2014-10-22
Today from Hiiraan Online:  _
Wararka Maanta- Isniin, Feb 18, 2013
Siddeed qof oo u Geeriyooday Duumada (Mallaariyo) oo Toddobaadyo ka hor ka dillaacay Magaalada Boosaaso ee Puntland



Isniin, Feberaayo 18, 2013 (HOL) — Iyadoo dhowaan ay wasaaradda caafimaadka ee Puntland ku dhawaaqday in cudurka Duumadu uu ka dilaacay magaalada Boosaaso, ayaa waxaa soo badanaya tirada dadka uu cudurkaasi soo ridanayo.

Isbitaalka weyn ee magaalada Boosaaso iyo xarumaha caafimaadka ee gaarka loo leeyahay waxaa maalin walba soo gaara bukaano tira badan oo cudurka Duumada la ildaran.

Cudurkan oo ay dhakhaatiirta qaarkood sheegeen in uu leeyahay tilmaamo dheeri ah oo ka duwan kuwii horay Duumada loogu yiqiin, waxaa ilaa iyo hadda u geeriyoodey 8 qof oo isugu jira: rag, dumar iyo caruur.

Waxaa sidoo kale sida uu warbaahinta u sheegay Isuduwaha wasaaradda caafimaadka ee gobolka Bari Siciid Maxamed Waraabe la ogaadey in tirada dadka cudurkaasi uu haleelay ay gaareyso boqolaal qof.

Kooxo caafimaad oo ay tiradoodu 12 tahay ayaa loo qaybiyey dhamaan xaafadaha magaalada; si ay tirakoob ugu sameeyaan dadka uu cudurku haleelay, islamarkaana ay guryaha iyo meelaha kale ay kaneecadu ku taronto u buufiyaan.

Tirakoobkii ugu danbeeyey waxaa lagu ogaadey in inta badan dadka cudurka u geeriyoodey iyo kuwa kale ee hadda la xanuunsani ay yihiin rag waaweyn, iyadoo ay caruurtu meesha ugu hooseysa tirada kaga jirto.

Isuduwaha wasaaradda caafimaadka ee gobolka Bari ayaa mar la weydiiyey waxa keenay in tiro intaas le'eg oo dad ahi ay u geeriyoodaan cudurkan oo ah mid si sahlan loo daweyn karo, wuxuu sheegay in bukaanada Duumadu ku dhacdo goobaha caafimaadka la keeno xilli danbe.

"Qofka bukaanka ah muddo ayaa xaafadaha lagu hayaa, isaga oo aad u liita oo daawooyin badan oo kala duwan soo qaatey ayaa xarumaha caafimaadka lasoo gaarsiiyaa, taasna waxaa ka dhashay in daryeelkii caafimaad ee bukaanka loo fidin lahaa laga gaabiyo"

Waa markii ugu horeysey oo ay tiro intaas le'eg oo dad ihi ay todobaadyo gudahood cudurka Duumada ugu geeriyoodaan magaalada Boosaaso ee xarunta gobolka Bari, arintan ayaana ah mid ay dadku aad u hadal hayaan cabsi weynna ku beertay.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-02-18 1:38 PM EST
Isniin, Feberaayo 18, 2013 (HOL) — Kulan ay kasoo qaybgaleen odoyaasha dhaqanka, boqorrada, salaaddiinta, culimaudiinka, siyaasiyiinta iyo aqoon-yahannada Soomaaliyeed oo lagu taageerayay golaha salaaddiinta Soomaaliyeed ayaa lagu qabtay hoteelka Mubaarak ee magaalada Muqdisho.

2013-02-18 12:48 PM EST
Isniin, Feberaayo 18, 2013 (HOL) — Guddoomiyaha baarlamaanka Somalia iyo wafdi uu hoggaaminayo oo booqasho ku jooga magaalada Jigjiga ee deegaanka Soomaalida Itoobiya ayaa maanta kormeeray jaamacadda Jigjiga iyo kuulliyadaha waxbarashada iyo caafimaadka.

2013-02-18 12:04 PM EST
Isniin, Feberaayo 18, 2013 (HOL) — Gellinkii dambe ee maanta saacaddu markii ay ahayd 4:00 galabnimo ayaa ciidamada dowlada oo wata gaari kuwa dagaalka ah waxay gaarigooda kasoo dejiyeen madaxa nin ay soo gowraceen , iyadoo goobta ay isugu yimaadeen dadweyne fara badan oo daawanayay madaxaas bani’aadam.

