2014-07-31
Today from Hiiraan Online:  _
Wararka Maanta- Axad, Feb 17, 2013
Askar ka tirsan Ciidamada Maamulka KMG-ka ee Magaalada Kismaayo oo toogasho ku dilay qof rayid ah


Axad, Feberaayo 17, 2013 (HOL) - Ciidamo ka tirsan kuwa maamulka KMG ee degmada Kismaayo ayaa toogasho ku dilay Alaha u naxariisteen Marxuum Axmed Jimcaale (Maleele) oo ka mid ahaa macalimiinta sida weyn looga yaqaan magaalada Kismaayo ee xarunta gobolka jubada hoose.

Dilka Marxuumkani ayaa ka danbeeyay kadib markii uu muran dhexmaray isaga iyo qaar kamid ah ciidamada ilaalada saldhigga Kismaayo xilli ay halkaasi ka socotay dacwad dhul oo loo qaadayay marxuumka iyo kooxo kale oo ay ku muransanaayeen lahanshiyaha dhul.

Goobjooge codsaday in aan magaciisa la xigan ayaa HOL u sheegay in macalinka uu ka xanaaqay qaabka ay u dhaceysay dacwadda, markaa kadibna uu la murmay ciidamadii saldhigga joogay taasoo keentay gacan ka hadal dhexmaray macallinka iyo ciidamadii ilaalada ka ahaa saldhigga.

“Macalinka iyo ciidamada gacan ka hadal ayaa dhexmaray, dhowr askari ayaa isugu tagtay oo si xun u garaacday, wuxuu isku dayay in uu ka cararo, laakiin xabado ayay ka daba rideen, waxayna amar ku siiyeen in uu istaago balse ma joogsan, markii danbena dhowr xabadood ayay ku dhufteen, meesha ayuuna ku dhintay,” ayuu yiri goobjoogaha oo u waramayay HOL.

AUN Marxuum Axmed Jimcaale (Maleele) ayaa kamid ahaa macalimiinta wax ka barta magaalada Kismaayo kuwooda ugu caansan, wuxuuna sanadihii ugu danbeeyay bare dhanka caafimaadka ka ahaa xarunta hay’adda Bisha case e magaalada Kismaayo, halkaas oo ay wax ka bartaan boqollaal arday oo reer Kismaayo ah.

Askarigii dilay marxuumka ayaa la sheegay in uu imika xiranyahay, wallow aysan jirin masuuliyiin ka tirsan maamulka Kismaayo oo ka hadlay arintaasi.

Marxuumka ayaa imika la aasayaa, waxaana masuuliyiinta hay’adda bisha case e magaalada Kismaayo oo ahayd halka uu macalinku baraha ka ahaa ay sheegeen in ay aad uga xunyihiin dilka marxuumka, waxayna ugu baaqeen maamulka in sharciga la marsiiyo askariga dilka geeystay.

Maalmihii ugu danbeeyay waxaa magaalada Kismaayo kusoo badanayay dilalka ka dhanka ah dadka rayidka ah, waxaana dilka marxuumkani siweyn uga xumaaday bulshada ku dhaqan magaalada Kismaayo, maadaama marxuumka geeriyooday siweyn looga yaqaannay magaalada, islamarkaasina uu soo saaray arday aad u badan oo taqasus u leh maadooyinka dhanka caafimaadka iyo weliba sheybaarka,waxaana sidoo kale marxuumka geeriyooday uu wax barayay arday lagu qiyaasay boqollaal kuwaasoo baranayay madaaooyinka sheybaarka iyo caafimaadka qeybihiisa kala duwan.

Xasan Nuur, Hiiraan Online
Hnur@hiiraan.com
Muqdisho, Soomaaliya





Post your comments

2013-02-17 1:32 PM EST
Axad, Feberaayo 17, 2013 (HOL) — Golaha deegaanka qaybta magaalada Gaalkacyo ee gobolka Mudug ay maausho Galmudug ayaa u maanta kulan ay yeesheen ugu doortay, Bile Bashiir Caynab inuu noqdo duqa magaalada, Gaalkacyo.

2013-02-17 12:44 PM EST
Axad, Feberaayo 17, 2013 (HOL) — Maamulka Tajamuca Islaamka ayaa bayaan ay kasoo saareen maanta xaruntooda Muqdisho waxay kaga tacsiyeynayaan falkii naxdinta lahaa ee lagu dilay Sheekh C/qaadir Nuur Faarax (Gacmey) oo ka mid ahaa culummada Soomaaliyeed.

2013-02-17 9:39 AM EST
Axad, Feberaayo 17, 2013 (HOL) — Munaasabad lagu xusayay sannad-guuradii 51-aad ee kasoo wareegtay aasaaska ciidamada badda Soomaaliya ayaa maanta alu qabtay Muqdisho, iyadoo mas’uuliyiin isugu jiray wasiiro iyo xubno kale oo dowladda ka tirsan ay ka qaybgaleen munaasabaddan.

2013-02-17 8:49 AM EST
Axad, Feberaayo 17, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa maanta gaaray magaalada Jigjiga ee xarunta dowladda deegaanka Soomaalida ee Itoobiya, iyadoo si heer sare ah loogu soo dhaweeyay magaaladaas.

2013-02-17 8:10 AM EST
Axad, Feberaayo 17, 2013 (HOL) — Taliska howgalka Midowga Afrika ee AMISOM ayaa si adag u cambaareeyay qarax shalay ka dhacay baar Liido, iyagoo ku tilmaamay inuu ahaa mid lala beegsaday dad shacab ah oo aan waxba galabsan.

2013-02-17 6:59 AM EST
Axad, Feberaayo 17, 2013 (HOL) — Xaalad abaareed oo baahsan ayaa laga soo sheegayaa degaanno badan oo ku yaalla gobolka Sool, gaar ahaan deegaannada howdka ee oomanaha ah.

2013-02-17 6:58 AM EST
Axad, Feberaayo 17, 2013 (HOL) — Jaamacada Al-ictisaam oo AHN Sheekh Cabdiqaadir Nuur Faarax uu ka tirsanaa, ayaa bayaan ay shalay soo saareen islamarkaana nuqul kamid ahi uusoo gaarey shabakadda HOL, waxay ku sheegeen in dilka Sheekha ay ka danbeysey xarakada Al-shabaab.

2013-02-17 6:24 AM EST
Axad, February 17, 2013 (HOL) - Maxamed Cali Nuur (Ameeriko) ayaa wax kama jiraan ku tilmaamay in Soomaaliya ay ishortaagtay qorshihii ay dawlada Kenya ku doonaysay $10 milyan, kaasoo ay doonaysay Kenya inay u ansixiyaan golaha ammaanka ee qaramada midoobay.

2013-02-17 2:07 AM EST
Axad, Feberaayo 17, 2013 (HOL) - Qarax Miino oo aad u xooggan aya lagu soo waramayaa in xalay fiidkii uu ka dhacay gudaha magaalada Garissa, iyadoona la sheegay in qaraxu uu ku dhintay ruux doonayay in uu aaso.