2014-07-28
Today from Hiiraan Online:  _
Wararka Maanta- Isniin, Feb 18, 2013
AMISOM oo kulan wadatashi ah la yeelatay Waxgaradka deegaanno dhawaan laga saaray Xarakada Al-shabaab


Isniin, Feberaayo 18, 2013 (HOL) — Saraakiisha ciidamada Midowga Afrika ee AMISOM ayaa sheegay inay kulammo wadatashi ah la yeesheen qaar ka mid ah waxgaradka deegaannadii dhawaan laga qabsaday Al-shabaab ee ay ka mid yihiin Janaale, Owdheegle iyo Bariirre oo ka tirsan gobolka Shabeellada Hoose.

Warsaxaafadeed kasoo baxay AMISOM ayaa lagu sheegay in kulankan laga  gaaray ujeeddooyinkii lahaa, ayna ka qaybgaleen xildhibaanno ka tirsan baarlamaanka Soomaaliya oo kasoo jeeda deegaannadaas iyo mas’uuliyiin ka socday maamulka gobolkaas.

“Kulankan waxaa looga hadlay sidii la isaga kaashan lahaa sugidda amniga deegaannada laga saaray Al-shabaab,” ayaa lagu yiri warsaxaafadeedka ka soo baxay AMISOM oo uu ku saxiixnaa afhayeenkooda, Col. Cali Aadan Xumud.

Xafiiska siyaasadda ee  AMISOM ayaa la sheegay inuu kulankan soo agaasimay, iyadoo kalnka uu dhinaca AMISOM hoggaamiyayay taliyaha guutada koowaad, Brig. Michael Ondoga, waxaana kulanka intiisa badan looga dooday sidii iskaashi buuxa uu dhexmari lahaa dadka deegaanka iyo ciidamada AMISOM ee qaybta ka ah dagaalka lagula jiro Al-shabaab. Waxaa kaloo kulanka looga hadlay sidii maamulka dowladda loogu baahin lahaa deegaannadaas.

Sidoo kale, kulanka waxaa ka qaybgalay waxgarad ka socday degmooyinka Qoryooley, Sablaale, Baraawe, Marka iyo Kurtunwaarey, kuwaasoo fikrado ka dhiibtay sida ugu habboon ee looga qayb-qaadan karo sugidda amniga deegaannadii laga saaray Al-shabaab iyo in ciidamada isbahaysnaya lagu tageero guulaha ay gaareen.

Horraantii toddobaadkan ayay ciidamada dowladda Soomaaliya iyo kuwa ay garabka ka helaan ee AMISOM waxay Al-shabaab kala wareegeen goobo hor leh ka tirsan gobolka Shabeellada Hoose, kuwaasoo ay ka mid yihiin: Janaale, Owdheegle iyo Bariirre.

Xilligan ayaa waxaa inta badan deegaannada gobolka Shabeellada Hoose gacanta ku haya ciidamada dowladda Soomaaliya iyo kuwa AMISOM oo is-kaashanaya, iyadoo Al-shabaabna ay kaga sugan gobolkaas dhowr degmo oo dhinaca koonfureed ee gobolka Shabeellada hoose ku yaalla.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-18 1:38 PM EST
Isniin, Feberaayo 18, 2013 (HOL) — Kulan ay kasoo qaybgaleen odoyaasha dhaqanka, boqorrada, salaaddiinta, culimaudiinka, siyaasiyiinta iyo aqoon-yahannada Soomaaliyeed oo lagu taageerayay golaha salaaddiinta Soomaaliyeed ayaa lagu qabtay hoteelka Mubaarak ee magaalada Muqdisho.

2013-02-18 12:48 PM EST
Isniin, Feberaayo 18, 2013 (HOL) — Guddoomiyaha baarlamaanka Somalia iyo wafdi uu hoggaaminayo oo booqasho ku jooga magaalada Jigjiga ee deegaanka Soomaalida Itoobiya ayaa maanta kormeeray jaamacadda Jigjiga iyo kuulliyadaha waxbarashada iyo caafimaadka.

2013-02-18 12:04 PM EST
Isniin, Feberaayo 18, 2013 (HOL) — Gellinkii dambe ee maanta saacaddu markii ay ahayd 4:00 galabnimo ayaa ciidamada dowlada oo wata gaari kuwa dagaalka ah waxay gaarigooda kasoo dejiyeen madaxa nin ay soo gowraceen , iyadoo goobta ay isugu yimaadeen dadweyne fara badan oo daawanayay madaxaas bani’aadam.