2013-02-18 11:48 AM EST
Isniin, Feberaayo 18, 2013 (HOL) — Wasiirka arrimaha gudaha Soomaaliya, Cabdikariim Xuseen Guuleed ayaa maanta Muqdisho kula kulmay danjiraha Baritain u fadhiya Soomaaliya, Matt Baugh iyadoo labada mas’uul ay kawada hadleen arrimo ay ka mid yihiin, sidii dowladda Britain ay uga qayb-qaadan lahayd xoojinta ammaanka Soomaaliya iyo mashaariic lagu horumarinayo gobollada iyo degmooyinka dalka.

2013-02-18 11:36 AM EST
Isniin, Feberaayo 18, 2013 (HOL) — Ciidammo ka tirsan kuwa dowaldda Soomaaliya oo lagu soo tababaray dalka Uganda ayaa dib ugu soo laabtay maanta magaalada Muqdisho, iyadoo garoonka diyaaradaha ay si weyn loogu soo dhaweeyay.

2013-02-18 7:49 AM EST
Isniin, Feberaayo 18, 2013 (HOL) — Ciidamada Soomaaliya iyo Itoobiya ayaa waxay weerar ku qaadeen goobo ay fariisamo ku lahaayeen xoogagga Al-shabaab oo la kala yiraahdo, Bulo-barako, Bootis, Goorisane iyo Mannaas, waxaa la sheegayaa in dhammaan goobahaas ay la wareegeyn ciidamada huwanta.

2013-02-18 7:24 AM EST
Isniin, Feberaayo 18, 2013 (HOL) — Xisbiga Muxaafadka ah ee taladda haya ee KULMIYE ayaa u muuqda mid laba garab u kala safan, ka dib markii masuuliyiin badani sheegeen inay doonayaan inay u tartamaan xilka gudoomiyaha xisbigaasi oo noqon doono musharaxa doorashadda dambe ee madaxtooyadda.

2013-02-18 6:57 AM EST
Isniin, Feberaayo 18, 2013 (HOL) — Xukuumadda Soomaaliya ayaa sheegtay inay lacag gaaraysa 50,000 oo dollar ay abaalmarin ahaan u siinayso qofkii soo qabto qof dilay wariye. Sidaa waxaa Muqdisho kaga dhawaaqay ra’iisul wasaaraha Soomaaliya, iyadoo tallaabadan ay u muuqato mid looga hortagayo dilalka suxufiyiinta oo joogto ka noqday Soomaaliya sannadihii ugu dambeeyay.

2013-02-18 6:43 AM EST
Isniin, Feberaayo 18, 2013 (HOL) — Ciidamada ammaanka ee Puntland ayaa dhaqdhaqaaq ciidan ka wada deegaanada buuraleyda ah ee galbeedka kaga beegan magaalada Boosaaso ee xarunta gobolka Bari.

2013-02-18 6:29 AM EST
Isniin, Feberaayo 18, 2013 (HOL) — Saraakiisha ciidamada booliska magaalada Baladweyne ayaa warbaahinta u soo bandhigay saddex dhallinyarro ah oo sida ay sheegeen ka soo goostay xarakada Al-shabaab.

2013-02-18 6:19 AM EST
Isniin, Feberaayo 18, 2013 (HOL) — Kulan-diimeen ballaaran oo ay kasoo qayb galeen culimaa'uddiin Soomaaliyeed oo tira badan, islamarkaana loogu magac daray " Maxay u dileen Alle ha dile" ayaa xalay ka dhacay masjidka Al-Huda ee magaalada Garoowe.

2013-02-18 2:25 AM EST
Isniin, February 18, 2013 (HOL) - Kulan lagu taageerayo Xisbiga Mucaaradka dalka Jabuuti ee USN ayaa bishan Feb. 17keedii lagu qabtay magaalada Ottawa ee dalka Kanada. Kulankan oo si wanaagsan loo soo agaasimay ayaa waxaa soo qabanqaabiyey jaaliyadda reer Jabuuti ee ku dhaqan magaalada Ottawa.

2013-02-18 2:13 AM EST
Isniin, Feberaayo 18, 2013 (HOL) — Saraakiisha ciidamada Midowga Afrika ee AMISOM ayaa sheegay inay kulammo wadatashi ah la yeesheen qaar ka mid ah waxgaradka deegaannadii dhawaan laga qabsaday Al-shabaab ee ay ka mid yihiin Janaale, Owdheegle iyo Bariirre oo ka tirsan gobolka Shabeellada Hoose.