2014-09-01
Today from Hiiraan Online:  _
Wararka Maanta- Jimco, Feb 22, 2013
Soomaali badan oo qurbaha ku nool oo ku fekereysa inay Muqdisho ku laabtaan



Ibraahim Nuur Qalinle- PHOTO By: SVT


Jimco, February 22, 2013(HOL): Ibraahim Nuur Qalinle oo ka mid ah Soomaalida ku nool waddanka Sweden, gaar ahaan Magaalada Goteborg ayaa isagoo ku sugan magaalada Muqdisho ee caasimadda dalka Soomaaliya waxaa uu la hadlay TV-ga Sweden ee SVT, wuxuuna sheegay in Soomaali badan oo caalamka daafihiisa ku nool ay ku fekerayaan in ay ku laabtaan dalkooda hooyo ee Soomaaliya.

 

Magaalada Muqdisho ayaa marka aad dhex socoto waxaad arkeysaa Soomaali badan oo dibadaha ka laabtay, kuwaasi oo isugu jira kuwo u tegay in ay dalka soo arkaan, kuwo doonaya in ay ganacsi abuurtaan iyo kuwo dalkooda u boholyoobay.

 

Ibraahim Qalinle oo aad ula dhacay isbedelka ku yimid Soomaaliya ayaa wuxuu sheegay in xagaaga soo socda ay Soomaali badan ku laabanayaan dalka Soomaaliya, isagoo tusaale u soo qaatay in qofkii doonaya in uu tikidh ka iibsado shirkadda diyaaradaha Turkish Airways oo Muqdisho duullimaad ku  tagta ay ku adkaaneyso in uu tikidh helo, iyadoo taasina ay ugu wacan tahay sida uu yiri  iyadoo dadku mar hore sii jarteen tikidhadii xilliga xagaaga.

 

”Waxaan kuu xaqiijin karaa ugu yaraan 10—20 kun in ay Tikidhooda sii goosteen, isla markaana ay qorsheynayaan in ay Soomaaliya ku laabtaan xagaagan”ayuu yiri Ibraahim Qalinle oo 23 sanadood ku noolaa dalka Sweden.

 

Soomaalida ku noqoneysa Soomaaliya ayaa waxay ka tegayaan meelo badan oo caalamka ah haba ugu badnaadeen waddamada Mareykanka, Canada, Ingiriiska, Sweden, Holland, Norway iyo kuwo kale, iyadoo weliba ay jiraan kuwo ka laabtay dalalka deriska la ah Soomaaliya oo ay waqti hore soo galeen.

 

Idiris Ibraahim Nuur oo ah wiil uu dhalay Ibraahim Qalinle oo isna la hadlay TV-ga SVT isagoo Muqdisho ku sugan ayaa wuxuu sheegay in uu aad uga helay wadankiisa hooyo, isla markaana uu hadda si fiican u baranayo Afka Soomaaliga, wuxuuna caddeeyay in Waddanka Soomaaliya uu yahay waddan dalxiis oo aad u qurux badan, isla markaana xeeb leh.

 

Isbedelka ka dhacay Soomaaliya ayaa wuxuu yimid kaddib markii xoogaggii Al-Shabaab laga saaray meelo badan oo Soomaaliya ka mid ah oo ay ka talinayeen, isla markaana gudaha Soomaaliya lagu dhisay dowladda Federaalka Soomaaliya ee hadda Soomaaliya u dhisan, taasi oo weliba aanan ahayn mid KMG ah.

 

 

Salaad Iidow Xasan (Xiis, Hiiraan Online

sxiis@hiiraan.com





Post your comments

2013-02-22 2:00 PM EST
Jimco, Feberaayo 22, 2013 (HOL) — Doorashadii baarlamaaniga ee dalka Jabuuti ayaa lasoo gabgabeeyay fiidnimadii caawa, kaddib markii hal saac oo dheeri lagu kordhiyay codbixinta oo lagu waday inay soo xiranto 6:00 maqribnimo ee maanta.

