2014-09-15
Today from Hiiraan Online:  _
Wararka Maanta- Khamiis, Feb 21, 2013
Siyaasiyiin iyo qaar kamid ah ururada bulshada rayidka ah oo xildhibaan Keith Ellison kula kulmay magaalada Nairobi


Siya.jpg

Khamiis, February 21, 2013 (HOL) - Keith Ellison oo ah xildhibaan kamid ah congresska waddanka Maraykanka oo dhawaan booqday magaalada Muqdisho ayaa shalay galinkii dambe soo gaaray magaalada Nairobi.

Waxaana xildhibaanku uu kulan la qaatay siyaasiyiin ay kamid yihiin gudoomiye ku xigeenka baarlamaanka Soomaaliya Jaylaani Iikar, safiirka Soomaaliya u fadhiya dalka Kenya Maxamed Cali nuur Ameeriko,xildhibaan C/raxmaan Xoosh Jibriil,xildhibaan Xirsi Aadan Rooble,Dayib Maxamuud Sheekh iyo Siciid Qorsheel.

Waxaana xildhibaanka ay uga mahad celiyeen booqashadii taariikhiga ahayd ee uu ku tagay magaalada Muqdisho, taasoo ay ku tilmaameen inay sii xoojinayso aqoonsigii uu dhawaan Maraykanku siiyay dawlada federaalka ah ee Soomaaliya.

Gudoomiye ku xigeenka baarlamaanka Soomaaliya jaylaani Iikar oo kulanka hadal ka jeediyay ayaa sheegay inuu aad ula dhacsanyahay heerka uu marayo xiriirka Soomaaliya iyo Maraykanka ayna tahay buu yiri in la sii xoojiyo.

Xildhibaan C/raxmaan Xoosh Jibriil oo ah wasiirkii hore ee dastuurka iyo dib-u-heshiisiinta oo isna la hadlay xildhibaanka ayaa ka codsaday in la adkeeyo xiriirka u dhexeeya baarlamaanka Soomaaliya iyo Maraykanka, tababarna loo furo xildhibaanada baarlamaanka Soomaaliya, kaasoo ku aadan dajinta sharciyada dalku uu ku shaqaynayo.

Waxaa kale oo uu sheegay in Soomaaliya ay xilligan ku jirto marxalad wanaagsan loona baahanyahay in lagala shaqeeyo dawlada Soomaaliya sidii loo dhaqan galin lahaa dastuurka cusub ee dalku uu yeeshay.

Danjiraha Soomaaliya u jooga dalka Kenya ayaa isna ku boorriyay Maraykanka inay sii wadaan la shaqaynta dawlada Soomaaliya, taasoo uu sheegay inay wax wayn ka tarayso horumarka siyaasadeed iyo kan dhaqaale ee ay Soomaaliya tiigsanayso.

Hibo Yaasiin oo ka socotay ururada bulshada rayidka ah, madaxna ka ah ururka IIDA ayaa iyaduna ku boorrisay dawlada Maraykanka inay ka shaqayso sidii loo dardar galin lahaa taageerada ay siiso bulshada rayidka ah ee Soomaaliya.

Ugu dambayntiina Dayib Maxamuud Sheekh oo kamid ah aqoonyannada Soomaaliyeed ee mudada dheer ku noolaa dalka Maraykanka ayaa tilmaamay inuu aad ugu faraxsanyahay taageerada ay dawladda Maraykanku siisay dawlada Soomaaliya, taasoo uu sheegay inay xoojinayso soo celinta qaranimadii iyo midnimadii Soomaaliya.

Xildhibaan Keith Ellison ayaa sheegay inuu ku faraxsan yahay inuu tago Muqdisho, isagoo xusay inay mar walba weydiin jireen Soomaalida ku nool Minnesota oo ah deegaanka laga soo doorto, xilliga uu tegi doono Soomaaliya, balse uu codsigaasi ka jawaabay uuna ku faraxsanyahay horumarka siyaasadeed ee uu Soomaaliya ku soo arkay.

Siya2.jpg


Axmed C/samad, Hiiraan Online
asamad@hiiraan.com

Nairobi , Kenya





Post your comments

2013-02-21 12:55 PM EST
Khamiis, February 21, 2013(HOL): Tartan isboorti oo ay ka qeyb galayeen 8 kooxood mudo todobaad ahna ka soconayay Garoonka kubada Cagta lamagalaay ee Magaalada beledweyne ayaa lasoo gaba gabeeyay.

