2014-11-22
Today from Hiiraan Online:  _
Wararka Maanta- Sabti, Aug 24, 2013
Maxkamadda Gobolka Banaadir oo Maanta Xukunno ku Ridday Eedeysayaal kala duwan oo ku eedeysnaa dil iyo dambiyo kale



Sabti, August 24, 2013 (HOL) — Maxkamadda gobolka Banaadir ayaa in ka badan toban qof oo eedeysanayaal ahaa ku ridday maanta xukunno isugu jira xabsi, ganaax lacageed iyo dil toogasho ah, iyadoo la sii daayay mid ka mid ah eedeysanayaasha oo lagu waayay dambigii lagu soo oogay.

Xukunka kaddib ayaa waxaa saxaafadda u faahfaahiyay xukunnadu sida ay u dhaceen guddoomiyaha maxkamadda gobolka Banaadir, Dr. Xaashi Cilmi Nuur oo sheegay in qof ay ku waayeen dambi ku saabsanaa lunsi lacageed ay sii daysay maxkamadda.

“Maxkamaddu waxay xukun dil ah ku ridday, C/qaadir Cumar Maxamuud oo 28-jir ah, kaddib markii uu qirtay inuu dilay marxuum lagu magcaabi jiray, Cali Maxamed Xasan,” ayuu yiri Xaashi Cilmi, oo xusay in sidoo kale xabsi 30-sano ah iyo ganaax lacageed oo 30-milyan ay maxkamaddu ku ridday Maxamed Xasan Daahir oo 30-sano jir ah, kaddib markii lagu helay inuu u fududeeyay eedeysanaha dilka geystay inuu dilkaas geysto.

Sidoo kale, guddoomiyaha maxkamadda ciidamada ayaa sheegay in dhowr eedeysane oo kale lagu xukumay xabsiyo u dhexeeya laba sano illaa toban sano, kuwaasoo uu ku jiray nin lagu helay inuu geystay fal kufsi ah.

“C/llaahi Xuseen Ibraahim oo 23-jir ah laguna helay inuu geystay fal kufsi ah, waxayna maxkamaddu ku xukuntay 10-sano oo xarig ah iyo 10-milyan oo shillin Soomaali ah,” ayuu guddoomiyuhu mar kale yiri.

Eedeysanayaasha kal ee la xukumay ayaa waxaa ka mid ah: C/risaaq Nuur Fiidow oo 20-jir ah oo lagu helay inuu isku dayay inuu si bareer ah u kufsado xaaska adeerkiis oo uu la noolaa, waxayna maxkmaaddu ku xukuntay saddex sano oo xabsi ah iyo ganax lacageed oo dhan saddex milyan oo shillin Soomaali ah.

Maxamed Abuukar Cali oo 30-jir ah oo isna lagu helay inuu bastoolado aan sax ahayn dhac ku geystay ayay maxkamaddu ku xukuntay shan ano oo xarig ah iyo shan milyan oo ganaax lacageed ah, kaasoo laga doonayo inuu iska bixiyo.

Eedeysanayaasha ay maxkamaddu ku ridday xukunnada kala duwan oo gabi ahaan ahaa rag ayaa waxay da’doodu u dhexeysay 30-jir illaa 20-jir, kuwaas oo muddo ku xirnaa xabsiga dhexe ee magaalada Muqdisho.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-24 8:19 AM EST
Sabti, August 24, 2013 (HOL) — Nin Baastoolad ku hubaysan, ayaa xalay xaafadda Siinaay ee Koonfurta magaaladda Hargeysa ku toogtay nin magaciisa la yidhaaa Maxamed Sheekh Axmed Cabdilaahi kaas oo maydkiisa la geeyey cisbitaalka guud ee magaaladda Hargeysa.

2013-08-24 8:13 AM EST
Sabti, August 24, 2013 (HOL) — Afhayeenka AMISOM, Col. Cali Aadan Xumad ayaa ka hadlay maanta kufsi loo geystay haweeney Soomaaliyeed oo la sheegay inay Muqdisho ku kufsaday askari ka tirsan ciidamada AMISOM oo ku sugan saldhig ay ku leeyihiin Maslax oo ku taalla waqooyi Muqdisho.

2013-08-24 8:11 AM EST
Sabti, August 24, 2013 (HOL) — Waxaa xarumaha jaamacadda Muqdisho ee xarunta Soomaaliya ka furmay taariikhdu markay ahayd 22-kii bishan, 2013 imtixaanka ogolaanshaha ama (qabuulka) ee laga qaadayo ardayda kusoo biiraysa sanad wax-barashadeedka 2013/2014 ee jaamacadda Muqdisho.

2013-08-24 7:58 AM EST
Sabti, August 24, 2013 (HOL) — Waxaa shalay oo Jimco ahayd gudaha magaalada Kismaayo lagu aasay meydka AUN Sheekh Cali Axmed Ashkir oo 18-kii bishan ku geeriyooday magaalada Ohio ee gobolka Columbus ee dalka Mareykanka.

2013-08-24 7:44 AM EST
Sabti, August 24, 2013 (HOL) — Ciidamada ammaanka ee magaalada Garoowe ayaa xalay fashiliyey miino nooca meelaha fog laga hago ah oo la dhigey meel u dhow guriga wasiir ku-xigeenka wasaaradda amniga Puntland C/jamaal Cismaan Maxamed.

2013-08-24 7:41 AM EST
Waxaa magaala Kismaayo laga hirgeliyay shirkad cusub oo lagu magacaabo Kismayo Water Supply Taasoo biyo nadiif ah gelin doonta guud ahaan xaafadaha kala duwan ee magaalada.

2013-08-24 4:55 AM EST
Sabti, August 24, 2013(HOL)—Waxaagoordhawayd soo gaaraymagaalada Boorama ee XaruntaGobolka Awdal Wafti balaadhan oo ka socda Golaha guurtida Somaliland kaasoo ka kooban 15 Xubnood oo saaka arootii hore ka soo kicitimay magaalada Hargeysa waxayna degeen Hotel Haldoor eeMagaalada Boorama.

2013-08-24 2:45 AM EST
Sabti, August 24, 2013 (HOL) — Kooxo bastoolado ku hubeysan ayaa ku dilay degmada Dharkeynley ee gobolka Banaadir guddoomiyihii Olombikada ee degmada Dharkeynley, Amiin Cali Muumin.

2013-08-24 2:18 AM EST
Sabti, August 24, 2013 (HOL) — Raga Soomaaliyeed ee qurba ka yimid ayaa lacag badan ku kharash garaynaya meherka iyo kharashaadka kale ee arooska iyaga oo ka faaiidaysanaya xaaladda amaanka ee Muqidsho si ay u guursadaan.