2013-02-22 12:20 PM EST
Jimco, Feberaayo 22, 2013 (HOL) — Mudaharadayaal careysan ayaa cagta mariyay habeenkii xalay ahaa guriga uu degmada Boorame ka deggenaa guddoomiye ku xigeenkii gobolka Awdal, Cabdinuur Sugaal iyo guri uu deggenaa aabbihii oo labaduba ku yaalla hal xaafad.

2013-02-22 12:11 PM EST
Jimco, Feberaayo 22, 2013 (HOL) —Ciidammo boolis ah ayaa habeen hore fiidkii gudaha u galay xarunta telefsihinka RAYO-TV iyagoo albaabbada u laabay xaruntii telefishan uu ku lahaa magaalada Boorame, iyadoo shacab ka careysan xarigaas ay xalay mudaaharaad ka dhigeen magaaladaas.

2013-02-22 11:57 AM EST
Jimco, Feberaayo 22, 2013 (HOL) — Mas’uuliyiin u kala hadlay dowladda Soomaaliya iyo Turkiga ayaa shaaca ka qaaday in Soomaali badan oo doonaya inay galaan dalalka Yurub ay baasaboorro faalso ah ama la been abuuuray ay ku raacaan diyaaradda Turkish Airlines oo ah diyaaradda keliya ee duulimaadyo caalami ah ku tagta Muqdisho.

2013-02-22 11:20 AM EST
Jimco, Feberaayo 22, 2013 (HOL) — Wafdi uu hoggaaminayo ra’iisul wasaare ku xigeenka dalka Turkiga, Barker Buzdag oo uu ka mid yahay wasiirka horumarinta dalkaas, Cevdet Yilmaz ayaa berri safar ku imaanaya magaalada Muqdisho ee xarunta Soomaaliya.

2013-02-22 2:28 AM EST
Jimco, Feberaayo 22, 2013 (HOL) — Xukuumadda Federaalka Soomaaliya ayaa sheegtay in ammaanka magaalada Muqdisho ee caasimadda dalka Soomaaliya uu yahay mid aad uga wanaagsan sidii uu ahaan jiray, waxayna xukuumaddu Sheegtay in magaaladu uu ka soconayo horumar iyo ganacsi baaxad leh.

2013-02-22 1:46 AM EST
Jimco, Feberaayo 22, 2013 (HOL) — Safaaradda Soomaaliya ee Koonfur Afrika ayaa ku guuleystay inay fasaxdo dad doonayay inay dib ugu laabtaan dalkooda hooyo ee Soomaaliya, kuwaasoo xayirnaa muddo ka badan seddex bilood kaddib markii waaxda socdaalka ee dalka Koonfur Afrika joojisay safarkooda.

2013-02-22 1:11 AM EST
Jimco, Feberaayo 22, 2013 (HOL) — Hay’adda xuquuqda aadanaha ee Human Rights Watch oo fadhigeedu yahay dalka Mareykanka ayaa uga digtay xukuunadda Netherlands ama Holland in qoxootiga Soomaalida ah ee dalkeeda ku nool oo ay magangalyada u diidday inay dib ugu celiso Soomaaliya.

2013-02-22 1:07 AM EST
Jimco, Feberaayo 22, 2013 (HOL) — Ciidamo gaar ah oo loo yaqaan RRU iyo kuwa nabadsugidda Somaliland ayaa ka billaabay xilliyada magaalada Hargeysa xiliyada habeenkii ah howgallo lagu sugayo ammaanka, kuwaasoo ay ku qab-qabteen dad badan oo shacab ah.

2013-02-22 1:06 AM EST
Jimco, Feberaayo 22, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa safar shaqo oo qaadanaya muddo saddex maalmood ah ku tagay dalka Kenya, kaddib hal toddobaad oo uu booqasho ku joogay dalka Itoobiya, iyadoo lagu wado inuu la kulmo madaxda dalkaas.

2013-02-22 1:01 AM EST
Jimco, Feberaayo 22, 2013 (HOL) — Dalka Jabuuti ayaa waxaa saakay ka billowday doorashada baarlamaaniga ah ee dalkaas, iyadoo shacabku ay soo dooranayaan 65-ka xidhibaan ee uu ka kooban yahay baarlamaanka Jabuuti.