ka dib markii sarifkii lacagta uu kor u kacay, taas oo maalmihii u dambeeyey ku abuurtay dadweynuhu inay iibsan kari waayaan.

2013-01-12 7:11 AM EST
Sabti, Jannaayo 12, 2013 (HOL) — Ugu yaraan 20-qof oo isugu jira dhinacyadii dagaalamay iyo dad shacab ah ayaa ku dhintay dagaal xalay gellinkii dambe ku dhexmaray deegaanka Buulo-mareer ee gobolka Shabeellada Hoose ciidamada kumaandooska Faransiiska iyo xoogagga Al-shabaab.

2013-01-12 7:08 AM EST
Sabti, Jannaayo 12, 2013 (HOL) — Magaalada Muqdisho ayaa waxaa maanta ka dhacay laba qarax oo mid ka mid ha lagu weeraray gaari uu watay xildhibaan ka tirsan baarlamaanka Soomaaliya, iyadoo ay ku dhaawacmeen qaraxaas laba ka mid ah ilaaladii xildhibaanka.

2013-01-12 3:01 AM EST
Sabti, Jannaayo 12, 2013 (HOL) — Ciidamada ammaanka Kenya ayaa xalay ku toogtay xerada Dhagaxleey oo ka mid ah xeryaha Dhadhaab ku yaalla nin la sheegay inuu ahaa burcad dadka xeradaas ku jira dhac ugu geysanayay qori la been abuuray.

2013-01-12 1:25 AM EST
Sabti, Jannaayo 12, 2013 (HOL) — Xukuumadda dalka Ingiriiska ayaa shaacisay inay matigelinayso sannadkan shir looga hadlayo arirmaha dalka Soomaaliya, waxaana shirkan uu daba-socdaa shirkii lagu qabtay London bishii Feberaayo ee sannadkii hore kaasoo socday hal maalin loogana hadlay arrimaha Soomaaliya.

2013-01-12 1:03 AM EST
Sabti, Jannaayo 12, 2013 (HOL) — Guddoomiyihii bankiga dhexe ee dalka Jabuuti, Jaamac Maxamuud Xayd ayaa xalay ku geeriyooday isbitaalka Aga Khan ee magaalada Nairobi halkaasoo maskaxda looga qalay.

2013-01-12 12:46 AM EST
Sabti, Jannaayo 12, 2013 (HOL) — Iska-horimaad culus ayaa xalay saqdii dhexe ku dhexmaray deegaanka Buulo-mareer ee gobolka Shabeellada Hoose ciidammo watay diyaarado kuwa qumaatiga u kaca ah iyo xoogagga Al-shabaab, iyadoo dagaalkaas uu dhaliyay khasaare nafeed oo soo kala gaarta labada dhinac.