2014-10-20
Today from Hiiraan Online:  _
Wararka Maanta- Khamiis, Jan 10, 2013
Qaban-qaabadii ugu dambeysay ee shirka Maamul u sameynta Jubbooyinka oo ka socoto Magaalada Kismaayo


Khamiis, Jannaayo 10, 2013 (HOL) — Magaalada Kismaayo ayaa waxaa ka socoto qabanqaabadii ugu danbeeysay oo loogu jiro in dib loo ambaqaado shirkii maamul u sameynta gobollada Jubooyinka kaasoo mudooyinkii u danbeeyay uu hakad ku yimid.

Shirkan oo la filayay in xilli hore lasoo afjaro ayuu hakad ku yimid, kadib markii khilaaf ku aadan habka dhismaha maamulka uu soo kala dhexgalay xubnihii shirka waday, waxaana mudooyinkii u danbeeyay soconayay tashiyo iyo shirar gooni gooni ah oo gudiga farsamo ee shirka maamul u sameynta  Jubooyinka ay la yeelanayeen odoyaasha, siyaasiyiinta iyo aqoonyahannada beelaha dega gobolladaasi.

Kusimaha gudoomiyaha ahna gudoomiye kuxigeenka maamulka KMG Kismaayo Yaasiin Nuur Gaas (Raadeer) oo shir jaraa’id ku qabtay xarunta degmada Kismaayo ayaa ka warbixiyay halka uu marayo shirka maamul u sameynta gobollada Jubooyinka, wuxuuna xusay in ay socoto qabanqaabadii ugu danbeysay ee ku aadan shirkaasi.

Masuulkani ayaa sheegay in uu meel fiican marayo shirka, wuxuuna intaa raaciyay in ergooyinkii shirka ka qeybqaadanayay ay ku kala maqanyihiin gobollada Jubada hoose, Jubada dhexe iyo Gedo, halkaasoo ay u aadeen buu yiri si beelaha ay kasoo jeedaan ay uga dhaadhiciyaan arinta maamul u sameynta Jubooyinka.

Sidoo kale waxa uu intaa ku daray in uu aad ugu rajo weynyahay in shirkani ay kasoo baxaan natiijooyin wax ku ool ah, islamarkaasina dadka ku dhaqan gobollada Jubooyinka ay yeeshaan maamul ay ku qanacsanyihiin oo ka shaqeeya danahooda.

Arinta maamul u sameynta Jubooyinka ayaa mudooyinkii u danbeeyay si weyn loo hadal hayay, waxaana soo ifbaxayay khilaaf ku aadan habka loo dhisayo maamulka oo u dhexeeyay maamulka KMG ee Kismaayo iyo xubno katirsan dowladda Soomaaliya walow gudoomiyaha dhaqdhaqaaqa Raaskaambooni Sheekh Axmed Max’ed Islaam (Axmed Madoobe) uu sheegay in uusan jirin wax khilaaf ah oo u dhexeeya dowladda iyo maamulka Kismaayo islamarkaasina ay xalliyeen khilaafaadkii jiray.

Wafi ka socday dowladda Soomaaliya oo isugu jiray wasiirro, xildhibaanno iyo taliyeyaal ciidan ayaa dabayaaqadii bishii December ee sanadii tagtay waxa ay gaareen magaalada Kismaayo, halkaasoo ay si diiran ugu soo dhaweeyeen madaxda ugu sarreeysa ee maamulka Kismaayo, iyagoona ka wadahadlay arimo ku saabsan xaaladda ammaanka ee Kismaayo iyo weliba howlgallada ka dhanka ah Al-shabaab ee ka socda gobolladaasi.

Xasan Nuur, Hiiraan Online
hnur@hiiraan.com
Muqdisho, Soomaaliya





Post your comments

2013-01-10 2:17 PM EST
Khamiis, Jannaayo 10, 2013 (HOL) — Wararka naga soo gaaraya degmada Saylac ayaa sheegaya in munaasabadii xil-wareejinta Maayarka cusub ee degmadaas ay si wanaagsan ugu dhacday xarunta barasaabka gobolka Selel waxaana kasoo qayb-qalay xil-wareejintan saraakiil ka socotay wasaaradda arrimaha gudaha Somaliland iyo mas’uuliyiin kale.

2013-01-10 2:16 PM EST
Khamiis, Jannaayo 10, 2013 (HOL) —Isbitaalka lagu daweeyo cudurka qaaxada (TB-da) ee magaaladda Laascaanood ee xarunta gobolka Sool ayaa maanta la gaarsiiyay deeq lacageed oo loogu talo-galay in lagu quudinta dadka lagu daweynayo isbitaalkaas.

2013-01-10 10:06 AM EST
Khamiis, Jannaayo 10, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay xarunta madaxtooyada Soomaaliya wafdi ka socday Bankiga Adduunka, isagoo u sheegay inay diyaar u yihiin inay qayb ka noqdaan Bankiga Adduunka kaddib labaatan sano oo colaado ah.

2013-01-10 10:05 AM EST
Khamiis, Jannaayo 10, 2013 (HOL) — Ciidamada ammaanka Jabuuti ayaa ku dilay toogasho wiil 14-jir ah kaddib markii ay rasaas ku fureen mudaaharaad nabadeed oo ka dhacayay magaalada Obokh, iyadoo rasaastaas ay tiro kale oo dad ah ku dhaawacmeen, sida ay shaacisay hay’ad u doodda xuquuqda aadanaha oo magaceeda loosoo gaabiyo FIDH.

2013-01-10 9:11 AM EST
Khamiis, Jannaayo 10, 2013 (HOL) — Afhayeenka AMISOM, Col. Cali Aadan Xumud oo u dhashay dalka Jabuuti ayaa sheegay maanta oo Khamiis ah in ciidamada Midowga Afrika ee howgallada kawada gudaha Soomaaliya ay guulo la taaban karo ka gaareen, isagoo sidoo kale sheegay in ciidamada dowldda Soomaaliya hadda kaddib lagu tababari doono gudaha dalka.

2013-01-10 8:59 AM EST
Khamiis, Jannaayo 10, 2013 (HOL) — Dowladda Maraykanka ayaa shan milyan oo doollar dul-dhigtay laba ruux oo u dhashay dalka Suudaan oo la rumeysan yahay inay ka barbar dagaalamaan Al-shabaabta Soomaaliya, iyadoo saraakiil Mareykanka u hadlay ay sheegeen in ruuxii xogta labadan qof keena ay siinayaan lacagtaas.

2013-01-10 3:44 AM EST
Khamiis, Jannaayo 10, 2013 (HOL) — Ciidamada Midowga Afrika ee AMISOM ayaa sheegay inay tababarro siinayaan shaqaalaha rayidka ah ee dowladda si ay sare ugu qaaddo aqoonta shaqaalaha kala duwan ee hay’adaha dowladda Soomaaliya, iyagoo sheegay inay tani qayb ka tahay howlaha ay u joogaan Soomaaliya.

2013-01-10 3:07 AM EST
Khamiis, Jannaayo 10, 2013 (HOL) — Kooxo hubeysan islamarkaasina ku labisan dareeska ciidamada dowladda federaalka Soomaaliya ayaa dhibaatooyin ba’an ku haya gaadiidka rakaabka ee isticmaala qeybo katirsan gobolka Shabeelaha hoose.