12/21/2014
Today from Hiiraan Online:  _
Wararka Maanta- Jimco, Feb 22, 2013
Mudaaharaadayaal Gadoodsan oo Weeraray Gurigii uu Boorame ka Deggenaa ku simaha Guddoomiyaha Gobolka Awdal


Jimco, Feberaayo 22, 2013 (HOL) — Mudaharadayaal careysan ayaa cagta mariyay habeenkii xalay ahaa guriga uu degmada Boorame ka deggenaa guddoomiye ku xigeenkii gobolka Awdal, Cabdinuur Sugaal iyo guri uu deggenaa aabbihii oo labaduba ku yaalla hal xaafad.

Guryahan ayay mudaaharadayaashu la beegsadeen dhagax waawayn, iyagoo sida roobka uga dhigay labadan guri, waxaana la burburiyay albaabadii gurigaas taallay iyo daaqadahihii.

Ku-simaha badhasaabka oo ay saaka waabarigii HOL wax ka weydiisay falkkan khasaaraha geystay iyo waxa sababay in la beegsado gurigiisa ayaa waxa uu yidhi: "Weligeed ayay dhici jirtay in mas’uuliyiinta guryahooda ay dad gadoodsan beegsadaan, guryuhuna dhulka ayay taabteen, waana ka xumahay in sidan ay wax u dhacaan."

Warar hoose ayaa sheegaya in sababta loo beegsaday guriga ku simaha guddoomiyaha gobolka Awdal ay la xiriirto inuusan kasoo jeedin gobolka, iyadoo aysan jirin wax jawaab ah oo arrintan ay ka bixisay xukuumadda Somaliland.

Dhanka kale, weli waxaa xiran agaasimihii RAYO-TV iyo Cabdifataax Cilmi Muxumed, iyadoo xalaadda magaaladu ay taha mid deggen waxaase suuro-gal ah in wax badan ay ka dhaqaaqaan dhinaca dowladda, kuwaasoo noqon kara shirar, nabadgalyo, jaraa’ido, IWM oo ay ku sugayaan amniga iyo xasiloonida degmada Boorame.

Magaalada Boorame ayaa waxay ka mid ahayd degmooyinkii ay ka dhaceen dibadbaxyadii looga soo horjeeday doorashooyinkii golaha deegaanka sida ay u dhaceen, inkastoo mar dambe lagu guuleystay in arrintaas la xalliyo.

Khadro Xasan, Nuux, Hiiraan Online
khadra783@hotmail.com
Boorame, Somaliland





Post your comments

2/22/2013 2:00 PM EST
Jimco, Feberaayo 22, 2013 (HOL) — Doorashadii baarlamaaniga ee dalka Jabuuti ayaa lasoo gabgabeeyay fiidnimadii caawa, kaddib markii hal saac oo dheeri lagu kordhiyay codbixinta oo lagu waday inay soo xiranto 6:00 maqribnimo ee maanta.

2/22/2013 12:42 PM EST
Jimco, February 22, 2013(HOL): Ibraahim Nuur Qalinle oo ka mid ah Soomaalida ku nool waddanka Sweden, gaar ahaan Magaalada Goteborg ayaa isagoo ku sugan magaalada Muqdisho ee caasimadda dalka Soomaaliya waxaa uu la hadlay TV-ga Sweden ee SVT, wuxuuna sheegay in Soomaali badan oo caalamka daafihiisa ku nool ay ku fekerayaan in ay ku laabtaan dalkooda hooyo ee Soomaaliya.

2/22/2013 12:11 PM EST
Jimco, Feberaayo 22, 2013 (HOL) —Ciidammo boolis ah ayaa habeen hore fiidkii gudaha u galay xarunta telefsihinka RAYO-TV iyagoo albaabbada u laabay xaruntii telefishan uu ku lahaa magaalada Boorame, iyadoo shacab ka careysan xarigaas ay xalay mudaaharaad ka dhigeen magaaladaas.

2/22/2013 11:57 AM EST
Jimco, Feberaayo 22, 2013 (HOL) — Mas’uuliyiin u kala hadlay dowladda Soomaaliya iyo Turkiga ayaa shaaca ka qaaday in Soomaali badan oo doonaya inay galaan dalalka Yurub ay baasaboorro faalso ah ama la been abuuuray ay ku raacaan diyaaradda Turkish Airlines oo ah diyaaradda keliya ee duulimaadyo caalami ah ku tagta Muqdisho.

2/22/2013 11:20 AM EST
Jimco, Feberaayo 22, 2013 (HOL) — Wafdi uu hoggaaminayo ra’iisul wasaare ku xigeenka dalka Turkiga, Barker Buzdag oo uu ka mid yahay wasiirka horumarinta dalkaas, Cevdet Yilmaz ayaa berri safar ku imaanaya magaalada Muqdisho ee xarunta Soomaaliya.

2/22/2013 2:28 AM EST
Jimco, Feberaayo 22, 2013 (HOL) — Xukuumadda Federaalka Soomaaliya ayaa sheegtay in ammaanka magaalada Muqdisho ee caasimadda dalka Soomaaliya uu yahay mid aad uga wanaagsan sidii uu ahaan jiray, waxayna xukuumaddu Sheegtay in magaaladu uu ka soconayo horumar iyo ganacsi baaxad leh.

2/22/2013 1:46 AM EST
Jimco, Feberaayo 22, 2013 (HOL) — Safaaradda Soomaaliya ee Koonfur Afrika ayaa ku guuleystay inay fasaxdo dad doonayay inay dib ugu laabtaan dalkooda hooyo ee Soomaaliya, kuwaasoo xayirnaa muddo ka badan seddex bilood kaddib markii waaxda socdaalka ee dalka Koonfur Afrika joojisay safarkooda.

2/22/2013 1:11 AM EST
Jimco, Feberaayo 22, 2013 (HOL) — Hay’adda xuquuqda aadanaha ee Human Rights Watch oo fadhigeedu yahay dalka Mareykanka ayaa uga digtay xukuunadda Netherlands ama Holland in qoxootiga Soomaalida ah ee dalkeeda ku nool oo ay magangalyada u diidday inay dib ugu celiso Soomaaliya.

2/22/2013 1:07 AM EST
Jimco, Feberaayo 22, 2013 (HOL) — Ciidamo gaar ah oo loo yaqaan RRU iyo kuwa nabadsugidda Somaliland ayaa ka billaabay xilliyada magaalada Hargeysa xiliyada habeenkii ah howgallo lagu sugayo ammaanka, kuwaasoo ay ku qab-qabteen dad badan oo shacab ah.

2/22/2013 1:06 AM EST
Jimco, Feberaayo 22, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa safar shaqo oo qaadanaya muddo saddex maalmood ah ku tagay dalka Kenya, kaddib hal toddobaad oo uu booqasho ku joogay dalka Itoobiya, iyadoo lagu wado inuu la kulmo madaxda dalkaas.

2/22/2013 1:01 AM EST
Jimco, Feberaayo 22, 2013 (HOL) — Dalka Jabuuti ayaa waxaa saakay ka billowday doorashada baarlamaaniga ah ee dalkaas, iyadoo shacabku ay soo dooranayaan 65-ka xidhibaan ee uu ka kooban yahay baarlamaanka Jabuuti.