2014-10-22
Today from Hiiraan Online:  _
Wararka Maanta- Jimco, Feb 22, 2013
Doorashadii Baarlamaanka dalka Jabuuti oo Caawa Fiidkii lasoo gabagabeeyay



Jimco, Feberaayo 22, 2013 (HOL) — Doorashadii baarlamaaniga ahayd ee dalka Jabuuti ayaa lasoo gabgabeeyay fiidnimadii caawa, kaddib markii hal saac oo dheeri lagu kordhiyay codbixinta oo lagu waday inay soo xiranto 6:00 maqribnimo ee maanta.

Madaxweynaha dalka Jabuuti iyo hoggaamiyeyaasha xisbiyada mucaaradka ah ee tartanka ku jiray ayaa ka codeeyay goobo kala duwan oo magaalada Jabuuti ka mid ah, iyadoo doorashada lagu sheegay inay u dhacday si wanaagsan oo aanu musuqmaasuq ku jirin.

“Natiijada hordhaca ah ee doorashada waxaa lagu dhawaqi doonaa caawa goor dambe, balse natiijada rasmiga ah waxaa lagu dhawaaqi doonaan laba maalmood kaddib,” ayuu yiri wasiirka arrimaha gudaha dalka Jabuuti, Xasan Dharaar Hufane oo warbaahinta la hadlay markii cod-bixinta lasoo gabgabeeyay..

Wasiirku wuxuu intaas ku daray in doorashada ay u dhacday si hufan oo cadaaladi ay ku jirto, wuxuuna xusay in markii doorashada lasoo gabgabeeyay horay laga billaabay tirinta codadkii ay shacabka Jabuuti dhiibteen.

Kuraasta lagu tartamayay ee baarlamaanka Jabuuti ayaa waxay ahaayeen 65 kursi, iyadoo mucaaradka iyo muxaafidka ay dadaal weyn u galeen sidii ay ku heli lahaayeen aqlabiyadda baarlamaanka, si ay awoodda maamul ee dalka ula wareegaan.

Cod-bixiyeyaasha ayaa sheegay in doorashada ay ku faraxsan yihiin ayna si nadiif ah u billaabatay doorashada kuna soo dhamaatay, waxaana sidoo kale ka hadlay codbixintan goobjoogayaasha xisbiyada tartamaya ee ku sugnaa goobaha codadka laga dhiibanayay ayaa sheegay in doorashadu ay ahayd mid u dhacday si wanaagsan.

Mas’uuliyiin u hadlay xisbiyada mucaaradka ah iyo xukuumadda ayaa sheegay inay soo dhaweynayaan natiijada doorashada, iyago xusay inay ku kalsoonaan doonaan kuraasta ay ka helaan baarlamaanka.

Goobaha codadka laga dhiibanayay ayaa waxaa ku sugnaa 73 goobjooge oo ka socday dalalka ururka Midowga Midowga, urur goboleedka IGAD, ururka Islaamka iyo Jaamacadda Carabta. Iyadoo sidoo kale ammaanka ay si aad ah u sugayeen ciidammo fara badan oo reer Jabuuti ah.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-22 12:42 PM EST
Jimco, February 22, 2013(HOL): Ibraahim Nuur Qalinle oo ka mid ah Soomaalida ku nool waddanka Sweden, gaar ahaan Magaalada Goteborg ayaa isagoo ku sugan magaalada Muqdisho ee caasimadda dalka Soomaaliya waxaa uu la hadlay TV-ga Sweden ee SVT, wuxuuna sheegay in Soomaali badan oo caalamka daafihiisa ku nool ay ku fekerayaan in ay ku laabtaan dalkooda hooyo ee Soomaaliya.

2013-02-22 12:20 PM EST
Jimco, Feberaayo 22, 2013 (HOL) — Mudaharadayaal careysan ayaa cagta mariyay habeenkii xalay ahaa guriga uu degmada Boorame ka deggenaa guddoomiye ku xigeenkii gobolka Awdal, Cabdinuur Sugaal iyo guri uu deggenaa aabbihii oo labaduba ku yaalla hal xaafad.

