2014-10-24
Today from Hiiraan Online:  _
Wararka Maanta- Jimco, Feb 22, 2013
Dalalka Soomaaliya iyo Turkiga oo shaaciyay in Somali Magan-galyo Doon ah ay Baasaboorro Faslo ku raacaan Turkish Airlines



Jimco, Feberaayo 22, 2013 (HOL) — Mas’uuliyiin u kala hadlay dowladda Soomaaliya iyo Turkiga ayaa shaaca ka qaaday in Soomaali badan oo doonaya inay galaan dalalka Yurub ay baasaboorro faalso ah ama la been abuuuray ay ku raacaan diyaaradda Turkish Airlines oo ah diyaaradda keliya ee duulimaadyo caalami ah ku tagta Muqdisho.

Diyaaradda Turkish Airlines ayaa duulimaadyo ku timaadda Muqdishho laba jeer toddobaad walba, iyadoo keenta rakaab, kuwo kalena ka qaadda, iyadoo duulimaadyada diyaaraddan ay u sahleen Soomaali badan oo caalamka ka imaanaya inay soo raacaan.

“Xaaladda Muqdisho waa mid wanaagsan, dad bandan ayaana dib ugu soo laabanaya,” ayuu yiri madaxa laanta socdaalka iyo jinsiyada Soomaaliya, Jen. Cabdullaahi Gaafoow Maxamuud. Isagoo intaas raaciyay: “Dhibaarada soo korortay markii Turkish Airlines ay billowday inay duulimaadyo ku timaaddo Muqdisho waa in Soomaali badan oo doonaya inay Yurub galaan ay baasaboorro aan la been abuuray ay ku raacaan diyaaradda.”

Jen. Gaafoow ayaa sheegay inay qabteen toddobaadkii hore saddex ruux oo isticmaalaya baasaboorro la been abuuray. Isagoo Soomaalida ku nool Yurub ay arrintan qayb weyn ku leeyihiin. Iyadoo la sheegay in Soomaalidu ay ku bixiyaan kumannaan kun oo doollar si ay u isticmaalaan baasaboorro la been abuuray ama faalso ah.

“Qurbo-joogtu waxay raadinayaan baasaboor uu ku dhagan yahay sawir u eg qofka ay doonayaan inay geeyaan Yurub, taasna waa mid aan si dhow ula soconno,” ayuu yiri Jen. Gaafoow.

Sidoo kale. taliyaha waaxda socdaalka iyo jinsiyadaha Soomaaliya ayaa tusay wariyeyaasha baasaboorro la been abuuray oo uu sheegay in la doonayay in looga dhoofo garoonka diyaaradaha Muqdisho.

Dhanka kale, afhayeen u hadlay Turkish Airlines oo lagu magacaabo, Merve Oruc ayaa isaguna xaqiijiyay in baasaboorro aan sharci ahayn lagu raaco diyaaradooda.

“Arrintan awgeed, waxaan go’aansannay in diyaaradaha Turkiga ee Somalia soo aadaya aan kusoo darno shaqaalaheenna baarista qaarkood, kuwaasoo kala shaqeynaya shaqaalaha waaxda socdaalka Soomaaliya sidii loo hubin lahaa baasaboorrada ay wataan dadka Soomaaliyeed ee dhoofaya,” ayuu yiri Oruc oo la hadlayay wakaaladda wararka AP.

Xukuumadda Soomaaliya ayaa walaac ka muujisay in arrintan ay sabab u noqon karto in Turkish Airlines ay joojiso duulimaadyada caalamiga ah ee ay ku timaaddo Muqdisho. Balse afhayeenka u hadlay Turkish Airlines ayaa sheegay inuusan jirin qorshe ay ku doonayaan inay ku joojiyaan duulimaadka ay diyaaradooda ku tago Muqdisho.

Tan iyo markii ay ciidamada Soomaaliya iyo Midowga Afrika ay ku guuleysteen in Al-shabaab ay ka saaraan Muqdisho 18-bilood ka hor waxaa soo badanayay Soomaalida ka imaanaya dalka dibaddiisa si ay u arkaan qoysaskooda oo muddo dheer ay isugu dambeysay.

Dalalka Reer Yurub ayaa ka digay markii Turkish Airlines ay duulmaadyada ka billaabaysay Soomaaliya inay dhici karaan in dad magan-galyo doon ah ay soo raaci karaan diyaaraddaas, inkastoo dowladda Turkiga ay sheegtay inay ka hortagayso arrintaas.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-22 2:00 PM EST
Jimco, Feberaayo 22, 2013 (HOL) — Doorashadii baarlamaaniga ee dalka Jabuuti ayaa lasoo gabgabeeyay fiidnimadii caawa, kaddib markii hal saac oo dheeri lagu kordhiyay codbixinta oo lagu waday inay soo xiranto 6:00 maqribnimo ee maanta.

