2014-09-02
Today from Hiiraan Online:  _
Wararka Maanta- Jimco, Feb 22, 2013
Safaaradda Soomaaliya ee dalka Koonfur Afrika oo Xayiraadii ka Qaadday dad doonayay inay ku laabtaan Somalia (SAWIRRO)



Jimco, Feberaayo 22, 2013 (HOL) — Safaaradda Soomaaliya ee Koonfur Afrika ayaa ku guuleystay inay fasaxdo dad doonayay inay dib ugu laabtaan dalkooda hooyo ee Soomaaliya, kuwaasoo xayirnaa muddo ka badan seddex bilood kaddib markii waaxda socdaalka ee dalka Koonfur Afrika joojisay safarkooda.

Dadkan oo tiradooda gaaraysay boqolaal ayaa doonayay inay ehelelladooda oo ku nool Soomaaliya ay soo booqdaan, balse waa hakiyay safarradooda balse waxaa u suurogashay inay safiirka cusub la kulmaan kala hadlan arrinta haysata.

Kulankaas kaddib ayay safiirka Soomaalida ee Koonfur Afrika, Sayid Xsan Shariif Cabdullaahi iyo dadka xayirnaa waxay si wadajir ah kulammo ula yeesheen waaxda socdaalka Koonfur Afrika iyagoo kala hadlay sidii looga qaadi lahaa xayiraadda dadka Soomaaliyeed ee doonaya  inay dib ugu laabtaan dalkooda hooyo.

Safaaradda Soomaaliya ee Koonfur Afrika ayaa wadda dadaallo ku aaddan in gabi ahaanba xayiradda laga qaado muwaadiniinta Soomaaliyeed ee dalka inay ku laabtaan doonaya,

Tallaabadan ayaa noqonaysa tii ugu horreysay oo safaaradda Soomaalida ay ku guuleysato; waxaana la filayaa maalmaha soo socda in boqolaal Soomaali ah ee ku xayiran magaalooyinka waaweyn ee dalkaas ay dib ugu laabtaan dalkooda hooyo.

Dalka Koonfur Afrika ayaa waxaa ku sugan Soomaali fara badan oo ganacsi ku haysta, waxaana dadkaas ay la kulmaan dhibaatooyin kala duwan oo isugu jira dilal iyo dhac ay u geystaan kooxo hubeysan.

Safaaradda ayaa laga sugayaa inay wax ka qabto dhibaatooyinkaas oo tan iyo markii ay Soomaalidu dalkaas tageen lagu hayay, iyadoo Soomaalida lagu dilo Koonfur Afrika lagu qiyaaso sannad walba inay boqol qof ku dhow yihiin.










Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-22 2:00 PM EST
Jimco, Feberaayo 22, 2013 (HOL) — Doorashadii baarlamaaniga ee dalka Jabuuti ayaa lasoo gabgabeeyay fiidnimadii caawa, kaddib markii hal saac oo dheeri lagu kordhiyay codbixinta oo lagu waday inay soo xiranto 6:00 maqribnimo ee maanta.

2013-02-22 12:42 PM EST
Jimco, February 22, 2013(HOL): Ibraahim Nuur Qalinle oo ka mid ah Soomaalida ku nool waddanka Sweden, gaar ahaan Magaalada Goteborg ayaa isagoo ku sugan magaalada Muqdisho ee caasimadda dalka Soomaaliya waxaa uu la hadlay TV-ga Sweden ee SVT, wuxuuna sheegay in Soomaali badan oo caalamka daafihiisa ku nool ay ku fekerayaan in ay ku laabtaan dalkooda hooyo ee Soomaaliya.

2013-02-22 12:20 PM EST
Jimco, Feberaayo 22, 2013 (HOL) — Mudaharadayaal careysan ayaa cagta mariyay habeenkii xalay ahaa guriga uu degmada Boorame ka deggenaa guddoomiye ku xigeenkii gobolka Awdal, Cabdinuur Sugaal iyo guri uu deggenaa aabbihii oo labaduba ku yaalla hal xaafad.

2013-02-22 12:11 PM EST
Jimco, Feberaayo 22, 2013 (HOL) —Ciidammo boolis ah ayaa habeen hore fiidkii gudaha u galay xarunta telefsihinka RAYO-TV iyagoo albaabbada u laabay xaruntii telefishan uu ku lahaa magaalada Boorame, iyadoo shacab ka careysan xarigaas ay xalay mudaaharaad ka dhigeen magaaladaas.

2013-02-22 11:57 AM EST
Jimco, Feberaayo 22, 2013 (HOL) — Mas’uuliyiin u kala hadlay dowladda Soomaaliya iyo Turkiga ayaa shaaca ka qaaday in Soomaali badan oo doonaya inay galaan dalalka Yurub ay baasaboorro faalso ah ama la been abuuuray ay ku raacaan diyaaradda Turkish Airlines oo ah diyaaradda keliya ee duulimaadyo caalami ah ku tagta Muqdisho.

2013-02-22 11:20 AM EST
Jimco, Feberaayo 22, 2013 (HOL) — Wafdi uu hoggaaminayo ra’iisul wasaare ku xigeenka dalka Turkiga, Barker Buzdag oo uu ka mid yahay wasiirka horumarinta dalkaas, Cevdet Yilmaz ayaa berri safar ku imaanaya magaalada Muqdisho ee xarunta Soomaaliya.

2013-02-22 2:28 AM EST
Jimco, Feberaayo 22, 2013 (HOL) — Xukuumadda Federaalka Soomaaliya ayaa sheegtay in ammaanka magaalada Muqdisho ee caasimadda dalka Soomaaliya uu yahay mid aad uga wanaagsan sidii uu ahaan jiray, waxayna xukuumaddu Sheegtay in magaaladu uu ka soconayo horumar iyo ganacsi baaxad leh.

2013-02-22 1:11 AM EST
Jimco, Feberaayo 22, 2013 (HOL) — Hay’adda xuquuqda aadanaha ee Human Rights Watch oo fadhigeedu yahay dalka Mareykanka ayaa uga digtay xukuunadda Netherlands ama Holland in qoxootiga Soomaalida ah ee dalkeeda ku nool oo ay magangalyada u diidday inay dib ugu celiso Soomaaliya.

2013-02-22 1:07 AM EST
Jimco, Feberaayo 22, 2013 (HOL) — Ciidamo gaar ah oo loo yaqaan RRU iyo kuwa nabadsugidda Somaliland ayaa ka billaabay xilliyada magaalada Hargeysa xiliyada habeenkii ah howgallo lagu sugayo ammaanka, kuwaasoo ay ku qab-qabteen dad badan oo shacab ah.

2013-02-22 1:06 AM EST
Jimco, Feberaayo 22, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa safar shaqo oo qaadanaya muddo saddex maalmood ah ku tagay dalka Kenya, kaddib hal toddobaad oo uu booqasho ku joogay dalka Itoobiya, iyadoo lagu wado inuu la kulmo madaxda dalkaas.

2013-02-22 1:01 AM EST
Jimco, Feberaayo 22, 2013 (HOL) — Dalka Jabuuti ayaa waxaa saakay ka billowday doorashada baarlamaaniga ah ee dalkaas, iyadoo shacabku ay soo dooranayaan 65-ka xidhibaan ee uu ka kooban yahay baarlamaanka Jabuuti.