2014-04-20
Today from Hiiraan Online:  _
Wararka Maanta- Sabti, Feb 23, 2013
Natiijadii Hordhaca ahayd ee Doorashooyinkii Baarlamaaniga Dalka Jabuuti oo lagu dhawaaqay Saakay aroortii hore


Sabti, Feberaayo 23, 2013 (HOL) — Natiijadii hordhaca ahayd ee doorashada baarlamaaniga dalka Jabuuti ayaa 5:00 aroornimo ee saakay lagu dhawaaqay, iyadoo xisbiyada talada haya iyo kuwa mucaaradka ah ay aad isugu dhawaayeen.

Wasiirka arrimaha gudaha ee Jabuuti, Xasan Dharaar Hufane ayaa sheegay in xisbiyada talada haya ee UMP uu helay 49.39%, halka xisbiga ugu weyn USN 47.61% halka xisbiga CPU oo mucaarad ah uu isaguna helay saddexda soo hartay.

Xukuumadda Jabuuti ayaa sheegtay in doorashada ay u dhacday si xor ah oo cadaaladi ay ku jirto, balse mas’uul u hadlay xisbiga ugu weyn mucaaradka ayaa sheegay in doorashada la musuqmaasuqay.

Afhayeenka xisbiga USN, Daahir Axmed Faarax (Daaf) ayaa markii natiijada hordhaca ah lagu dhawaaqay wuxuu wariyeyaasha ugu sheegay halkii looga dhawaaqay doorashada inaysan ku qanacsanayn natiijadaas, isagoo sheegay inay u joogeen goobaha codadka laga dhiibanayay goobjoogayaal u tirinayay codadka ayna hayaan warqadihii rasmiga ahaa ee cod-bixinta.

Mas’uulkan ayaan sheegin tallaabo ay qaadan doonaan, iyadoo lagu wado in laba maalmood kaddib si rasmi ah ugu dhawaaqaan golaha dastuuriga ah ee dalka Jabuuti oo loo gudbinayo codadka la tiriyay.

Doorashadan ayaa waxay noqonaysaa markii ugu horreysay oo mucaaradka dalka Jabuuti ay kuraas ku yeeshaan baarlamaanka dalkaas, iyadoo la ogyahay in baarlamaanku uu soo doorto madaxweynaha dalka.

Ma jiraan wax rabshado ah oo dhacay intii ay doorashadu socotay, iyadoo lagu wado in goobjoogayaashii caalamiga ahaa oo tiradoodu ahayd 73 xubnood ay warbixin kasoo saaraan sida ay doorashadu u dhacday.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-23 12:37 PM EST
Sabti, Feberaayo 23, 2013 (HOL) — AMISOM ayaa sheegtay in ciidamada dowladda Soomaaliya iyo kuwa AMISOM oo iskaashanaya ay saakay la wareegeen laba deegaan oo ka tiran gobolka Bay, kuwaasoo kala ah Dardan iyo Juuro-kuuloow.

2013-02-23 10:48 AM EST
Sabti, Feberaayo 23, 2013 (HOL) —Wararka aynu ka heleyno magaalada Kismaayo ayaa sheegaya in uu istaagay dagaal xooggan oo saaka gudaha degmadaasi ku dhexmaray ciidamo beeleedyo ka tirsan dowaldda Soomaaliya iyo ururka raaskaambooni.

2013-02-23 9:47 AM EST
Sabti, Feberaayo 23, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta soo saaray baaq ku aadan dagaalka kasoo cusboonaaday magaalada Kismaayo ee xarunta gobolka Jubbada Hoose.

2013-02-23 7:57 AM EST
Sabti, Feberaayo 23, 2013 (HOL) — Magaaladda Berbera waxaa ku taalla goob ku qaali ah ummadda soomaaliyeed, isla markaana bishii mar ay booqasho ku tagaan boqolaal qof oo u soo daawasho taga, isla markaana sawirro qurux badan kusoo galla.

2013-02-23 7:22 AM EST
Sabti, Feberaayo 23, 2013 (HOL) — Hay’ada samafalka maxaliga ah ee HRD Horn for Relief & Development ayaa 20 haween barakacayaal ah uga furmay maanta xarunta Xaawo-taako ee ururka SSWC ee magaalada, iyagoo la barayo haweenkan horumarinta ganacsiga iyo maaliyadda, waxaana gacan ka geysanaya tababarkan ururka shaqaalaha adduunka ee ILO.

