2014-11-29
Today from Hiiraan Online:  _
Wararka Maanta- Axad, Feb 17, 2013
Safiirka Somalia u Fadhiya dalka Kenya oo beeniyay in Soomaaliya ay diiddan tahay Maalgalinta Ciidamada Badda Kenya


Axad, February 17, 2013 (HOL) - Maxamed Cali Nuur (Ameeriko)  ayaa wax kama jiraan ku tilmaamay in Soomaaliya ay ishortaagtay qorshihii ay dawlada Kenya ku doonaysay $10 milyan, kaasoo ay rabtay Kenya inay u ansixiyaan golaha ammaanka ee qaramada midoobay.

Isagoo waraysi siinayay wargeyska ugu afka dheer dalka Kenya ee “The Daily Nation”  ayuu safiirku beeniyay in Soomaaliya ay is hortaagtay lacag la siin lahaa dalka Kenya.

Waxaana uu sheegay in mawqifka dawlada Soomaaliya ee arrintan ku aadan uu yahay mid cad, Soomaaliyana ay doonayso in ciidankeeda badda la siiyo wixii kharash ah ee ku bixi lahaa ilaalinta xeebaha Soomaaliya.

“Waxaan door bidaynaa in nala ka caawiyo dhisitaanka ciidankeena badda, kaasoo kharash badani uusan ku baxayn , ahna mid hawl kar ah oo soo celin kara nabadgalyada Soomaaliya iyo tan gobolkaba” ayuu yiri Cali Ameeriko.

Safiirka ayaa sheegay in si khaldan loo fahmay mawqifka xuukumada Soomaaliya ,isagoo tilmaamay in Soomaaliya aysan ka hor imaanayn hadii Kenya ay taageero dhaqaale u raadsanayso ciidankeeda badda.

“Dawlada federaalka ah ee Soomaaliya marnaba kama soo horjeedo  taageerada la siinayo ciidamada badda ee Kenya, waana mid u taalla dawlada Kenya nooca taakulaynta ay doonayaan” ayuu sii raaciyay hadalkiisa.

Hadalka safiirka Soomaaliya ayaa yimid xilli ay warbaahinta dalka Kenya si wayn uga hadlaysay diidmadii Soomaaliya ee ku aadanayd in ciidamo Afrikaan ah ay ilaaliyaan badaha Soomaaliya, iyadoo qaar kamid Keenyaatiga ra'yigooda dhiibanayayna ay aad uga xumaayeen tallaabada Soomaaliya.

Ra’iisul wasaare ku xigeenka ahna wasiirka arrimaha dibadda ee Soomaaliya Marwo Fawziya Yuusuf Xaaji Aadan ayaa ka sheegtay golaha ammaanka ee qaramada midoobay in Soomaaliya ay ka haysato dhibaato dhinaca burcad badeeda iyo soo galinta hubka sharci darrada ah ee badaha Soomaaliya,balse aysan ogolaan doonin in ciidamada Kenya iyo kuwa Amisom ay ka hawlgalaan biyaha Soomaaliya.

Axmed C/samad, Hiiraan Online
asamad@hiiraan.com
Nairobi , Kenya





Post your comments

2013-02-17 1:32 PM EST
Axad, Feberaayo 17, 2013 (HOL) — Golaha deegaanka qaybta magaalada Gaalkacyo ee gobolka Mudug ay maausho Galmudug ayaa u maanta kulan ay yeesheen ugu doortay, Bile Bashiir Caynab inuu noqdo duqa magaalada, Gaalkacyo.

2013-02-17 12:44 PM EST
Axad, Feberaayo 17, 2013 (HOL) — Maamulka Tajamuca Islaamka ayaa bayaan ay kasoo saareen maanta xaruntooda Muqdisho waxay kaga tacsiyeynayaan falkii naxdinta lahaa ee lagu dilay Sheekh C/qaadir Nuur Faarax (Gacmey) oo ka mid ahaa culummada Soomaaliyeed.

2013-02-17 9:39 AM EST
Axad, Feberaayo 17, 2013 (HOL) — Munaasabad lagu xusayay sannad-guuradii 51-aad ee kasoo wareegtay aasaaska ciidamada badda Soomaaliya ayaa maanta alu qabtay Muqdisho, iyadoo mas’uuliyiin isugu jiray wasiiro iyo xubno kale oo dowladda ka tirsan ay ka qaybgaleen munaasabaddan.

2013-02-17 8:49 AM EST
Axad, Feberaayo 17, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa maanta gaaray magaalada Jigjiga ee xarunta dowladda deegaanka Soomaalida ee Itoobiya, iyadoo si heer sare ah loogu soo dhaweeyay magaaladaas.

2013-02-17 8:10 AM EST
Axad, Feberaayo 17, 2013 (HOL) — Taliska howgalka Midowga Afrika ee AMISOM ayaa si adag u cambaareeyay qarax shalay ka dhacay baar Liido, iyagoo ku tilmaamay inuu ahaa mid lala beegsaday dad shacab ah oo aan waxba galabsan.

2013-02-17 6:59 AM EST
Axad, Feberaayo 17, 2013 (HOL) — Xaalad abaareed oo baahsan ayaa laga soo sheegayaa degaanno badan oo ku yaalla gobolka Sool, gaar ahaan deegaannada howdka ee oomanaha ah.

2013-02-17 6:58 AM EST
Axad, Feberaayo 17, 2013 (HOL) — Jaamacada Al-ictisaam oo AHN Sheekh Cabdiqaadir Nuur Faarax uu ka tirsanaa, ayaa bayaan ay shalay soo saareen islamarkaana nuqul kamid ahi uusoo gaarey shabakadda HOL, waxay ku sheegeen in dilka Sheekha ay ka danbeysey xarakada Al-shabaab.

2013-02-17 6:30 AM EST
Axad, Feberaayo 17, 2013 (HOL) -Ciidamo ka tirsan kuwa maamulka KMG ee degmada Kismaayo ayaa toogasho ku dilay Alaha u naxariisteen Marxuum Axmed Jimcaale (Maleele) oo ka mid ahaa macalimiinta sida weyn looga yaqaan magaalada Kismaayo ee xarunta gobolka jubada hoose.

2013-02-17 2:07 AM EST
Axad, Feberaayo 17, 2013 (HOL) - Qarax Miino oo aad u xooggan aya lagu soo waramayaa in xalay fiidkii uu ka dhacay gudaha magaalada Garissa, iyadoona la sheegay in qaraxu uu ku dhintay ruux doonayay in uu aaso.