2014-09-19
Today from Hiiraan Online:  _
Wararka Maanta- Sabti, Aug 24, 2013
Taliye ku xigeenka ciidanka Booliska Somaliland oo ka hadlay nin xalay lagu dilay Magaalada Hargeysa xarunta Somaliland


Sabti, August 24, 2013 (HOL) — Nin Baastoolad ku hubaysan, ayaa xalay xaafadda Siinaay ee Koonfurta magaaladda Hargeysa ku toogtay nin magaciisa la yidhaaa Maxamed Sheekh Axmed Cabdilaahi kaas oo maydkiisa la geeyey cisbitaalka guud ee magaaladda Hargeysa.

Taliye ku xigeenka Booliska Gen:Cabdiraxmaan Liibaan Axmed (Fooxle), ayaa sheegay ninkaasi la dilay muddo laba bilood ah uu joogay magaaladda, isla markaana ciidamada dambi baadhistu ku mashquulsan yihiin sababta dilkan keentay, iyadoo laba qof oo lagu eedeynayo dilka ninkaasi la waydiinayo su’aallo.

“Ninkan oo dhowaan ka yimid koonfurta Soomaaliya waxa lagu dilay goob aan wax badan ka fogayn gooladda Garoonka Hargeysa Stadium, Ciidanka Boolisku waxay ku hawlan yihiin baadhista dilkiisa oo aanu ku mashquulsan nahay,”ayuu yidhi Taliye Ku xigeenka Boolisku oo warbaahinta u waramayey.

Taliye ku xigeenku waxa uu intaasi ku daray inay ay jiraan dad xalay loo xidhay dilka ninkaasi oo Boolisku su’aallo weydiinayaan.

Dilkan ayaa dadweynaha xaafadaasi ku keentay cabsi, maadaama oo dilka noocan oo kale ahi ku cusub yahay magaaladda, isla markaana inta badan lagu guulaysan jiray qofkii qof dillla in sharciga la hor keenno, haseyeeshee illaa ciidanka dambi baadhistu waxay ku jiraan baadhitaan.

Barkhad-ladiif M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-08-24 10:09 AM EST
Sabti, August 24, 2013 (HOL) — Maxkamadda gobolka Banaadir ayaa in ka badan toban qof oo eedeysanayaal ahaa ku ridday maanta xukunno isugu jira xabsi, ganaax lacageed iyo dil toogasho ah, iyadoo la sii daayay mid ka mid ah eedeysanayaasha oo lagu waayay dambigii lagu soo oogay.

2013-08-24 8:13 AM EST
Sabti, August 24, 2013 (HOL) — Afhayeenka AMISOM, Col. Cali Aadan Xumad ayaa ka hadlay maanta kufsi loo geystay haweeney Soomaaliyeed oo la sheegay inay Muqdisho ku kufsaday askari ka tirsan ciidamada AMISOM oo ku sugan saldhig ay ku leeyihiin Maslax oo ku taalla waqooyi Muqdisho.

2013-08-24 8:11 AM EST
Sabti, August 24, 2013 (HOL) — Waxaa xarumaha jaamacadda Muqdisho ee xarunta Soomaaliya ka furmay taariikhdu markay ahayd 22-kii bishan, 2013 imtixaanka ogolaanshaha ama (qabuulka) ee laga qaadayo ardayda kusoo biiraysa sanad wax-barashadeedka 2013/2014 ee jaamacadda Muqdisho.

2013-08-24 7:58 AM EST
Sabti, August 24, 2013 (HOL) — Waxaa shalay oo Jimco ahayd gudaha magaalada Kismaayo lagu aasay meydka AUN Sheekh Cali Axmed Ashkir oo 18-kii bishan ku geeriyooday magaalada Ohio ee gobolka Columbus ee dalka Mareykanka.

2013-08-24 7:44 AM EST
Sabti, August 24, 2013 (HOL) — Ciidamada ammaanka ee magaalada Garoowe ayaa xalay fashiliyey miino nooca meelaha fog laga hago ah oo la dhigey meel u dhow guriga wasiir ku-xigeenka wasaaradda amniga Puntland C/jamaal Cismaan Maxamed.

2013-08-24 7:41 AM EST
Waxaa magaala Kismaayo laga hirgeliyay shirkad cusub oo lagu magacaabo Kismayo Water Supply Taasoo biyo nadiif ah gelin doonta guud ahaan xaafadaha kala duwan ee magaalada.

2013-08-24 4:55 AM EST
Sabti, August 24, 2013(HOL)—Waxaagoordhawayd soo gaaraymagaalada Boorama ee XaruntaGobolka Awdal Wafti balaadhan oo ka socda Golaha guurtida Somaliland kaasoo ka kooban 15 Xubnood oo saaka arootii hore ka soo kicitimay magaalada Hargeysa waxayna degeen Hotel Haldoor eeMagaalada Boorama.

2013-08-24 2:45 AM EST
Sabti, August 24, 2013 (HOL) — Kooxo bastoolado ku hubeysan ayaa ku dilay degmada Dharkeynley ee gobolka Banaadir guddoomiyihii Olombikada ee degmada Dharkeynley, Amiin Cali Muumin.

2013-08-24 2:18 AM EST
Sabti, August 24, 2013 (HOL) — Raga Soomaaliyeed ee qurba ka yimid ayaa lacag badan ku kharash garaynaya meherka iyo kharashaadka kale ee arooska iyaga oo ka faaiidaysanaya xaaladda amaanka ee Muqidsho si ay u guursadaan.