2013-02-21 12:48 PM EST
Khamiis, Feberaayo 21, 2013 (HOL) — Maxkamadda ciidamada dowladda Soomaaliya ayaa saddex askari ku xukuntay dil iyo xabsi kaddib markii lagu helay inay geysteen falal dil ah, iyadoo mid ka mid ah askarta la xukumay uu dilay wiil yar oo dugsi qur’aan dhiganayay.

2013-02-21 12:46 PM EST
Khamiis, Feberaayo 21, 2013 (HOL) — Shacabka degmada Saylac ayaa ugu baaqay xukuumadda Somaliland inay sugto ammaanka deegaankooda oo koox yar ay isku dayayso inay qalqal geliyaan, haddii kale ay iyagu u istaagi doonaan inay ammaankooda sugtaan.

2013-02-21 10:56 AM EST
Khamiis, Febraayo,19 2013(HOL): Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta Villa Soomaaliya ku qaabilay Safiirka cusub ay dowladda Japan u soo magaacwday Soomaaliya.

2013-02-21 7:25 AM EST
Khamiis, Feberaayo 21, 2013 (HOL) — Madaxweynaha Soomaaliya, Xasan Sheekh Maxamuud ayaa maanta la kulmay madaxa hay’adda samfalka ee Mareykanka USAID, Mr. Rajiv Shah. Kulanka ayaa waxaa ka qaybgalay safiirka Maraykanka ee Soomaaliya, Mr. James Swan iyo wasiir-u-dowlaha madaxtooyadda Soomaaliya, Faarax Sheekh Cabdulqaadir.

2013-02-21 6:55 AM EST
Khamiis, Feberaayo 21, 2013 (HOL) — Xaaladda magaalada Baydhabo ee gobolka Bay ayaa deggen maanta kaddib markii Talaadadii lasoo dhaafay laga kexeeyay degmadaas guddoomiyihii xilka laga qaaday ee gobolka Bay, C/fitaax Maxamed Geeseey oo horay uga soo horjeestay maamulka ay dowladdu u magacowday Gobolkaas.

2013-02-21 6:19 AM EST
Khamiis, Feberaayo 21, 2013 (HOL) — Kulan looga hadlayAY waxa diinta Islaamku ay ka qabto gabdhaha sida khasabka ah lagu guursado ayaa maanta ka dhacay magaalada Muqdisho, waxaana kulankan ka qayb-galay culumaa'uddiin, waxgarad iyo ururada bulshada rayidka ah Soomaaliyeed.

2013-02-21 6:18 AM EST
Khamiis, Feberaayo 21, 2013 (HOL) —Wararka aynu ka heleyno magaalada Liboyo ee ku taal soohdinta ay wadaagaan dalalka Soomaaliya iyo Kenya ayaa sheegaya in kooxo hubeysan ay saaka aroortii weerar ku qaadeen goob masaajid ah oo ku taal tuulo ku dhow magaaladaasi.

2013-02-21 1:20 AM EST
Khamiis, Feberaayo 21, 2013 (HOL) — Maxkamadda ciidamada Qalabka sida ee dowladda Soomaaliya ayaa saaka dil toogasho ah ku fulisay askar ka tirsan ciidamada dowladda oo horay loogu xukumay dilal toogasho.

2013-02-21 1:18 AM EST
Khamiis, Feberaayo 21, 2013 (HOL) — Gaadiid kolonyo ah oo ay wateen ciidamada dowladda AMISOM ayaa sarkaal ka tirsan ciidamada dowladda Soomaaliya ku jiiray gobolka Shabeellada Hoose, sida ay warbaahinta u sheegeen saraakiil ka tirsan dowladda Soomaaliya.

2013-02-21 12:52 AM EST
Khamiis, Feberaayo 21, 2013 (HOL) — Guddoomiyaha baarlamaanka Soomaalia, Prof. Maxamed Sheekh Cismaan (Jawaari) ayaa xalay fiidkii kulan kula yeeshay magaalada Addis Ababa ee xarunta dalka Itoobiya Soomaalida ku nool halkaas.