2014-07-29
Today from Hiiraan Online:  _
Wararka Maanta- Isniin, Feb 18, 2013
Kulan-diimeed looga hadlay dilkii Sheekh Cabdulqaadir Nuur Faarax (Gacmey) oo xalay lagu qabtay Garoowe [SAWIRRO]



Isniin, Feberaayo 18, 2013 (HOL) — Kulan-diimeen ballaaran oo ay kasoo qayb galeen culimaa'uddiin Soomaaliyeed oo tira badan, islamarkaana loogu magac daray " Maxay u dileen Alle ha dile" ayaa xalay ka dhacay masjidka Al-Huda ee magaalada Garoowe.

Nedwadan oo ay sidoo kale soo xaadireen dadweyne boqolaal gaaraya, kumanaan kalena ay warbaahinta si toos ah ugala socdeen waxaa culimadii khudbadaha ka jeediyey kamid ahaa:

Sheekh Bashiir Axmed Saalax, Sheikh Daahir Aw-cabdi, Sheikh C/naasir Xaaji Axmed, Sheikh Yuusuf Aadan Maxamed, Sheikh Maxamuud Xaaji Yuusuf Iyo Sheikh yuusuf Aadan Maxamed.

Qodobada kulankan diiradda lagu saareyna waxaa kamid ahaa: Taariikh nololeedka AHN Sheekh Cabdiqaadir Nuur Faarax, Cidda dishey iyo sababta iyo gaba gabada oo ahayd dardaaran iyo samirsiin.

Dhamaan hadalada Culimadu ay xalay kulankaas ka jeediyeen ayaa ahaa kuwo laga dheehan karo sida ay Culimadu uga xun yihiin falkii foosha xumaa ee lagu diley AHN Sheekh Cabdiqaadir Nuur Faarax oo Jimcii lasoo dhaafay Garoowe lagu toogtey.

Culimada ayaa sidoo kale ka sheekeeyey taariikhda wanaagsan ee uu Sheekhu reebay iyo sida uu wakhtigiisa oo dhan ugu hibeeyey barashada iyo fidinta diinta Islaamka.

Culimadu waxay dhinaca kale aad u canbaareeyeen dadkii soo maleegey shirqoolkii Sheeka lagu khaarijiyey, waxayna ku tilmaameen in ay yihiin dad ay ujeedadoodu tahay sidii ay u dabargoyn lahaayeen waxgaradka iyo culimada; si ay dadka u indha tiraan.

Ugu danbeyntii waxay baaq u direen umadda Soomaaliyeed oo dhan, waxayna kula dardaarmeen in ay gacmaha is qabsadaan, islamarkaana ay meel uga soo wada jeestaan cid walba oo jiritaankooda halis ku ah.

Sheekh Cabdiqaadir Nuur Faarax (Gacamey) oo kamid ahaa culimada diinta ee ugu waaweyn dalka, kana tirsanaa jamaacada Al-ictisaam waxaa jimcihii oo ay taariikhdu ku beegneyd Feb 15, 2013 lagu diley -isaga oo salaadda Casarka ku jira- masjidka Beder ee xaafadda Hodon ee magaalada Garoowe.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-02-18 1:38 PM EST
Isniin, Feberaayo 18, 2013 (HOL) — Kulan ay kasoo qaybgaleen odoyaasha dhaqanka, boqorrada, salaaddiinta, culimaudiinka, siyaasiyiinta iyo aqoon-yahannada Soomaaliyeed oo lagu taageerayay golaha salaaddiinta Soomaaliyeed ayaa lagu qabtay hoteelka Mubaarak ee magaalada Muqdisho.

2013-02-18 12:48 PM EST
Isniin, Feberaayo 18, 2013 (HOL) — Guddoomiyaha baarlamaanka Somalia iyo wafdi uu hoggaaminayo oo booqasho ku jooga magaalada Jigjiga ee deegaanka Soomaalida Itoobiya ayaa maanta kormeeray jaamacadda Jigjiga iyo kuulliyadaha waxbarashada iyo caafimaadka.

2013-02-18 12:04 PM EST
Isniin, Feberaayo 18, 2013 (HOL) — Gellinkii dambe ee maanta saacaddu markii ay ahayd 4:00 galabnimo ayaa ciidamada dowlada oo wata gaari kuwa dagaalka ah waxay gaarigooda kasoo dejiyeen madaxa nin ay soo gowraceen , iyadoo goobta ay isugu yimaadeen dadweyne fara badan oo daawanayay madaxaas bani’aadam.

