2014-10-24
Today from Hiiraan Online:  _
Wararka Maanta- Talaado, Feb 19, 2013
Ururka NUSOJ oo kulan wadatashi ah ugu qabatay Magaalada Muqdisho Bahda Saxaafadda Soomaaliyeed (SAWIRRO)



Talaado, Feberaayo 19, 2013 (HOL) — Kulan looga hadlayay horumarka iyo xeerka suxufiyiinta Soomaaliyeed ayaa waxaa lagu qabtay magaalada Muqdisho ee xarunta Soomaaliya, kaasoo ay kasoo qayb-galeen ku dhawaad konton saxafi oo ka  kala howl-gala warbaahinta dalka, gaar ahaan kuwa gobolka Banaadir sida Idaacadaha,TV-yada iyo Websiteyada.

Ugu horreyn kulanka waxaa hadal ka jeediyay xoghayaha guuud ee ururka saxafiyiinta Qaranka Soomaaliyeed ee NUSOJ, Cumar Faaruuq Cismaan oo ka hadlay xeer dhawaan dowladda Soomaaliya ay u sameysay saxaafadda dalka, kaasoo uu tilmaamay inuu yahay xeerkii dowladdii uu madaxweyne Cabdullaahi Yuusuf Axmed hoggaaminayay ay soo bandhigtay, isla markaana aanay ku qanci karin saxaafadda; isagoo codsaday in guddi khubaro saxaafadeed ah loo saaro si ay uga soo baaraan-degaan xeerkaasi, waxna ka bedelaan.

Cumar Faaruuq oo hadalkiisa sii wata ayaa dhanka kale ka hadlay qaabka iminka ay u shaqeyso saxaafadda ka howl-gasha gobolka Banaadir isagoo carabka ku dhuftay si loo helo qorshe lagu soo celinayo xiriirkii saxafiyiintii Muqdisho inuu u magacaabay guddoomiyaha gobolka Banaadir ee ururka NUSOJ, Maxamed Bashiir Xaashi isagoo kula taliyay inuu si hufan u guto howsha loo igmaday.

Guddoomiyaha NUSOJ ee goblka banaadir, Maxamed Bashiir oo isaguna ka hadlay munaasabadda ayaa sheegay inuu kasoo dhalaali doono booska ay u dhiibteen saaxiibbadiis saxafiyiinta Soomaaliyeed; isagoo shaaca ka qaaday inuu u kuur-gali doono dhibaatooyinka kala duwan ee haysta saxafiyiinta Soomaaliyeed, gaar ahaan kuwa ka howl-gala Gobolka Banaadir.

Kulanka ayaa waxaa ugu dambeyn looga dhawaaqay guddi ka kooban xubno khubaro saxaafadeed ah oo dib u eegis ku sameeya xeer dhawaan dowladda ay ku dhawaaqday oo shuruuc u noqonayoa saaxaafadda dalka kuwasoo ka soo talo-bixinaya qodobbada xeerka cusub ee saxaafadda Soomaaliyeed.









Post your comments

2013-02-19 1:37 PM EST
Talaado, Feberaayo 19, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) oo ku sugan dalka Itoobiya ayaa la kulmay maanta ardayda wax-ka-barta jaamacadda Addis Ababa, isagoo uga jawaabay su’aalo ay weydiiyeen.

2013-02-19 1:04 PM EST
Talaado, Feberaayo 19, 2013 (HOL) — Wafdi uu horkacayo ergeyga gaarka ah ee Midowga Yurub u qaabilsan arimaha Soomaaliya Michele Cervone oo maanta soo gaarey magaalada Garoowe ayaa la kulmay madaxda sare ee dowladda Puntland.

2013-02-19 8:28 AM EST
Talaado, Feberaayo 19, 2013 (HOL) — Wasaarada waxbarashada iyo adeegga bulshada ee xukuumadda Soomaaliya ayaa maanta soo bandhigtay qorshe waxbarasho ee sanadka 2013, kaasoo loogu talo-gashay inay ka faa’iideystaan ardayda Soomaliyeed ee aan heysan fursadaha waxbarasho kaddib markii ay saameyn ku yeesheen duruufaha adag ee dalka ka jiray 22-kii sano ee lasoo dhaafay.

