12/18/2014
Today from Hiiraan Online:  _
Wararka Maanta- Axad, Feb 17, 2013
Munaasabad loogu dabbaal-degayay Aasaaskii Ciidamada Badda Soomaaliya oo lagu qabtay Muqdisho (SAWIRRO)



Axad, Feberaayo 17, 2013 (HOL) —  Munaasabad lagu xusayay sannad-guuradii 51-aad ee kasoo wareegtay aasaaska ciidamada badda Soomaaliya  ayaa maanta alu qabtay Muqdisho, iyadoo mas’uuliyiin isugu jiray wasiiro iyo xubno kale oo dowladda ka tirsan ay ka qaybgaleen munaasabaddan.

Ciidamada badda Soomaaliya ayaa dabaal-degga kusoo bandhigayi gaaddo-ka-ciyaar iyo tartamo ay ku sameynayeen doomaha dheereeya, waxaana uu ka dhacay dabaal-deggan xeebta liido halkaasoo si weyn loogu daawanayay.

“Ciidamada badda waxay shaqeynayaan shan sano oo duruuf adag ah, tan iyo markii dib loo dhisay; maantana waxay marayaan heer lagu tashan karo haddii loo helo qalabkii ay ku howlgeli lahaayeen,” ayuu yiri taliyaha ciidanka badda Soomaaliya, Admiral Faarax Axmed Cumar (Faarax Qare) oo hadal ka jeediyay dabaal-degga.

Sidoo kale, wasiirka gaashaandhigga Soomaalia, Cabdixakiin Maxmauud Fiqi oo isaguna ka hadlay munaasabadda ayaa sheegay in xalka kaliya ee looga hortegi karo burcadbadeedda ay tahay in la tayeeyo ciidamada badda dalka.

“Dowladdu Somalia waxay afarta sano ee soo socota dadaal u galaysaa sidii dib u dhis lahaa ciidamada badda Soomaaliya, si ay u soo celiyaan amniga xeebaha Soomaaliya,” ayuu yiri C/xakiin Fiqi.

Hadallo kala duwan ayaa laga jeediyay dabaal-degga, waxaana xubnihii ka hadlay ka mid ahaa taliyaha booliiska Soomaaliya, Jen. Shariif Sheekhunaa Maye iyo abaanduulaha ciidamada xoogga dalka, Jen. C/kariin Yuusuf Aadan (Dhego-badan),  waxay hambalyo u diray ciidamada badda Somalia, iyagoo intaas ku daray inay socoto dib u dhis lagu sameynayo ciidamada dalka oo dhan si ay ammaanka dalka u soo celiyaan.








Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2/17/2013 1:32 PM EST
Axad, Feberaayo 17, 2013 (HOL) — Golaha deegaanka qaybta magaalada Gaalkacyo ee gobolka Mudug ay maausho Galmudug ayaa u maanta kulan ay yeesheen ugu doortay, Bile Bashiir Caynab inuu noqdo duqa magaalada, Gaalkacyo.

2/17/2013 12:44 PM EST
Axad, Feberaayo 17, 2013 (HOL) — Maamulka Tajamuca Islaamka ayaa bayaan ay kasoo saareen maanta xaruntooda Muqdisho waxay kaga tacsiyeynayaan falkii naxdinta lahaa ee lagu dilay Sheekh C/qaadir Nuur Faarax (Gacmey) oo ka mid ahaa culummada Soomaaliyeed.

2/17/2013 8:49 AM EST
Axad, Feberaayo 17, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa maanta gaaray magaalada Jigjiga ee xarunta dowladda deegaanka Soomaalida ee Itoobiya, iyadoo si heer sare ah loogu soo dhaweeyay magaaladaas.

2/17/2013 8:10 AM EST
Axad, Feberaayo 17, 2013 (HOL) — Taliska howgalka Midowga Afrika ee AMISOM ayaa si adag u cambaareeyay qarax shalay ka dhacay baar Liido, iyagoo ku tilmaamay inuu ahaa mid lala beegsaday dad shacab ah oo aan waxba galabsan.

2/17/2013 6:59 AM EST
Axad, Feberaayo 17, 2013 (HOL) — Xaalad abaareed oo baahsan ayaa laga soo sheegayaa degaanno badan oo ku yaalla gobolka Sool, gaar ahaan deegaannada howdka ee oomanaha ah.

2/17/2013 6:58 AM EST
Axad, Feberaayo 17, 2013 (HOL) — Jaamacada Al-ictisaam oo AHN Sheekh Cabdiqaadir Nuur Faarax uu ka tirsanaa, ayaa bayaan ay shalay soo saareen islamarkaana nuqul kamid ahi uusoo gaarey shabakadda HOL, waxay ku sheegeen in dilka Sheekha ay ka danbeysey xarakada Al-shabaab.

2/17/2013 6:30 AM EST
Axad, Feberaayo 17, 2013 (HOL) -Ciidamo ka tirsan kuwa maamulka KMG ee degmada Kismaayo ayaa toogasho ku dilay Alaha u naxariisteen Marxuum Axmed Jimcaale (Maleele) oo ka mid ahaa macalimiinta sida weyn looga yaqaan magaalada Kismaayo ee xarunta gobolka jubada hoose.

2/17/2013 6:24 AM EST
Axad, February 17, 2013 (HOL) - Maxamed Cali Nuur (Ameeriko) ayaa wax kama jiraan ku tilmaamay in Soomaaliya ay ishortaagtay qorshihii ay dawlada Kenya ku doonaysay $10 milyan, kaasoo ay doonaysay Kenya inay u ansixiyaan golaha ammaanka ee qaramada midoobay.

2/17/2013 2:07 AM EST
Axad, Feberaayo 17, 2013 (HOL) - Qarax Miino oo aad u xooggan aya lagu soo waramayaa in xalay fiidkii uu ka dhacay gudaha magaalada Garissa, iyadoona la sheegay in qaraxu uu ku dhintay ruux doonayay in uu aaso.