3/28/2024
Today from Hiiraan Online:  _
Wararka Maanta- Khamiis, Feb 21, 2013
Guddoomiyaha Baarlamaanka Somalia oo kulan la qaatay Soomaalida ku nool Magaalada Addis Ababa (SAWIRRO)


Khamiis, Feberaayo 21, 2013 (HOL) — Guddoomiyaha baarlamaanka Soomaalia, Prof. Maxamed Sheekh Cismaan (Jawaari) ayaa xalay fiidkii kulan kula yeeshay magaalada Addis Ababa ee xarunta dalka Itoobiya Soomaalida ku nool halkaas.

Kulanka oo ay soo qabanqaabisay safaaradda Soomaaliyeed ee Addis Ababa ayaa waxaa ka qaybgalay Soomaali isugu jirta dhallinyaro rag iyo dumar leh,  waayeel iyo caruur, iyadoo dumarku ay xirnaayeen dhar ka sameysan calanka Soomaaliya, wuxuuna kulankan ka dhacay xaafadda Booli ee Addis Ababa oo ay Soomaalidu ku badan tahay.

“Soomaaliya hadda waxaa ka jira isbedel weyn oo dhinacyada ammaanka, sidoo kale waxaa socda isbedello dhinaca horumarka ah,” ayuu khudbadiisa ku sheegay guddoomiyaha baarlamaanka, isagoo ugu baaqay Soomaalida ku nool Itoobiya inay kala shaqeeyaan dalka ay martida u yihiin nabadgalyada .

Afhayeenka baarlamaanka wuxuu sheegay in dowladda Soomaaliya ay dusha u ridanayso sidii ay dhallinyarada Soomaaliyeed ugu abuuri lahayd shaqooyin, isagoo xusay in baarlamaanku uu fursado shaqo u soo bandhigay dhallinyarada wax ka bartay jaamacadaha dalka.

Hooyooyinka Soomaaliyeed ee ku nool Addis Ababa oo iyaguna kulankaas kasoo qaybgalay ayaa waxay halkaas kusoo bandhigeen tixo suugaaneed ay ku cabirayeen dareenkooda ku aaddan sida ay ula dhacsan yihiin isbedelka ay ku tallaabsatay Soomaaliya.

Guddoomiyaha jaaliyadda Soomaalida ee Addis Ababa, Maxamuud Ciise Cali oo kulanka ka hadlay ayaa sheegay in jaalliyadda Soomaaliyeed inay aad u taageersan yihiin dowladda Soomaaliya, ayna muddo badan ku taamayeen in dalka uu helo dowlad dhameystiran oo wax ka qabata dhibaatooyinkii soo jiray muddada dheer.

Xildhibaan Cabduqaadir Baqdaadi oo ah wafdiga hadal uu jeediyay wuxuu ku sheegay in dhibaatada maanta Soomaaliya ka jirta ay sababtay waddaniyad-xumo haysata Soomaalida, balse looga Soomaalida dibadaha ku nool inay dib ugu laabtaan dalka iyagoo muujinaya wadaniyad si ummaddu u ogaato dhibaatooyinka ay leedahay waddaniyad xumada.

Kulankaan ayaa wuxuu gabo-gabo u ahaa booqasho ay guddoomiyaha iyo wafdigiisu ku joogeen magaalada dalka Itoobiya, iyagoo intii ay halkaas ku sugnaayeenna booqday magaalada Jigjiga ee xarunta Itoobiya iyo dhowr meelood oo ku yaalla xarunta Itoobiya ee Addis Ababa.










Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/21/2013 12:55 PM EST
Khamiis, February 21, 2013(HOL): Tartan isboorti oo ay ka qeyb galayeen 8 kooxood mudo todobaad ahna ka soconayay Garoonka kubada Cagta lamagalaay ee Magaalada beledweyne ayaa lasoo gaba gabeeyay.

