2014-08-02
Today from Hiiraan Online:  _
Wararka Maanta- Arbaco, Feb 20, 2013
Wasiiradda Arrimaha Dibadda Somalia oo ka warbixisay shir Golaha Amaanka uu ka yeeshay Arrimaha Soomaaliya


Arbaco, Feberaayo 20, 2013 (HOL) — Ra’iisul wasaare ku-xigeenka ahna wasiiradda arrimaha dibadda Soomaaliya, Fowziyo Yuusuf Xaaji Aadan oo dib ugu soo laabatay maanta Muqdisho ayaa ka warbixisay shirkii uu golaha ammaanka ee Soomaaliya ka yeeshay arrimaha Soomaaliya.

Wasiirradda oo warbaahinta kula hadashay garoonka diyaaradaha ee Aadan Cadde ayaa sheegtay in golaha ammaanka ee Qaramada Midoobay ay ka dalbatay in la qaado cunnoqabateynta hubka ee Soomaaliya si dib loogu dhiso ciidamada Soomaaliya.

“Intii aan ku sugnaa New York waxaan kulammo gooni-gooni ah la yeeshay xubnaha golaha ammaanka iyo xoghayaha guud ee Qaramada Midoobay, Ban Ki-Moo, waxaana kala hadlay sidii cunnoqabateynta hubka looga qaadi lahaa Soomaaliya, rajo weyn ayaana ka qabaa in la ogolaado,” ayay ku tiri wasiiraddu shir jaraa’id oo ay qabatay.

Sidoo kale, waxay sheegtay in golaha ammaanka ay wadahadaladooda sii socon doonaan illaa horraanta bisha Maarso ee sannadkan oo ay go’aan ka gaari doonaan arrinta cunnoqabateynta hubka ee Soomaaliya iyo sidii loo kordhin lahaa muddada howlgalka Midowga Afrika ee AMISOM.

Wasiirradda oo la weydiiyay go’aankeeda ku aaddan in ciidamada Kenya loo sharciyeeyo inay ka howlgalaan xeebaha Soomaaliya ayay kaga jawaabtay: “Go’aankaas waxba u dhimayo xiriirka Kenya iyo Soomaaliya, waayo Kenya waa daris ah oo abaal aan uga hayno sida ay u ogolaadeen inay dhiiggooda u daadiyaan sidii Soomaaliya ay nabad u heli lahayd.”

Iyadoo hadlkeeda sii wadata ayay sheegtay in golaha ammaanka ay ka dal-badeen in la dhiso ciidamada badda Soomaaliya si ay awood ugu yeeshaan inay adkeeyaan ammaanka xeebaha Soomaaliya. Iyaodo dhinaca kalena sheegtay in dalabkooda uu ku jiray in la dhiso ciidamada guud ee dalka si ay ammaanka u adkeeyaan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-20 2:34 PM EST
Arbaco, February 20, 2013-Ururka Suxufiyiinta Adduunka ee IFJ ayaa maanta soo saaray war rasmi ah oo ku aaddan dib-u-eegis lagu sameynayo sharciga saxaafadda Soomaaliya.

2013-02-20 12:24 PM EST
Arbaco, Feberaayo 20, 2013 (HOL) — Dalka Jabuuti ayaa waxaa ka socda diyaargarow xooggan oo loogu doorashooyinka golaha xildhibaannada cusub ee baarlamaanka dalkaas, iyadoo markii ugu horreysay loo ogolaaday in tartankan ay uga qayb-galaan si furan xisbiyada mucaaradka ah muddo dheer kaddib.

2013-02-20 11:18 AM EST
Arbaco, Feberaayo 20, 2013 (HOL) — Wasiirka beeraha Somaliland, Faarax Cilmi Geedoole oo ay weheliyaan deeq-bixiyayaal caalami ah oo ka socday Midawga Yurub iyo hay’adda FAO ayaa booqday halka ay marayso hawsha jidka la dhisayo oo isku xira degmada Boorama iyo deegaanka Xeego ee gobolka Awdal.

2013-02-20 7:53 AM EST
Arbaco, Feberaayo 20, 2013 (HOL) — Munaasabad ballaaran oo billado lagu guddoonsiinayo boqol qof oo labaatankii sanno ee u dambeeyey waxqabad la taaban karo ka sameeyey dhinacyadda bulshadda, ayaa maanta lagu qabtay magaaladda Hargeysa, gaar ahaan hoteel Maansoor.

2013-02-20 6:13 AM EST
Arbaco, Feberaayo 20, 2013 (HOL) — Iyadoo maxkamadda rafcaanta ee gobolka Banaadir ay dib uga furantay dacwaddii wariye C/casiis Koronto iyo haweeney sheegtay inay kufsadeen ciidamada dowladda oo maxkamadda gobolka ay horay ugu xukuntay min hal sano oo xabsi ah, iyadoo dacwadda dib loo dhigay illaa toddobaadka soo socda.

2013-02-20 3:21 AM EST
Arbaco, Feberaayo 20, 2013 (HOL) — Ugu yaraan laba ka mid ah dhinacyadii dagaalamay ayaa ku dhintay, tiro kalena dhaawacyo ayaa kasoo gaaray dagaal xalay ku dhexmaray deegaanka Janaale ciidmada dowladda Soomaaliya iyo kuwa AMISOM oo dhinac ah iyo xoogagga Al-shabaab.

2013-02-20 3:11 AM EST
Arbaco, Feberaayo 20, 2013 (HOL) — Kulan ay isugu yimaadeen Golaha Iimaamyada masaajidda Waqooyiga Amerika ee Soomaaliyeed oo ka dhacay magaaladda Minneapolis ee gobolka Minnesota ayey si weyn ugu cambaareeyeen dilkii dhawaan magaaladda Garoowe loogu geystay Sheekh Cabdulqaadir Nuur Faarax [Gacamey], oo ka mid ahaa culumada waaweyn ee Soomaalida.