2014-08-29
Today from Hiiraan Online:  _
Wararka Maanta- Axad, Aug 25, 2013
Warar dheeraad ah oo kasoo baxaya shirka dowladda Somalia & Maamulka Jubbaland uga socda Magaalada Addis Ababa


Axad, August 25, 2013 (HOL) — Warar dheeraad ah ayaa kasoo baxaya shirka magaalada Addis Ababa ee dalka Itoobiya uga socda ergooyinka ka socda dowladda Soomaaliya iyo maamulka Jubbaland, iyadoo wararkii ugu dambeeyay ay sheegayaan in dhinacyadu ay ku heshiiyeen dhowr qodob, balse ay weli jiraan kuwo la isku mari la’yahay.

Qodobbada ay dhinacyadu isku raaceen ayaa waxaa ka mid ah in maamul cusub loo sameeyo gobollada Jubbooyinka iyo Gedo lagu magacaabi doono Jubba, uuna si guud u hoggaaminayo Sheekh Axmed Max’ed Islaam (Sheekh Axmed Madoobe).

Sidoo kale, waxaa lagu heshiiyay in saddex guddoomiye ku xigeen oo ka hoos-shaqeynaya Sheekh Axmed Madoobe la sameeyo, gobol walba oo ka mid ah gobolladana loo sameeyo saddex guddoomiye oo kala maamulaya.

Wararka ayaa waxay intaasku darayaan in lagu heshiiyay in dhaqaalaha ka soo baxa dekedda Kismaayo loo qaybiyo saddex qaybood oo qayb ka mid ah ay qaadanayso dowladda Soomaaliya, qayb kalena maamulka cusub ee loo sameynayo saddexdan gobol iyo qaybta saddexaad oo bulshada gobolladaas loogu adeegayo.

Ergooyinka ayaa waxay isku mari la’yihiin qodob xasaasi ah oo ah cidda sida guud u maamulaysa dhaqaalaha kasoo xarooda dekedda Kismaayo, kaasoo ah midka keenay inay ergooyinku ku kala kacaan shirka. Ergooyinka dhinaca dowladda Soomaaliya ka socda ayaa dalbaday in dowladda loo dhiibo, balse dhinaca Jubbaland ayaa iyaguna dalbaday in maamulka la sameynayo loo daayo inuu dhaqaalaha maamulo.

Inkastoo qodobkaas weli ka isku mari la’yahay ayaa waxaa haddana socda kulammo gooni-gooni ah oo labada dhinac la isku fahamsiinayo, kuwaasoo ay ku lug leeyihiin dowladda  Itoobiya iyo urur goboleedka IGAD.

Shirka oo lagu waday in maanta lasoo gaba-gabeeyo ayaa waxaa caqabad ku noqday qodobkan la isku hayo, iyadoo la sheegayo in lagu wado in lasoo gabgabeeyo shirka saacadaha soo socda.

Dowladaha Itoobiya iyo IGAD ayaa waxay isku dayayaan in Sheekh Axmed Madoobe ay ku qanciyaan in maamulka dhaqaalaha kasoo xarooda dekedda Kismaayo ay maamusho dowladda Somalia, maadaama shirar hore arrintaas lagu go’aamaiyay.

Ma jiro waqti go’an oo loo qabtay soo gaba-gabeynta shirkan; waxaase rajo weyn laga muujinayaa in dhinacyadu ay is-afgartaan shirka ayna saxiixaan qodobbada ay ku heshiiyaan.

Xubnaha shirkan ka dhex-muuqda ayaa waxaa ka mid ah la taliyaha dhinaca siyaasadda ee madaxweynaha Soomaaliya, C/raxmaan C/shakuur Warsame iyo Prof. Maxamed Cabdi Gaadi oo isaguna dhinaca maamulka Jubbaland ka socda.

Wixii warar ah ee shirkan kasoo kordha waxaad kula socon doontaan haddii Alle ogolaado wararkeenna soo socda.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-25 2:06 PM EST
Axad, August 25, 2013 (HOL) — Xisbiga DADKA oo ka mid ah xisbiyadii ka qaybgalay doorashadii madaxweynenimo ee Soomaaliya ee dhacday sannadkii hore ee 2012 ayaa warsaxaafadeed uu soo saaray maanta oo Axad ah ku dhaliilay wax-qabadka madaxda dowladda Soomaaliya.

2013-08-25 10:45 AM EST
Axad, August 25, 2013(HOL) :- Xildhibaan C/rashiid Max’ed xidig oo katirsan mudanayaasha baarlamanka federaalka Soomaaliya ayaa maanta Hotel Qiilmawaaye ee magaalada Kismaayo kulan kula qaatay odoyaasha beesha Jareer weeyne ee degta gobollada Jubooyinka.