2/21/2013 12:48 PM EST
Khamiis, Feberaayo 21, 2013 (HOL) — Maxkamadda ciidamada dowladda Soomaaliya ayaa saddex askari ku xukuntay dil iyo xabsi kaddib markii lagu helay inay geysteen falal dil ah, iyadoo mid ka mid ah askarta la xukumay uu dilay wiil yar oo dugsi qur’aan dhiganayay.

2/21/2013 12:46 PM EST
Khamiis, Feberaayo 21, 2013 (HOL) — Shacabka degmada Saylac ayaa ugu baaqay xukuumadda Somaliland inay sugto ammaanka deegaankooda oo koox yar ay isku dayayso inay qalqal geliyaan, haddii kale ay iyagu u istaagi doonaan inay ammaankooda sugtaan.

2/21/2013 10:56 AM EST
Khamiis, Febraayo,19 2013(HOL): Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta Villa Soomaaliya ku qaabilay Safiirka cusub ay dowladda Japan u soo magaacwday Soomaaliya.

2/21/2013 9:55 AM EST
Khamiis, February 21, 2013 (HOL) - Keith Ellison oo ah xildhibaan kamid ah congresska waddanka Maraykanka oo dhawaan booqday magaalada Muqdisho ayaa shalay galinkii dambe soo gaaray magaalada Nairobi.

2/21/2013 7:25 AM EST
Khamiis, Feberaayo 21, 2013 (HOL) — Madaxweynaha Soomaaliya, Xasan Sheekh Maxamuud ayaa maanta la kulmay madaxa hay’adda samfalka ee Mareykanka USAID, Mr. Rajiv Shah. Kulanka ayaa waxaa ka qaybgalay safiirka Maraykanka ee Soomaaliya, Mr. James Swan iyo wasiir-u-dowlaha madaxtooyadda Soomaaliya, Faarax Sheekh Cabdulqaadir.

2/21/2013 6:55 AM EST
Khamiis, Feberaayo 21, 2013 (HOL) — Xaaladda magaalada Baydhabo ee gobolka Bay ayaa deggen maanta kaddib markii Talaadadii lasoo dhaafay laga kexeeyay degmadaas guddoomiyihii xilka laga qaaday ee gobolka Bay, C/fitaax Maxamed Geeseey oo horay uga soo horjeestay maamulka ay dowladdu u magacowday Gobolkaas.

2/21/2013 6:19 AM EST
Khamiis, Feberaayo 21, 2013 (HOL) — Kulan looga hadlayAY waxa diinta Islaamku ay ka qabto gabdhaha sida khasabka ah lagu guursado ayaa maanta ka dhacay magaalada Muqdisho, waxaana kulankan ka qayb-galay culumaa'uddiin, waxgarad iyo ururada bulshada rayidka ah Soomaaliyeed.

2/21/2013 6:18 AM EST
Khamiis, Feberaayo 21, 2013 (HOL) —Wararka aynu ka heleyno magaalada Liboyo ee ku taal soohdinta ay wadaagaan dalalka Soomaaliya iyo Kenya ayaa sheegaya in kooxo hubeysan ay saaka aroortii weerar ku qaadeen goob masaajid ah oo ku taal tuulo ku dhow magaaladaasi.

2/21/2013 1:20 AM EST
Khamiis, Feberaayo 21, 2013 (HOL) — Maxkamadda ciidamada Qalabka sida ee dowladda Soomaaliya ayaa saaka dil toogasho ah ku fulisay askar ka tirsan ciidamada dowladda oo horay loogu xukumay dilal toogasho.

2/21/2013 1:18 AM EST
Khamiis, Feberaayo 21, 2013 (HOL) — Gaadiid kolonyo ah oo ay wateen ciidamada dowladda AMISOM ayaa sarkaal ka tirsan ciidamada dowladda Soomaaliya ku jiiray gobolka Shabeellada Hoose, sida ay warbaahinta u sheegeen saraakiil ka tirsan dowladda Soomaaliya.