2013-02-18 11:48 AM EST
Isniin, Feberaayo 18, 2013 (HOL) — Wasiirka arrimaha gudaha Soomaaliya, Cabdikariim Xuseen Guuleed ayaa maanta Muqdisho kula kulmay danjiraha Baritain u fadhiya Soomaaliya, Matt Baugh iyadoo labada mas’uul ay kawada hadleen arrimo ay ka mid yihiin, sidii dowladda Britain ay uga qayb-qaadan lahayd xoojinta ammaanka Soomaaliya iyo mashaariic lagu horumarinayo gobollada iyo degmooyinka dalka.

2013-02-18 11:36 AM EST
Isniin, Feberaayo 18, 2013 (HOL) — Ciidammo ka tirsan kuwa dowaldda Soomaaliya oo lagu soo tababaray dalka Uganda ayaa dib ugu soo laabtay maanta magaalada Muqdisho, iyadoo garoonka diyaaradaha ay si weyn loogu soo dhaweeyay.

2013-02-18 7:49 AM EST
Isniin, Feberaayo 18, 2013 (HOL) — Ciidamada Soomaaliya iyo Itoobiya ayaa waxay weerar ku qaadeen goobo ay fariisamo ku lahaayeen xoogagga Al-shabaab oo la kala yiraahdo, Bulo-barako, Bootis, Goorisane iyo Mannaas, waxaa la sheegayaa in dhammaan goobahaas ay la wareegeyn ciidamada huwanta.

2013-02-18 7:24 AM EST
Isniin, Feberaayo 18, 2013 (HOL) — Xisbiga Muxaafadka ah ee taladda haya ee KULMIYE ayaa u muuqda mid laba garab u kala safan, ka dib markii masuuliyiin badani sheegeen inay doonayaan inay u tartamaan xilka gudoomiyaha xisbigaasi oo noqon doono musharaxa doorashadda dambe ee madaxtooyadda.

2013-02-18 7:16 AM EST
Isniin, Feberaayo 18, 2013 (HOL) — Iyadoo dhowaan ay wasaaradda caafimaadka ee Puntland ku dhawaaqday in cudurka Duumadu uu ka dilaacay magaalada Boosaaso, ayaa waxaa soo badanaya tirada dadka uu cudurkaasi soo ridanayo.

2013-02-18 6:57 AM EST
Isniin, Feberaayo 18, 2013 (HOL) — Xukuumadda Soomaaliya ayaa sheegtay inay lacag gaaraysa 50,000 oo dollar ay abaalmarin ahaan u siinayso qofkii soo qabto qof dilay wariye. Sidaa waxaa Muqdisho kaga dhawaaqay ra’iisul wasaaraha Soomaaliya, iyadoo tallaabadan ay u muuqato mid looga hortagayo dilalka suxufiyiinta oo joogto ka noqday Soomaaliya sannadihii ugu dambeeyay.

2013-02-18 6:43 AM EST
Isniin, Feberaayo 18, 2013 (HOL) — Ciidamada ammaanka ee Puntland ayaa dhaqdhaqaaq ciidan ka wada deegaanada buuraleyda ah ee galbeedka kaga beegan magaalada Boosaaso ee xarunta gobolka Bari.

2013-02-18 6:29 AM EST
Isniin, Feberaayo 18, 2013 (HOL) — Saraakiisha ciidamada booliska magaalada Baladweyne ayaa warbaahinta u soo bandhigay saddex dhallinyarro ah oo sida ay sheegeen ka soo goostay xarakada Al-shabaab.

2013-02-18 6:19 AM EST
Isniin, Feberaayo 18, 2013 (HOL) — Kulan-diimeen ballaaran oo ay kasoo qayb galeen culimaa'uddiin Soomaaliyeed oo tira badan, islamarkaana loogu magac daray " Maxay u dileen Alle ha dile" ayaa xalay ka dhacay masjidka Al-Huda ee magaalada Garoowe.

2013-02-18 2:25 AM EST
Isniin, February 18, 2013 (HOL) - Kulan lagu taageerayo Xisbiga Mucaaradka dalka Jabuuti ee USN ayaa bishan Feb. 17keedii lagu qabtay magaalada Ottawa ee dalka Kanada. Kulankan oo si wanaagsan loo soo agaasimay ayaa waxaa soo qabanqaabiyey jaaliyadda reer Jabuuti ee ku dhaqan magaalada Ottawa.