2014-07-31
Today from Hiiraan Online:  _
Wararka Maanta- Jimco, Feb 22, 2013
Xukuumadda Soomaaliya oo shaacisay in Muqdisho ay ku Tallaabsatay nabad uuna ka socdo Horumar ganacsi oo xoog leh


Jimco, Feberaayo 22, 2013 (HOL) — Xukuumadda Federaalka Soomaaliya ayaa sheegtay in ammaanka magaalada Muqdisho ee caasimadda dalka Soomaaliya uu yahay mid aad uga wanaagsan sidii uu ahaan jiray, waxayna xukuumaddu Sheegtay in magaaladu uu ka soconayo horumar iyo ganacsi baaxad leh.

Ra’isul wasaaraha xukuumadda federaalka Soomaaliya Mudane Cabdi Faarax Shirdoon (Saacid) oo warbaahinta la hadlay ayaa sheegay in ammaanka ka jiro magaalada Muqdisho ay cadeyn u tahay wufuudda caalamiga ah ee imaaneysa magaalada, wuxuuna xusay in Soomaaliya ay imika gashay marxalad cusub oo dowladnimo.

Masuulkani ayaa sheegay in magaalada Muqdisho oo hore loogu tilmaami jiray in ay tahay caasimadda ugu qatarta badan caalamka, in imika ay ka jirto xasilooni iyo isdhexgal dhanka bulshada ah, wuxuuna sheegay in arintaasi ay sabab u tahay waxa uu ugu yeeray "Soomaaliyada cusub" iyo isbadalka uu dalku galay.

“Waa nalaku aamini karaa waana ku faraxsannahay fursadda Soomaaliya u dhalatay, waxaana rajeyn doonnaa inaanu shaqada iyo waxa nalaku aaminay aan sii wadi doonno, halkanna aad arki doontaan anagoo shirar jaraa’id kula qaban doonna dadyoow kala duwan oo caalamka ka yimid,” ayuu ra’isul wasaaruhu hadalkiisii raaciyay.

Sidoo kale waxa uu sheegay in horumarka iyo ammaanka ka jiro Muqdisho ay bilow u tahay Soomaaliyada cusub, wuxuuna intaa ku daray in xukuumaddiisu ay ka go’antahay sidii nabad loogu soo dabaali lahaa guud ahaan dalka Soomaaliya.

Magaalada Muqdisho ee caasimadda dalka Soomaaliya ayaa imika laga dareemayaa isbadal baaxad leh, marka loo eego sidii ay ahaan jirtay, waxaana degmooyinka kala duwan ee gobolka banaadir ka soconayo dib u dhis, iyadoona dalka ay dib ugu soo laabanayaan dadweeyne fara badan oo ka kala imaanaya daafaha caalamka.

Arintani ayay dad badani aaminsanyihiin in ay sabab u tahay isbadalka ka dhacay dalka, iyo weliba shacabka Soomaaliyeed oo ka daalay dagaallo sokeeyo,  islamarkaasina garowsaday in aysan jirin meel u dhaanta dalkooda hooyo, imikana ku baraarugay dib u dhiska iyo weliba ka qeby-qaadashada nabadda iyo horumarka dalka.

Xasan Nuur, Hiiraan Online
Hnur@hiiraan.com
Muqdisho, Soomaaliya





Post your comments

2013-02-22 2:00 PM EST
Jimco, Feberaayo 22, 2013 (HOL) — Doorashadii baarlamaaniga ee dalka Jabuuti ayaa lasoo gabgabeeyay fiidnimadii caawa, kaddib markii hal saac oo dheeri lagu kordhiyay codbixinta oo lagu waday inay soo xiranto 6:00 maqribnimo ee maanta.

2013-02-22 12:42 PM EST
Jimco, February 22, 2013(HOL): Ibraahim Nuur Qalinle oo ka mid ah Soomaalida ku nool waddanka Sweden, gaar ahaan Magaalada Goteborg ayaa isagoo ku sugan magaalada Muqdisho ee caasimadda dalka Soomaaliya waxaa uu la hadlay TV-ga Sweden ee SVT, wuxuuna sheegay in Soomaali badan oo caalamka daafihiisa ku nool ay ku fekerayaan in ay ku laabtaan dalkooda hooyo ee Soomaaliya.