2013-02-22 12:42 PM EST
Jimco, February 22, 2013(HOL): Ibraahim Nuur Qalinle oo ka mid ah Soomaalida ku nool waddanka Sweden, gaar ahaan Magaalada Goteborg ayaa isagoo ku sugan magaalada Muqdisho ee caasimadda dalka Soomaaliya waxaa uu la hadlay TV-ga Sweden ee SVT, wuxuuna sheegay in Soomaali badan oo caalamka daafihiisa ku nool ay ku fekerayaan in ay ku laabtaan dalkooda hooyo ee Soomaaliya.

2013-02-22 12:20 PM EST
Jimco, Feberaayo 22, 2013 (HOL) — Mudaharadayaal careysan ayaa cagta mariyay habeenkii xalay ahaa guriga uu degmada Boorame ka deggenaa guddoomiye ku xigeenkii gobolka Awdal, Cabdinuur Sugaal iyo guri uu deggenaa aabbihii oo labaduba ku yaalla hal xaafad.

2013-02-22 12:11 PM EST
Jimco, Feberaayo 22, 2013 (HOL) —Ciidammo boolis ah ayaa habeen hore fiidkii gudaha u galay xarunta telefsihinka RAYO-TV iyagoo albaabbada u laabay xaruntii telefishan uu ku lahaa magaalada Boorame, iyadoo shacab ka careysan xarigaas ay xalay mudaaharaad ka dhigeen magaaladaas.

2013-02-22 11:20 AM EST
Jimco, Feberaayo 22, 2013 (HOL) — Wafdi uu hoggaaminayo ra’iisul wasaare ku xigeenka dalka Turkiga, Barker Buzdag oo uu ka mid yahay wasiirka horumarinta dalkaas, Cevdet Yilmaz ayaa berri safar ku imaanaya magaalada Muqdisho ee xarunta Soomaaliya.

2013-02-22 2:28 AM EST
Jimco, Feberaayo 22, 2013 (HOL) — Xukuumadda Federaalka Soomaaliya ayaa sheegtay in ammaanka magaalada Muqdisho ee caasimadda dalka Soomaaliya uu yahay mid aad uga wanaagsan sidii uu ahaan jiray, waxayna xukuumaddu Sheegtay in magaaladu uu ka soconayo horumar iyo ganacsi baaxad leh.

2013-02-22 1:46 AM EST
Jimco, Feberaayo 22, 2013 (HOL) — Safaaradda Soomaaliya ee Koonfur Afrika ayaa ku guuleystay inay fasaxdo dad doonayay inay dib ugu laabtaan dalkooda hooyo ee Soomaaliya, kuwaasoo xayirnaa muddo ka badan seddex bilood kaddib markii waaxda socdaalka ee dalka Koonfur Afrika joojisay safarkooda.

2013-02-22 1:11 AM EST
Jimco, Feberaayo 22, 2013 (HOL) — Hay’adda xuquuqda aadanaha ee Human Rights Watch oo fadhigeedu yahay dalka Mareykanka ayaa uga digtay xukuunadda Netherlands ama Holland in qoxootiga Soomaalida ah ee dalkeeda ku nool oo ay magangalyada u diidday inay dib ugu celiso Soomaaliya.

2013-02-22 1:07 AM EST
Jimco, Feberaayo 22, 2013 (HOL) — Ciidamo gaar ah oo loo yaqaan RRU iyo kuwa nabadsugidda Somaliland ayaa ka billaabay xilliyada magaalada Hargeysa xiliyada habeenkii ah howgallo lagu sugayo ammaanka, kuwaasoo ay ku qab-qabteen dad badan oo shacab ah.

2013-02-22 1:06 AM EST
Jimco, Feberaayo 22, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa safar shaqo oo qaadanaya muddo saddex maalmood ah ku tagay dalka Kenya, kaddib hal toddobaad oo uu booqasho ku joogay dalka Itoobiya, iyadoo lagu wado inuu la kulmo madaxda dalkaas.

2013-02-22 1:01 AM EST
Jimco, Feberaayo 22, 2013 (HOL) — Dalka Jabuuti ayaa waxaa saakay ka billowday doorashada baarlamaaniga ah ee dalkaas, iyadoo shacabku ay soo dooranayaan 65-ka xidhibaan ee uu ka kooban yahay baarlamaanka Jabuuti.