2014-11-29
Today from Hiiraan Online:  _
Wararka Maanta- Arbaco, Feb 20, 2013
Dacwaddii Wariye C/casiis Koronto iyo Haweeney la kufsaday oo dib loo dhigay Illaa Toddobaadka soo socda


Arbaco, Feberaayo 20, 2013 (HOL) — Iyadoo maxkamadda rafcaanta ee gobolka Banaadir ay dib uga furantay dacwaddii wariye C/casiis Koronto iyo haweeney sheegtay inay kufsadeen ciidamada dowladda oo maxkamadda gobolka ay horay ugu xukuntay min hal sano oo xabsi ah, iyadoo dacwadda dib loo dhigay illaa toddobaadka soo socda.

Garsooraha maxkamadda ayaa sheegay in dacwadda dib loo furay lana keeni karo wax walba oo caddeymo ah oo lagu bari yeelanayo labadan qof, iyadoo isla maanta ay garyaqaannada difaacaya labadan ruu u gudbiyeen qoraallo ay k caddeynayaan in xukunkan labadan qof uu yahay mid aan si cadaalad ah u dhicin.

“Waxaan rajeynaynaa in labadan qof ay helaan xukun cadaalad ah, waxaana rajeynaynaa in xabsiga laga sii dayn doono,” ayuu yiri Maxamed Maxamuud Faarax oo ah garsooraha difaacaya wariye C/casiis Koronto oo saxaafadda la hadlay.

Sidoo kale, abuukaatayaasha waxay ku doodayaan in wariye Koronto uusan sii dayn wax warbixin ah oo ku saabsan haweeneyda sheegtay inay kufsadeen ciidammo ka tirsan kuwa dowladda Soomaaliya.

Maxkamadda ayaa waxaa ku sugnaa wariyeyaal fara badan oo isku dayayay inay muujiyaan in xukunka wariyaha iyo haweeneyda uu wareystay ay yihiin kuwo aan cadaalad ku dhisnayn.

Ururka Suxufiyiinta Qaranka Soomaaliyeed ee NUSOJ ayaa soo jeediyay in la tixgeliyo qoraallada ay maxkamadda u gudbiyeen garyaqaannada u doodaya wariye C/casiis Koronto, wuxuuna ururku sheegay in dacwadda ay xeer ilaaliyeyaashu wadaan ay tahay mid xaqiiqada ka fog.

Dib u furidda dacwaddan ayaa waxay imaanaysaa xilli hay’adaha xuquuqda aadanaha iyo kuwa caalamiga ah oo ay ka mid yihiin Qaramada Midoobay ay codsadeen in dib u eegis lagu sameeyo dacwaddan.

Xukuumadda Soomaaliya ayaa ku adkeysanaysa in hay’adaha garsoorku ay yihiin kuwo madax-bannaan oo aysan faragelinayn, iyadoo madaxda dowladdu ay sheegeen inay tixgelinayaan hadba go’aanka ay maxkamaduhu gaaraan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-20 2:34 PM EST
Arbaco, February 20, 2013-Ururka Suxufiyiinta Adduunka ee IFJ ayaa maanta soo saaray war rasmi ah oo ku aaddan dib-u-eegis lagu sameynayo sharciga saxaafadda Soomaaliya.

2013-02-20 12:24 PM EST
Arbaco, Feberaayo 20, 2013 (HOL) — Dalka Jabuuti ayaa waxaa ka socda diyaargarow xooggan oo loogu doorashooyinka golaha xildhibaannada cusub ee baarlamaanka dalkaas, iyadoo markii ugu horreysay loo ogolaaday in tartankan ay uga qayb-galaan si furan xisbiyada mucaaradka ah muddo dheer kaddib.

2013-02-20 11:18 AM EST
Arbaco, Feberaayo 20, 2013 (HOL) — Wasiirka beeraha Somaliland, Faarax Cilmi Geedoole oo ay weheliyaan deeq-bixiyayaal caalami ah oo ka socday Midawga Yurub iyo hay’adda FAO ayaa booqday halka ay marayso hawsha jidka la dhisayo oo isku xira degmada Boorama iyo deegaanka Xeego ee gobolka Awdal.

2013-02-20 8:26 AM EST
Arbaco, Feberaayo 20, 2013 (HOL) — Ra’iisul wasaare ku-xigeenka ahna wasiiradda arrimaha dibadda Soomaaliya, Fowziyo Yuusuf Xaaji Aadan oo dib ugu soo laabatay maanta Muqdisho ayaa ka warbixisay shirkii uu golaha ammaanka ee Soomaaliya ka yeeshay arrimaha Soomaaliya.

2013-02-20 7:53 AM EST
Arbaco, Feberaayo 20, 2013 (HOL) — Munaasabad ballaaran oo billado lagu guddoonsiinayo boqol qof oo labaatankii sanno ee u dambeeyey waxqabad la taaban karo ka sameeyey dhinacyadda bulshadda, ayaa maanta lagu qabtay magaaladda Hargeysa, gaar ahaan hoteel Maansoor.

2013-02-20 3:21 AM EST
Arbaco, Feberaayo 20, 2013 (HOL) — Ugu yaraan laba ka mid ah dhinacyadii dagaalamay ayaa ku dhintay, tiro kalena dhaawacyo ayaa kasoo gaaray dagaal xalay ku dhexmaray deegaanka Janaale ciidmada dowladda Soomaaliya iyo kuwa AMISOM oo dhinac ah iyo xoogagga Al-shabaab.

2013-02-20 3:11 AM EST
Arbaco, Feberaayo 20, 2013 (HOL) — Kulan ay isugu yimaadeen Golaha Iimaamyada masaajidda Waqooyiga Amerika ee Soomaaliyeed oo ka dhacay magaaladda Minneapolis ee gobolka Minnesota ayey si weyn ugu cambaareeyeen dilkii dhawaan magaaladda Garoowe loogu geystay Sheekh Cabdulqaadir Nuur Faarax [Gacamey], oo ka mid ahaa culumada waaweyn ee Soomaalida.