2013-02-18 11:48 AM EST
Isniin, Feberaayo 18, 2013 (HOL) — Wasiirka arrimaha gudaha Soomaaliya, Cabdikariim Xuseen Guuleed ayaa maanta Muqdisho kula kulmay danjiraha Baritain u fadhiya Soomaaliya, Matt Baugh iyadoo labada mas’uul ay kawada hadleen arrimo ay ka mid yihiin, sidii dowladda Britain ay uga qayb-qaadan lahayd xoojinta ammaanka Soomaaliya iyo mashaariic lagu horumarinayo gobollada iyo degmooyinka dalka.

2013-02-18 11:36 AM EST
Isniin, Feberaayo 18, 2013 (HOL) — Ciidammo ka tirsan kuwa dowaldda Soomaaliya oo lagu soo tababaray dalka Uganda ayaa dib ugu soo laabtay maanta magaalada Muqdisho, iyadoo garoonka diyaaradaha ay si weyn loogu soo dhaweeyay.

2013-02-18 7:49 AM EST
Isniin, Feberaayo 18, 2013 (HOL) — Ciidamada Soomaaliya iyo Itoobiya ayaa waxay weerar ku qaadeen goobo ay fariisamo ku lahaayeen xoogagga Al-shabaab oo la kala yiraahdo, Bulo-barako, Bootis, Goorisane iyo Mannaas, waxaa la sheegayaa in dhammaan goobahaas ay la wareegeyn ciidamada huwanta.

2013-02-18 7:24 AM EST
Isniin, Feberaayo 18, 2013 (HOL) — Xisbiga Muxaafadka ah ee taladda haya ee KULMIYE ayaa u muuqda mid laba garab u kala safan, ka dib markii masuuliyiin badani sheegeen inay doonayaan inay u tartamaan xilka gudoomiyaha xisbigaasi oo noqon doono musharaxa doorashadda dambe ee madaxtooyadda.

2013-02-18 7:16 AM EST
Isniin, Feberaayo 18, 2013 (HOL) — Iyadoo dhowaan ay wasaaradda caafimaadka ee Puntland ku dhawaaqday in cudurka Duumadu uu ka dilaacay magaalada Boosaaso, ayaa waxaa soo badanaya tirada dadka uu cudurkaasi soo ridanayo.

2013-02-18 6:57 AM EST
Isniin, Feberaayo 18, 2013 (HOL) — Xukuumadda Soomaaliya ayaa sheegtay inay lacag gaaraysa 50,000 oo dollar ay abaalmarin ahaan u siinayso qofkii soo qabto qof dilay wariye. Sidaa waxaa Muqdisho kaga dhawaaqay ra’iisul wasaaraha Soomaaliya, iyadoo tallaabadan ay u muuqato mid looga hortagayo dilalka suxufiyiinta oo joogto ka noqday Soomaaliya sannadihii ugu dambeeyay.

2013-02-18 6:43 AM EST
Isniin, Feberaayo 18, 2013 (HOL) — Ciidamada ammaanka ee Puntland ayaa dhaqdhaqaaq ciidan ka wada deegaanada buuraleyda ah ee galbeedka kaga beegan magaalada Boosaaso ee xarunta gobolka Bari.

2013-02-18 6:29 AM EST
Isniin, Feberaayo 18, 2013 (HOL) — Saraakiisha ciidamada booliska magaalada Baladweyne ayaa warbaahinta u soo bandhigay saddex dhallinyarro ah oo sida ay sheegeen ka soo goostay xarakada Al-shabaab.

2013-02-18 2:25 AM EST
Isniin, February 18, 2013 (HOL) - Kulan lagu taageerayo Xisbiga Mucaaradka dalka Jabuuti ee USN ayaa bishan Feb. 17keedii lagu qabtay magaalada Ottawa ee dalka Kanada. Kulankan oo si wanaagsan loo soo agaasimay ayaa waxaa soo qabanqaabiyey jaaliyadda reer Jabuuti ee ku dhaqan magaalada Ottawa.

2013-02-18 2:13 AM EST
Isniin, Feberaayo 18, 2013 (HOL) — Saraakiisha ciidamada Midowga Afrika ee AMISOM ayaa sheegay inay kulammo wadatashi ah la yeesheen qaar ka mid ah waxgaradka deegaannadii dhawaan laga qabsaday Al-shabaab ee ay ka mid yihiin Janaale, Owdheegle iyo Bariirre oo ka tirsan gobolka Shabeellada Hoose.