2013-08-25 9:15 AM EST
Axad, August 25, 2013 (HOL) — Murrashaxa madaxweynanimada Xisbiga UCID, Jamaal Cali Xuseen, ayaa xukuumadda Somaliland ku canaantay wax ka qabasho la’aanta dooxyadda dul mara Wadadda u dhexeysa Berbera iyo Hargeysa, kaas oo galaaftay nolosha qaar ka mid ah dadweynaha Somaliland oo uu u dambeeyey Suldaan Bare Shire oo dhawr cisho ka hor uu qaatay dooxaasi.

2013-08-25 9:03 AM EST
Axad, August 25, 2013 (HOL) — Madaxweynaha Somaliland, Mudane Axmed Maxamed Maxamuud Siillaanyo, ayaa maanta si qoto dheer uga hadlay dhibaataddda uu leeyahay cudurka Halista badan ee HIV/IADS kaas oo dhibaatooyin badan ku haya caalamka.

2013-08-25 8:48 AM EST
Axad, August 25, 2013 (HOL) — Taliyihii guutada labaad ee ciidanka xoogga dalka Soomaaliyeed, G/sare Cali Guure Afdhuub ayaa lagu aasay maanta oo Axad ah gudaha isbitaalka Madiina ee magaalada Muqdisho, kaddib markii uu u dhintay dhaawac u geystay askari ka tirsan ciidamada xoogga dalka oo isbaato ay u taallay.

2013-08-25 8:37 AM EST
Sabti, August 24, 2013(HOL)—Shirkan oo ay ka qeybgaleen ergooyin badan oo ka kala ytimid dalalka Geeska Afrika ayaa la soo gebagebeeyay, iyadoo ay ka soo baxday natiijo muhiim ah oo

2013-08-25 7:56 AM EST
Axad, August 25, 2013 (HOL) — Hal qof ayaa ku dhaawacay diyaarad saaka ka qaaday wafdi ka tirsan saraakiisha milateriga dowladda Soomaaliya iyo xubno ka tirsan ururka Ahlusunna Waljamaaca oo si khaldan ugu dagtay garoonka diyaaradaha ee magaalada Guri-ceel ee gobolka Galguduud.

2013-08-25 6:56 AM EST
Axad, August 25, 2013 (HOL) — Ninkan oo kasoo baxsaday saldhigga booliska degmada Bacaad-weyn ee gobolka Mudug ayaa diley labo qof isagoo dhawacay qof kale.

2013-08-25 6:52 AM EST
Axad, August 25, 2013 (HOL) — Shir ballaaran oo ay isugu yimaadeen qaar ka mid ah bulshada Soomaaliyeed sida culummaa'uddiinka, odayaasha, dhallinyarada, haweenka, xildhibaannada baarlamaanka qaarkood iyo qurbo-joog kana dhacay hoteelka Jaziira ee Muqdisho ayaa waxaa lagu taageeray go'aankii 22-kii bishaan kasoo baxay golaha wasiirrada dowladda Somalia ee lagu dalbanayay in xayiraada laga qaado ganacsade Axmad Cali Jimcaale.

2013-08-25 6:20 AM EST
Axad, August 25, 2013 (HOL) — Sheekh Maxamed oo ah guddoomiyaha ugu sarreeyo maxkamadda degmada Baydhabo ee gobolka Bay ayaa laba habeen oo isku xigta waxaa guriga uu ka daggan yahay degmadaas lagu weeraray bam-gacmeed.

2013-08-25 6:12 AM EST
Axad, August 25, 2013 (HOL) — Maamulka gobolka Hiiraan ayaa ka bilaabay xaafaddaha ay ka kooban tahay magaalada Baladweyne howlgal isugu jiray nidaamka deriseynta iyo tirkoob lagu sameynayo tirada dadka ku dhaqan xaafaddaha magaalada.

2013-08-25 2:52 AM EST
Axad, August 25, 2013 (HOL) — Inkastoo wadahadallada dowladda Soomaaliya iyo maamulka Jubbaland uga socday magaalada Addis Ababa ee xarunta dalka Itoobiya ay ahaayeen kuwo aanay warar badan kasoo baxayn ayaa haddana waxaa la sheegay in shalay gellinkii dambe lagu kala dareeray.

2013-08-25 2:11 AM EST
Axad, August 25, 2013 (HOL) — Maxkamadda sare ee Masar ayaa maanta oo Axad ah dhegeysaneysa dacwad ka dhan ah saddex kamid ah hoggaamiyeyaasha sar-sare ee ururka Ikhwaanul Muslimiinka, kuwaas oo kala ah hoggaamiyaha guud ee ururka Muxammad Badiic iyo labo nin oo ku-xigeeno u ah, laguna kala magacaabo Kheyrat Shaadir iyo Rashaad Biyuumi.