2013-02-23 7:19 AM EST
Sabti, Feberaayo 23, 2013 (HOL) — Idaacadda STAR FM ee codka gobolka Waqooyi-bari ee dalka Kenya ayaa xarun idaacadeed oo cusub ka furtay magaalada Guriceel ee gobolka Galguduud, taasoo loogu talogalay inay wararka ka dhageystaan dadka Soomaaliyeed ee ku nool gobollada dhexe.

2013-02-23 6:29 AM EST
Sabti, Feberaayo 23, 2013 (HOL) — Madaxweynaha Soomaaliya, Xasan Sheekh Maxamuud iyo ra'iisul wasaare, Cabdi Faarax Shirdoon (Saacid) ayaa maanta la kulmay wafdi ka socda dowladda Turkiga oo uu hoggaaminayay raiisal wasaare ku xigeenka dalkaas, Bekir Bozdag oo uuna ka mid ahaa wasiirka horumarinta Turkiga, Cevdet Yilmaz.

2013-02-23 5:54 AM EST
Sabti, Feberaayo 23, 2013 (HOL) — Kulan ballaaran oo ay isugu yimaadeen culumaa'uddiinka Ahlusunna Waljameeca loogana hadlayay dhibaatooyinka Al-Shabaab u geysteen diinta Islaamka ayaa maanta lagu qabtay magaalada Muqdisho, iyadoo gaba-gabadii kulankan laga soo saaray bayaan.

2013-02-23 5:49 AM EST
Sabti, Feberaayo 23, 2013 (HOL) — Wasiirka Arrimaha Gudaha iyo Taliyaha guud ee Booliska, ayaa, sheegay in hawl-galaddii ay toddobaadkan wadeen kug uuleysteen, isla markaana ku soo qabqabteen dad lagu tuhmayo inay yihiin dambiileyaal.

2013-02-23 5:46 AM EST
Sabti, Feberaayo, 23, 2013 (HOL) – Kadib dhaq dhaqaaq Isboorti oo si xowli ah uga socday bilihii ugu danbeeyay magaalada Baladweyne ee xarunta gobollka Hiiraan ayaa hadda waxaa muuqata in guddiga Olanbikada Soomaaliya uu u soo jeestay sidii uu loo taageeri lahaa howlaha Isboorti ee sida wanaagsan uga soconaya gobollka.

2013-02-23 4:37 AM EST
Sabti, Feberaayo 23, 2013 (HOL) — Iska-horimaad u dhexeeya ciidamo ka wada tirsan maamulka KMG ee degmada Kismaayo ayaa lagu soo waramayaa in saaka aroortii uu ka qarxay gudaha degmadaasi, iyadoona la sheegayo in labada dhinac ay isu adeegsanayaan hubka noocyadiisa kala duwan.

2013-02-23 2:54 AM EST
Sabti, Feberaayo 23, 2013 (HOL) —Gudiga farsamada shirka maamul u sameynta gobollada Jubooyinka ayaa ku dhawaaaqay in uu maanta baaqday shirkii maamul u sameynta gobollada Jubooyinka ee loo ballansanaa in uu maanta si rasmi ah uga furmo gudaha magaalada Kismaayo ee xarunta gobolka jubada hoose.

2013-02-23 12:33 AM EST
Sabti, Feberaayo 23, 2013 (HOL) — Wafdi uu hoggaaminayo ra’iisul wasaare ku xigeenka dalka Turkiga, Baker Buzdag ayaa saakay soo gaaray Muqdisho, iyadoo garoonka diyaaradaha ay kusoo dhaweeyeen wasiirro ka tirsan dowladda Soomaaliya oo ay ka mid yihiin ra’iisul wasaare ku xigeenka ahna wasiiradda arrimaha dibadda, Fowziyo Yuusuf Xaaji Aadan, wasiirka maaliyadda, Maxamuud Xasan Suleymaan, taliyaha booliiska, Jen. Shariif Sheekhunaa Maye iyo xubno kale.

2013-02-23 12:16 AM EST
Sabti, Feberaayo 23, 2013 (HOL) — Dab geystay khasaare maaliyadeed oo xoog leh ayaa xalay ka kacay xerada Xagar-dheer oo ka mid ah xeryaha qoxootiga Dhadhaab ee dalka Kenya, kaasoo billowday xalay fiidkii socday illaa gellinkii dambe.