2014-08-01
Today from Hiiraan Online:  _
Wararka Maanta- Khamiis, Feb 21, 2013
Madaxweynaha Soomaaliya oo kulan kula qaatay Muqdisho Madaxa Hay’adda samafalka Mareykanka ee USAID (SAWIRRO)



Khamiis, Feberaayo 21, 2013 (HOL) — Madaxweynaha Soomaaliya, Xasan Sheekh Maxamuud ayaa maanta la kulmay madaxa hay’adda samfalka ee Mareykanka USAID, Mr. Rajiv Shah. Kulanka ayaa waxaa ka qaybgalay safiirka Maraykanka ee Soomaaliya, Mr. James Swan iyo wasiir-u-dowlaha madaxtooyadda Soomaaliya, Faarax Sheekh Cabdulqaadir.

Kulankan ayaa wuxuu imanayaa muddo afar toddobaad ah kaddib markii uu madaxweyne Xasan Sheekh booqday dalka Maraykanka iyadoo mas’uulkan uu ka mid ahaa kuwii uu kula kulmay magaalada Washington ee xarunta dalka Mareykanka.

“Dhammaan arrimihii aan kawada hadlanay Rajiv Shah waan isku afgaranay, waxaana u sheegtay in Soomaaliya ay u baahan tahay in hadda laga caawiyo dhinacyo badan wuuna naga ogolaaday,” ayuu yiri Xasan Sheekh oo la hadlay warbaahinta kulanka kaddib.

Madaxweynuhu wuxuu sheegay inay si gaar ah uga codsadeen in laga taageero dhinacyada waxbarashada iyo caafimaadka oo qayb ka ah lixda tiir siyaasadeed ee dowladdiisu ay ku shaqeynayso afarta sano ee ay jirto.

Dhanka kale, madaxa USAID ayaa sheegay in dowladda Mareykanka ay doonayso inay ku caawiso Soomaaliya 20 milyan oo doollar, si horumar looga gaaro arrimo ay ka mid yihiin waxbarashada,cunnda iyo caafimaadka.

“Maanta waxaan maal-galin ku sameynaynaa dhallinyaradiina, beeralayda iyo xoola dhaqatada, ragiinna, dumarka iyo caruurtiina, si loo horumariyo caafimadka, wax-barashada iyo fursadaha kale. Waxaan rabna inaan gacan qabanno Soomaalida si ay uga hortagaan dhammaan dhibatooyinka soo waajahda, ha ahadaan mid uu sababay bina’aadmiga ama mid dabiici ah ee ka dhashay deegaanka. Waxaan ku faraxsannahay inaaan ku dhawaaqno inaan bixini doonno 20 milyan oo doollar oo kale si loogu taageero waxyaabaha aan sheegnay oo dhan iyo waliba wax loogu qabta arrimaha deg-degga ah ee cunno-yarida” ayuu yiri Shah.

Sidoo kale, madaxa USAID wuxuu sheegay inay Muqdisho u yimaadeen adkeynta xiriirka Maraykanka kala dhexeeya Soomaaliya iyo ka hadalka mustaqbalka dambe ee dalka. Isagoo xusay inay ku ixtiraamaynaa madaxda Soomaalida waxay doonayaan in laga caawiyo.

Ra’iisul wasaaraha Soomaaliya, Cabdi Faarax Shirdoon isna oo la kulmay mas’uulkan ayaa sheegay inay isla soo qaadeen in la taageero Soomaaliya, isagoo uga mahadcelinayaa dowladda Mareykanka dadaalka dheeriga ah ee ay Soomaaliya ku caawinayso.

Booqashadan ayaa waxay imaanaysaa laba maalmood kaddib oo Muqdisho uu booqasho ku yimid xildhibaan Keith Ellison oo ka tirsan golaha wakiilada (Representative) ee Koongraska Mareynka. Xildhibaankan ayaa laga soo doorto gobolka Minnesota oo ah gobol ay ku nool yihiin Soomaalida ug badan ee ku nool dalka Mareykanka.

Ugu dambeyn, madaxweynaha Somalia ayaa yiri: “Waan soo dhaweynayaa xiriirka iyo saaxibtinimadda Mareykanka iyo Soomaaliya, waana ugu mahad-celinayaa go’aanka dowladda Maraykanka ay qaadatay ee ku aadan inay si rasmi ah u aqoonsato dowladda Soomaaliya.”


Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-21 12:55 PM EST
Khamiis, February 21, 2013(HOL): Tartan isboorti oo ay ka qeyb galayeen 8 kooxood mudo todobaad ahna ka soconayay Garoonka kubada Cagta lamagalaay ee Magaalada beledweyne ayaa lasoo gaba gabeeyay.

2013-02-21 12:48 PM EST
Khamiis, Feberaayo 21, 2013 (HOL) — Maxkamadda ciidamada dowladda Soomaaliya ayaa saddex askari ku xukuntay dil iyo xabsi kaddib markii lagu helay inay geysteen falal dil ah, iyadoo mid ka mid ah askarta la xukumay uu dilay wiil yar oo dugsi qur’aan dhiganayay.

2013-02-21 12:46 PM EST
Khamiis, Feberaayo 21, 2013 (HOL) — Shacabka degmada Saylac ayaa ugu baaqay xukuumadda Somaliland inay sugto ammaanka deegaankooda oo koox yar ay isku dayayso inay qalqal geliyaan, haddii kale ay iyagu u istaagi doonaan inay ammaankooda sugtaan.

2013-02-21 10:56 AM EST
Khamiis, Febraayo,19 2013(HOL): Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta Villa Soomaaliya ku qaabilay Safiirka cusub ay dowladda Japan u soo magaacwday Soomaaliya.

2013-02-21 9:55 AM EST
Khamiis, February 21, 2013 (HOL) - Keith Ellison oo ah xildhibaan kamid ah congresska waddanka Maraykanka oo dhawaan booqday magaalada Muqdisho ayaa shalay galinkii dambe soo gaaray magaalada Nairobi.

2013-02-21 6:55 AM EST
Khamiis, Feberaayo 21, 2013 (HOL) — Xaaladda magaalada Baydhabo ee gobolka Bay ayaa deggen maanta kaddib markii Talaadadii lasoo dhaafay laga kexeeyay degmadaas guddoomiyihii xilka laga qaaday ee gobolka Bay, C/fitaax Maxamed Geeseey oo horay uga soo horjeestay maamulka ay dowladdu u magacowday Gobolkaas.

2013-02-21 6:19 AM EST
Khamiis, Feberaayo 21, 2013 (HOL) — Kulan looga hadlayAY waxa diinta Islaamku ay ka qabto gabdhaha sida khasabka ah lagu guursado ayaa maanta ka dhacay magaalada Muqdisho, waxaana kulankan ka qayb-galay culumaa'uddiin, waxgarad iyo ururada bulshada rayidka ah Soomaaliyeed.

2013-02-21 6:18 AM EST
Khamiis, Feberaayo 21, 2013 (HOL) —Wararka aynu ka heleyno magaalada Liboyo ee ku taal soohdinta ay wadaagaan dalalka Soomaaliya iyo Kenya ayaa sheegaya in kooxo hubeysan ay saaka aroortii weerar ku qaadeen goob masaajid ah oo ku taal tuulo ku dhow magaaladaasi.

2013-02-21 1:20 AM EST
Khamiis, Feberaayo 21, 2013 (HOL) — Maxkamadda ciidamada Qalabka sida ee dowladda Soomaaliya ayaa saaka dil toogasho ah ku fulisay askar ka tirsan ciidamada dowladda oo horay loogu xukumay dilal toogasho.

2013-02-21 1:18 AM EST
Khamiis, Feberaayo 21, 2013 (HOL) — Gaadiid kolonyo ah oo ay wateen ciidamada dowladda AMISOM ayaa sarkaal ka tirsan ciidamada dowladda Soomaaliya ku jiiray gobolka Shabeellada Hoose, sida ay warbaahinta u sheegeen saraakiil ka tirsan dowladda Soomaaliya.

2013-02-21 12:52 AM EST
Khamiis, Feberaayo 21, 2013 (HOL) — Guddoomiyaha baarlamaanka Soomaalia, Prof. Maxamed Sheekh Cismaan (Jawaari) ayaa xalay fiidkii kulan kula yeeshay magaalada Addis Ababa ee xarunta dalka Itoobiya Soomaalida ku nool halkaas.