2013-02-22 12:20 PM EST
Jimco, Feberaayo 22, 2013 (HOL) — Mudaharadayaal careysan ayaa cagta mariyay habeenkii xalay ahaa guriga uu degmada Boorame ka deggenaa guddoomiye ku xigeenkii gobolka Awdal, Cabdinuur Sugaal iyo guri uu deggenaa aabbihii oo labaduba ku yaalla hal xaafad.

2013-02-22 12:11 PM EST
Jimco, Feberaayo 22, 2013 (HOL) —Ciidammo boolis ah ayaa habeen hore fiidkii gudaha u galay xarunta telefsihinka RAYO-TV iyagoo albaabbada u laabay xaruntii telefishan uu ku lahaa magaalada Boorame, iyadoo shacab ka careysan xarigaas ay xalay mudaaharaad ka dhigeen magaaladaas.

2013-02-22 11:57 AM EST
Jimco, Feberaayo 22, 2013 (HOL) — Mas’uuliyiin u kala hadlay dowladda Soomaaliya iyo Turkiga ayaa shaaca ka qaaday in Soomaali badan oo doonaya inay galaan dalalka Yurub ay baasaboorro faalso ah ama la been abuuuray ay ku raacaan diyaaradda Turkish Airlines oo ah diyaaradda keliya ee duulimaadyo caalami ah ku tagta Muqdisho.

2013-02-22 11:20 AM EST
Jimco, Feberaayo 22, 2013 (HOL) — Wafdi uu hoggaaminayo ra’iisul wasaare ku xigeenka dalka Turkiga, Barker Buzdag oo uu ka mid yahay wasiirka horumarinta dalkaas, Cevdet Yilmaz ayaa berri safar ku imaanaya magaalada Muqdisho ee xarunta Soomaaliya.

2013-02-22 1:46 AM EST
Jimco, Feberaayo 22, 2013 (HOL) — Safaaradda Soomaaliya ee Koonfur Afrika ayaa ku guuleystay inay fasaxdo dad doonayay inay dib ugu laabtaan dalkooda hooyo ee Soomaaliya, kuwaasoo xayirnaa muddo ka badan seddex bilood kaddib markii waaxda socdaalka ee dalka Koonfur Afrika joojisay safarkooda.

2013-02-22 1:11 AM EST
Jimco, Feberaayo 22, 2013 (HOL) — Hay’adda xuquuqda aadanaha ee Human Rights Watch oo fadhigeedu yahay dalka Mareykanka ayaa uga digtay xukuunadda Netherlands ama Holland in qoxootiga Soomaalida ah ee dalkeeda ku nool oo ay magangalyada u diidday inay dib ugu celiso Soomaaliya.

2013-02-22 1:07 AM EST
Jimco, Feberaayo 22, 2013 (HOL) — Ciidamo gaar ah oo loo yaqaan RRU iyo kuwa nabadsugidda Somaliland ayaa ka billaabay xilliyada magaalada Hargeysa xiliyada habeenkii ah howgallo lagu sugayo ammaanka, kuwaasoo ay ku qab-qabteen dad badan oo shacab ah.

2013-02-22 1:06 AM EST
Jimco, Feberaayo 22, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa safar shaqo oo qaadanaya muddo saddex maalmood ah ku tagay dalka Kenya, kaddib hal toddobaad oo uu booqasho ku joogay dalka Itoobiya, iyadoo lagu wado inuu la kulmo madaxda dalkaas.

2013-02-22 1:01 AM EST
Jimco, Feberaayo 22, 2013 (HOL) — Dalka Jabuuti ayaa waxaa saakay ka billowday doorashada baarlamaaniga ah ee dalkaas, iyadoo shacabku ay soo dooranayaan 65-ka xidhibaan ee uu ka kooban yahay baarlamaanka Jabuuti.