2014-04-19
Today from Hiiraan Online:  _
Wararka Maanta- Axad, Feb 17, 2013
Jaamacada Al-ictisaam oo Al-shabaab ku eedeysey dilka Sheekh Cabdiqaadir Nuur iyo Al-shabaab oo iska fogeeyey

Axad, Feberaayo 17, 2013 (HOL) — Jaamacada Al-ictisaam oo AHN Sheekh Cabdiqaadir Nuur Faarax uu ka tirsanaa, ayaa bayaan ay shalay soo saareen islamarkaana nuqul kamid ahi uusoo gaarey shabakadda HOL,  waxay ku sheegeen in dilka Sheekha ay ka danbeysey xarakada Al-shabaab.

Bayaanka oo dhinacyo badan taabanayey waxaa lagu sheegay in ninka dilka Sheekha loo hayo oo ah wiil dhalin yaro ah oo lagu magacaabo Cabdiraxmaan Xuseen Jaamac (Bile), ay cadaatay in uu ka tirsanaa xarakada Al-shabaab.

Dhinaca kale saraakiil ka tirsan ururka Al-shabaab oo warbaahinta la hadlay ayaa iska fogeeyey dilka Sheekha,  iyagoo tilmaamay in xarakada Al-shabaab aysan waxba ka ogeyn falkii AHN Sheekh Cabdiqaadir Nuur Faarax (Gacamey) lagu khaarijiyey.

Sheekh Mukhtaar Roobow oo ka tirsan madaxda sare ee Al-shabaab ayaa sheegay in dilka Sheekha aysan waxba ka ogeyn, islamarkaana ay khalad tahay in iyaga lala xiriiriyo.

Dhinaca kale Sheekh Xasan Daahir Aweys oo isna warbaahinta la hadlay ayaa mar wax laga weydiiyey cidda dilka Sheekha ka danbeysa, wuxuu sheegay in uusan si cad u tilmaami karin, balse ay isaga iyo inta la fikirka ahi falkaas aad uga xun yihiin

“Markasta anagu wixii noocaas oo kaleeta ah ee umadda lagu naafeynayo beri baan ka nahay...aniga iyo ciddii islaamka iyo ku dhaqankiisa iyo ixtiraamkiisa aaminsan oo dhan iyo culimada intaan ka warqabo.. waxaas waan inkireynaa beri baanna ka nahay” Sheekh Xasan ayaa yiri.

Dowladda Puntland ayaa horay u sheegtay in Sheekh Cabdiqaadir Nuur Faarax oo ka tirsanaa culimada waaweyn ee Soomaalida oo jimcihii magaalada Garoowe lagu toogtey ay dilkiisa ka danbeysey xarakada Al-shabaab.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-02-17 1:32 PM EST
Axad, Feberaayo 17, 2013 (HOL) — Golaha deegaanka qaybta magaalada Gaalkacyo ee gobolka Mudug ay maausho Galmudug ayaa u maanta kulan ay yeesheen ugu doortay, Bile Bashiir Caynab inuu noqdo duqa magaalada, Gaalkacyo.

2013-02-17 12:44 PM EST
Axad, Feberaayo 17, 2013 (HOL) — Maamulka Tajamuca Islaamka ayaa bayaan ay kasoo saareen maanta xaruntooda Muqdisho waxay kaga tacsiyeynayaan falkii naxdinta lahaa ee lagu dilay Sheekh C/qaadir Nuur Faarax (Gacmey) oo ka mid ahaa culummada Soomaaliyeed.

2013-02-17 9:39 AM EST
Axad, Feberaayo 17, 2013 (HOL) — Munaasabad lagu xusayay sannad-guuradii 51-aad ee kasoo wareegtay aasaaska ciidamada badda Soomaaliya ayaa maanta alu qabtay Muqdisho, iyadoo mas’uuliyiin isugu jiray wasiiro iyo xubno kale oo dowladda ka tirsan ay ka qaybgaleen munaasabaddan.

2013-02-17 8:49 AM EST
Axad, Feberaayo 17, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa maanta gaaray magaalada Jigjiga ee xarunta dowladda deegaanka Soomaalida ee Itoobiya, iyadoo si heer sare ah loogu soo dhaweeyay magaaladaas.

2013-02-17 8:10 AM EST
Axad, Feberaayo 17, 2013 (HOL) — Taliska howgalka Midowga Afrika ee AMISOM ayaa si adag u cambaareeyay qarax shalay ka dhacay baar Liido, iyagoo ku tilmaamay inuu ahaa mid lala beegsaday dad shacab ah oo aan waxba galabsan.

2013-02-17 6:59 AM EST
Axad, Feberaayo 17, 2013 (HOL) — Xaalad abaareed oo baahsan ayaa laga soo sheegayaa degaanno badan oo ku yaalla gobolka Sool, gaar ahaan deegaannada howdka ee oomanaha ah.

2013-02-17 6:30 AM EST
Axad, Feberaayo 17, 2013 (HOL) -Ciidamo ka tirsan kuwa maamulka KMG ee degmada Kismaayo ayaa toogasho ku dilay Alaha u naxariisteen Marxuum Axmed Jimcaale (Maleele) oo ka mid ahaa macalimiinta sida weyn looga yaqaan magaalada Kismaayo ee xarunta gobolka jubada hoose.

2013-02-17 6:24 AM EST
Axad, February 17, 2013 (HOL) - Maxamed Cali Nuur (Ameeriko) ayaa wax kama jiraan ku tilmaamay in Soomaaliya ay ishortaagtay qorshihii ay dawlada Kenya ku doonaysay $10 milyan, kaasoo ay doonaysay Kenya inay u ansixiyaan golaha ammaanka ee qaramada midoobay.

2013-02-17 2:07 AM EST
Axad, Feberaayo 17, 2013 (HOL) - Qarax Miino oo aad u xooggan aya lagu soo waramayaa in xalay fiidkii uu ka dhacay gudaha magaalada Garissa, iyadoona la sheegay in qaraxu uu ku dhintay ruux doonayay in uu aaso.