2013-02-22 12:11 PM EST
Jimco, Feberaayo 22, 2013 (HOL) —Ciidammo boolis ah ayaa habeen hore fiidkii gudaha u galay xarunta telefsihinka RAYO-TV iyagoo albaabbada u laabay xaruntii telefishan uu ku lahaa magaalada Boorame, iyadoo shacab ka careysan xarigaas ay xalay mudaaharaad ka dhigeen magaaladaas.

2013-02-22 11:57 AM EST
Jimco, Feberaayo 22, 2013 (HOL) — Mas’uuliyiin u kala hadlay dowladda Soomaaliya iyo Turkiga ayaa shaaca ka qaaday in Soomaali badan oo doonaya inay galaan dalalka Yurub ay baasaboorro faalso ah ama la been abuuuray ay ku raacaan diyaaradda Turkish Airlines oo ah diyaaradda keliya ee duulimaadyo caalami ah ku tagta Muqdisho.

2013-02-22 11:20 AM EST
Jimco, Feberaayo 22, 2013 (HOL) — Wafdi uu hoggaaminayo ra’iisul wasaare ku xigeenka dalka Turkiga, Barker Buzdag oo uu ka mid yahay wasiirka horumarinta dalkaas, Cevdet Yilmaz ayaa berri safar ku imaanaya magaalada Muqdisho ee xarunta Soomaaliya.

2013-02-22 2:28 AM EST
Jimco, Feberaayo 22, 2013 (HOL) — Xukuumadda Federaalka Soomaaliya ayaa sheegtay in ammaanka magaalada Muqdisho ee caasimadda dalka Soomaaliya uu yahay mid aad uga wanaagsan sidii uu ahaan jiray, waxayna xukuumaddu Sheegtay in magaaladu uu ka soconayo horumar iyo ganacsi baaxad leh.

2013-02-22 1:46 AM EST
Jimco, Feberaayo 22, 2013 (HOL) — Safaaradda Soomaaliya ee Koonfur Afrika ayaa ku guuleystay inay fasaxdo dad doonayay inay dib ugu laabtaan dalkooda hooyo ee Soomaaliya, kuwaasoo xayirnaa muddo ka badan seddex bilood kaddib markii waaxda socdaalka ee dalka Koonfur Afrika joojisay safarkooda.

2013-02-22 1:11 AM EST
Jimco, Feberaayo 22, 2013 (HOL) — Hay’adda xuquuqda aadanaha ee Human Rights Watch oo fadhigeedu yahay dalka Mareykanka ayaa uga digtay xukuunadda Netherlands ama Holland in qoxootiga Soomaalida ah ee dalkeeda ku nool oo ay magangalyada u diidday inay dib ugu celiso Soomaaliya.

2013-02-22 1:07 AM EST
Jimco, Feberaayo 22, 2013 (HOL) — Ciidamo gaar ah oo loo yaqaan RRU iyo kuwa nabadsugidda Somaliland ayaa ka billaabay xilliyada magaalada Hargeysa xiliyada habeenkii ah howgallo lagu sugayo ammaanka, kuwaasoo ay ku qab-qabteen dad badan oo shacab ah.

2013-02-22 1:06 AM EST
Jimco, Feberaayo 22, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa safar shaqo oo qaadanaya muddo saddex maalmood ah ku tagay dalka Kenya, kaddib hal toddobaad oo uu booqasho ku joogay dalka Itoobiya, iyadoo lagu wado inuu la kulmo madaxda dalkaas.

2013-02-22 1:01 AM EST
Jimco, Feberaayo 22, 2013 (HOL) — Dalka Jabuuti ayaa waxaa saakay ka billowday doorashada baarlamaaniga ah ee dalkaas, iyadoo shacabku ay soo dooranayaan 65-ka xidhibaan ee uu ka kooban yahay baarlamaanka Jabuuti.