2014-10-20
Today from Hiiraan Online:  _
Wararka Maanta- Axad, Aug 25, 2013
Bulshada oo taageertay Go'aankii Golaha wasiirada ee xayiraad ka qaadista Ganacsade Axmad Nuur Cali Jimcaale (SAWIRRO)



Axad, August 25, 2013 (HOL) — Shir ballaaran oo ay isugu yimaadeen qaar ka mid ah bulshada Soomaaliyeed sida culummaa'uddiinka, odayaasha, dhallinyarada, haweenka, xildhibaannada baarlamaanka qaarkood iyo qurbo-joog kana dhacay hoteelka Jaziira ee Muqdisho ayaa waxaa lagu taageeray go'aankii 22-kii bishaan kasoo baxay golaha wasiirrada dowladda Somalia ee lagu dalbanayay in xayiraada laga qaado ganacsade Axmad Cali Jimcaale.

Kulankan ayaa waxaa khudbado ka jeediyay mas'uuliyiin kala duwan oo ay ka mid ahaayeen xildhibaan, Maxamed Maxamuud Xeyd wuxuuna sheegay inuu si weyn u taageerayo go'aanka geesinimada leh ee golaha wasiirrada, isagoo xusay inay tahay waajib in dowladda ay difaacdo hantida, sharafka iyo karaamada muwaadiniinta Soomaaliyeed.

"Waxaan doonayaa anigoo ka faa'iideysanaya fursadan inaan baaq u jeedino beesha caalamka, gaar ahaana golaha ammaanka iyo Mareykanka, waxaana leeyahay Axmad Nuur Cali Jimcaale waa geesi u gun taday dadkiisa, markii dowladdii dhexe burburtay oo ahaa ruuxii qurbaha lacagaha uga soo qaadi jiray kuwii ku haray dalka ee awoodi waayay inay cararaan, waxaana leenahay argagixiso shuqul kuma lahan," ayuu yiri xildhibaan Xeyd oo intaa ku daray in xayiraadda lagu sii hayo ganacsade Axmad Nuur ay noqoneyso cadaawad loola dan leeyahay in lagu cuuryaamiyo hantida iyo horumarkiisa.

Waxaa iyaduna goobta ka hadashay Marwo Batuulo Sheekh Axmad Gaballe oo ah guddoomiyaha haweenka waxayna sheegtay inay cod dheer ku dal-banayaan in si deg-deg ah xayiraadda looga qaado ganacsade Axmad Nuur Jimcaale, iyadoo hoosta ka xarriiqday inay iyadu shaqsiyan u garaneyso isla markaana weligiis lagu tuhmin falal argagixiso.

"Waxaan leeyahay Axmad Nuur waa ganacsade xalaal miirad ah oo shacabka kaalin weyn u galay una abuuray shaqo kumanaan ka mid ah, ma ahan in loogu abaal-gudo xayiraad iyo argagixiso ayaa looga shakiyay shacabku waa diiday arrintaas, mana ogolin, waana in xayiraadda dhaqso looga qaado," ayay tiri Marwo Batuulo oo intaasi raacisay in cidda la dagaalanta ay tahay cid la dagaalantay horumarka dadka iyo dalka Soomaaliyeed.

Guddoomiyaha hay’adda culummada Soomaaliyeed, Sheekh Bashiir Axmad Salaad oo goobta ka hadlay ayaa xusay in dadka maanta shirkan isugu yimid ay badankooda yihiin dadkii ay dhibaatada u geysteen kooxaha argagixisada iyo qaswadayaasha ah, sidaasi darteedna aan marnaba looga shaki karin ganacsade Axmad Nuur inuu ku lug leeyahay arrimo fowdo iyo dhiig daadin.

"Annagu waxaan ka mid nahay kuwa ay dhibaatada u geysteen argagixisada ayna maalin kasta shirqoolka u dhigeyso, sidaasi darteed waxaan halkan ku muujinaynaa taageeradeena ku aaddan Axmed Nuur, beesha caalamkana waxaan leenahay ha la siiyo xorriyaddiisa," ayuu yiri sheekhu yiri.

Sidoo kale, guddoomiyaha Rugta Ganacsiga Soomaaliyeed, Maxamuud Cabdkariin Gabeyre oo isna goobta ka hadlay ayaa xusay inay nasiib-darro ay tahay in ruux Axmad Nuur Jimcaale oo kale ah in la xayiro, maadaama uu yahay shaqsi waqtigiisa iyo maskaxdiisa u huray horumarinta bulshada Soomaaliyeed, shaqana u abuuray kumannaan iyo kumannaan shacabka Soomaaliyeed ah.

Ugu dambeyn, nabaddoon Maxamed Xasan Xaad oo goobta ka hadlay ayaa isna sheegay in caalamka ay ceeb ku tahay shaqsi ay dowaladiisii iyo dadkiisii taageerayaan oo ay codsanayaan in xayiraadda laga qaado in lagu sii hayo, maadaama uu yahay shaqsi bulshada u adeega oo taakuleeya agoonta iyo dadka danyarta ah, dalkana ka hirgeliyay iskoollo, iyo goobo caafimaad.








Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-25 2:06 PM EST
Axad, August 25, 2013 (HOL) — Xisbiga DADKA oo ka mid ah xisbiyadii ka qaybgalay doorashadii madaxweynenimo ee Soomaaliya ee dhacday sannadkii hore ee 2012 ayaa warsaxaafadeed uu soo saaray maanta oo Axad ah ku dhaliilay wax-qabadka madaxda dowladda Soomaaliya.

2013-08-25 12:38 PM EST
Axad, August 25, 2013 (HOL) — Warar dheeraad ah ayaa kasoo baxaya shirka magaalada Addis Ababa ee dalka Itoobiya uga socda ergooyinka ka socda dowladda Soomaaliya iyo maamulka Jubbaland, iyadoo wararkii ugu dambeeyay ay sheegayaan in dhinacyadu ay ku heshiiyeen dhowr qodob, balse ay weli jiraan kuwo la isku mari la’yahay.

2013-08-25 10:45 AM EST
Axad, August 25, 2013(HOL) :- Xildhibaan C/rashiid Max’ed xidig oo katirsan mudanayaasha baarlamanka federaalka Soomaaliya ayaa maanta Hotel Qiilmawaaye ee magaalada Kismaayo kulan kula qaatay odoyaasha beesha Jareer weeyne ee degta gobollada Jubooyinka.

2013-08-25 9:15 AM EST
Axad, August 25, 2013 (HOL) — Murrashaxa madaxweynanimada Xisbiga UCID, Jamaal Cali Xuseen, ayaa xukuumadda Somaliland ku canaantay wax ka qabasho la’aanta dooxyadda dul mara Wadadda u dhexeysa Berbera iyo Hargeysa, kaas oo galaaftay nolosha qaar ka mid ah dadweynaha Somaliland oo uu u dambeeyey Suldaan Bare Shire oo dhawr cisho ka hor uu qaatay dooxaasi.

2013-08-25 9:03 AM EST
Axad, August 25, 2013 (HOL) — Madaxweynaha Somaliland, Mudane Axmed Maxamed Maxamuud Siillaanyo, ayaa maanta si qoto dheer uga hadlay dhibaataddda uu leeyahay cudurka Halista badan ee HIV/IADS kaas oo dhibaatooyin badan ku haya caalamka.

2013-08-25 8:48 AM EST
Axad, August 25, 2013 (HOL) — Taliyihii guutada labaad ee ciidanka xoogga dalka Soomaaliyeed, G/sare Cali Guure Afdhuub ayaa lagu aasay maanta oo Axad ah gudaha isbitaalka Madiina ee magaalada Muqdisho, kaddib markii uu u dhintay dhaawac u geystay askari ka tirsan ciidamada xoogga dalka oo isbaato ay u taallay.

2013-08-25 8:37 AM EST
Sabti, August 24, 2013(HOL)—Shirkan oo ay ka qeybgaleen ergooyin badan oo ka kala ytimid dalalka Geeska Afrika ayaa la soo gebagebeeyay, iyadoo ay ka soo baxday natiijo muhiim ah oo

2013-08-25 7:56 AM EST
Axad, August 25, 2013 (HOL) — Hal qof ayaa ku dhaawacay diyaarad saaka ka qaaday wafdi ka tirsan saraakiisha milateriga dowladda Soomaaliya iyo xubno ka tirsan ururka Ahlusunna Waljamaaca oo si khaldan ugu dagtay garoonka diyaaradaha ee magaalada Guri-ceel ee gobolka Galguduud.

2013-08-25 6:56 AM EST
Axad, August 25, 2013 (HOL) — Ninkan oo kasoo baxsaday saldhigga booliska degmada Bacaad-weyn ee gobolka Mudug ayaa diley labo qof isagoo dhawacay qof kale.

2013-08-25 6:20 AM EST
Axad, August 25, 2013 (HOL) — Sheekh Maxamed oo ah guddoomiyaha ugu sarreeyo maxkamadda degmada Baydhabo ee gobolka Bay ayaa laba habeen oo isku xigta waxaa guriga uu ka daggan yahay degmadaas lagu weeraray bam-gacmeed.

2013-08-25 6:12 AM EST
Axad, August 25, 2013 (HOL) — Maamulka gobolka Hiiraan ayaa ka bilaabay xaafaddaha ay ka kooban tahay magaalada Baladweyne howlgal isugu jiray nidaamka deriseynta iyo tirkoob lagu sameynayo tirada dadka ku dhaqan xaafaddaha magaalada.

2013-08-25 2:52 AM EST
Axad, August 25, 2013 (HOL) — Inkastoo wadahadallada dowladda Soomaaliya iyo maamulka Jubbaland uga socday magaalada Addis Ababa ee xarunta dalka Itoobiya ay ahaayeen kuwo aanay warar badan kasoo baxayn ayaa haddana waxaa la sheegay in shalay gellinkii dambe lagu kala dareeray.

2013-08-25 2:11 AM EST
Axad, August 25, 2013 (HOL) — Maxkamadda sare ee Masar ayaa maanta oo Axad ah dhegeysaneysa dacwad ka dhan ah saddex kamid ah hoggaamiyeyaasha sar-sare ee ururka Ikhwaanul Muslimiinka, kuwaas oo kala ah hoggaamiyaha guud ee ururka Muxammad Badiic iyo labo nin oo ku-xigeeno u ah, laguna kala magacaabo Kheyrat Shaadir iyo Rashaad Biyuumi.