2013-02-19 7:22 AM EST
Talaado, Feberaayo 19, 2013 (HOL) — Saddex askari oo ka tirsan ciidamada dowladda Soomaaliya ayaa ku dhintay qarax maanta baqadii ka dhacay suuqa weyn ee Bakaaraha, gaar ahaan qaybta qudaarta.

2013-02-19 7:14 AM EST
Talaado, Feberaayo 19, 2013 (HOL) — Guddoomiye ku xigeenka koowaad ee xisbiga talada haya ee KULMIYE, Maxamed Kaahin Axmed ayaa sheegay inay qabteen laba nin oo lagu xidhiidhinayo dilkii loo geystay Sheikh Cabdiqaadir Gacamay oo dhowaan lagu dilay magaaladda Garowe ee Puntland.

2013-02-19 7:07 AM EST
Talaado, Feberaayo 19, 2013 (HOL) — Ugu yaraan toddoba qof ayaa ku dhintay sideed kalena way ku dhaawacmeen shil gaari oo xalay gellinkii dambe ka dhacay deegaanka Cadaan-laxeey oo ka tirsan gobolka Shabeellada dhexe.

2013-02-19 6:24 AM EST
Talaado, Feberaayo 19, 2013 (HOL) — Tan waa qeyb ka mid ah qorshaha ciidamada Jabuuti ee ka howlgalka midowgga Africa AMISOM ay ku hormarinayaa adeegyada kala duwan ee aas-aasiga u ah nolasha iyo sidii sare loogu qaadi lahaa aqoonta iyo wacyiga bulshada iyada loo sii marayo dhinaca waxbarashada.

2013-02-19 6:15 AM EST
Talaado, Feberaayo 19, 2013 (HOL) — Sida caadadda ah shaqo maalmeedka dadweynaha kala duwan ee magaaladda Hargeysa waxay bilaabantaa afarta subaxnimo ka hor saaladda subax ee aroortii, waxaanay wakhtigaasi rasmiyan u bilaaba adeegsiga gaadiidka dadweynaha ee loo yaqaan Basaska, waxaana wakhtigaa u badan oo raaca haweenka ka ganacsada khudaarta, hilibka iyo maqaayadaha, waxa kale oo iyana adeegsada baabuurtaasi raga farsamo yaqaaniinta ah ee guryaha dhisa oo iyagana aroorta hore kalaha.

2013-02-19 6:11 AM EST
Talaado, Feberaayo 19, 2013 (HOL) — Madaxweynaha Soomaaliya ayaa kulan qaatay muddo 45-daqiiqo ah wuxuu garoonka diyaaradaha ee Muqdisho kula yeeshay xildhibaanka, Keith Ellison oo ah mudanaha keliya ee muslimka ah ee ku jira golaha senate-ka Mareykanka, lagana soo doorto gobolka Minnesota oo ay daggan yihiin Soomaalida ugu badan ee ku nool Mareykanka.

2013-02-19 2:12 AM EST
Talaado, Feberaayo 19, 2013 (HOL) — Ciidamada maamulka KMG ee Kismaayo ayaa howlgallo ballaaran oo ay xalay ka sameeyeen qaar ka tirsan xaafadaha magaalada kusoo qab-qabtay rag hubeysan oo la sheegay in ay ka tirsanyihiin xarakada Al-shabaab.

2013-02-19 1:00 AM EST
Talaado, Feberaayo 19, 2013 (HOL) — Ciidamada dowladda Soomaaliya iyo kuwa AMISOM oo iskaashanaya ayaa shalay gellinkii dambe la wareegay deegaanno dhinaca waqooyi kaga beegan degmada Jowhar ee xarunta gobolka Shabeellada dhexe oo uu ku jiro garoonka diyaaradaha.