12/18/2014
Today from Hiiraan Online:  _
Wararka Maanta- Sabti, Aug 24, 2013
Tiradii ugu Badnayd oo u Fariisatay Imtixaankii Ogolaanshaha (QUBUULKA) Jaamacadda Muqdisho ee 2013/2014 (SAWIRRO)



Sabti, August 24, 2013 (HOL) — Waxaa xarumaha jaamacadda Muqdisho ee xarunta Soomaaliya ka furmay taariikhdu markay ahayd 22-kii bishan, 2013 imtixaanka ogolaanshaha ama (qabuulka) ee laga qaadayo ardayda kusoo biiraysa sanad wax-barashadeedka 2013/2014 ee jaamacadda Muqdisho.

Guddoomiyaha jaamacada Muqdisho, Dr. Cali Sh. Axmed Abuubakar ayaa wuxuu soo dhaweeyay kuna hambalyeeyay waaliddiinta iyo dugsiyaddii ay kasoo baxeen ardaydan maanta u fariisatay ogalaanshah jaamacadda.

Dr. Cali Sheekh Axmed Abubakar ayaa mid u booqday dhamaan fasallada ardayda imtixaanaadka ay ku galayeen, iyadoona guddoomiyuhu uu ardayda u sheegay in jaamacadda muqdisho ay mar walba u taagan tahay kobcinta aqoonta shacabka Soomaaliyeed.

Sidoo kale, Dr. Cali Sheekh oo xafiiskiisa kula hadlay warbaahinta ayaa ka warbixiyay qaabka sannadkan jaamacadda Muqdisho ay ardayda cusub ku qaadaneyso; isagoo ka warbixiyay kulliyadaha jaamacaddaha ay sanadkan kusoo kordhisay iyo dib u habeyn lagu sameeyay kulliyadihii hore ay u bixin jirtay jaamacada.

“Waxaa imtixaanka ogolaashaha u fariisatay qeybtii koowaad ee arayda waxaana jiri doono mid labaad oo toddobaadyo kaddib loo qaban doono ardayda ka imaanaysa meelaha fog-fog ama kuwo ay duruurfo qabsadeen,” ayuu yiri guddoomiyaha jaamacada.

Guddoomiyaha ayaa sheegay in jaamacadda Muqdisho ay ka kooban tahay 10-kulliyadood oo sagaal ka mid ah ay yihiin kuwa soo saarta shahaadada Bachelor-ka iyo kulliyadda kale oo soo saarta shahaadooyinka Master-ka iyo PHD-da, isagoo intaasi raaciyay in sannadkan ay ku soo biireen jaamacadda kulliyadaha caafimaadka iyo injineeriyadda. Guddoomiyaha ayaa si gaar ah u xusay labadan kulliyadood ee cusub ee kala ah kuliyadda caafimaadka iyo kulliyadda injineeriyadda inay yihiin baahiyaha weyn ee hadda bulshada Soomaaliyeed u baahan tahay.

Wuxuu intaa kusii daray guddoomiyuhu “Tacliintu waxay u baahan tahay caafimaad dalna dadkiisa ayaa dhisa, taasina waxay ka mid tahay ujeeddooyinka aan ugu soo kordhinay labadan kulliyadood oo ka mid noqonaya kuwii horay u jiray.”

Dardaaran uu diray dhammaan bahda waxbarashada ayuu gudoomiyuhu yiri sidan: “Dadka aan waxbarayno ee aan soo saarayno, waa inaan ka run sheegnaa Manhajka, mid fiicanna u dajinaa, si aan u soo saarno dad tayo leh, dalkoodana wax-u-qabta caalamka kalena la tartami kara.”

Jaamacaddu waxay xubin buuxda ka tahay isla markaana ay ku jirtaa guddiyada fulinta qaar ka mid ah ururada kala ah: Midowga jaamacadaha waddamada Islaamka. Midowga jaamacadaha Carabta. Raabidada  wax-barashada sare ee dalalka Carabta. Raabidada jaamacadaha islaamka. Midowga jaamacadaha waddamada Afrika Iyo Ururro kale oo caalami ah. 







Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

8/24/2013 10:09 AM EST
Sabti, August 24, 2013 (HOL) — Maxkamadda gobolka Banaadir ayaa in ka badan toban qof oo eedeysanayaal ahaa ku ridday maanta xukunno isugu jira xabsi, ganaax lacageed iyo dil toogasho ah, iyadoo la sii daayay mid ka mid ah eedeysanayaasha oo lagu waayay dambigii lagu soo oogay.

8/24/2013 8:19 AM EST
Sabti, August 24, 2013 (HOL) — Nin Baastoolad ku hubaysan, ayaa xalay xaafadda Siinaay ee Koonfurta magaaladda Hargeysa ku toogtay nin magaciisa la yidhaaa Maxamed Sheekh Axmed Cabdilaahi kaas oo maydkiisa la geeyey cisbitaalka guud ee magaaladda Hargeysa.

8/24/2013 8:13 AM EST
Sabti, August 24, 2013 (HOL) — Afhayeenka AMISOM, Col. Cali Aadan Xumad ayaa ka hadlay maanta kufsi loo geystay haweeney Soomaaliyeed oo la sheegay inay Muqdisho ku kufsaday askari ka tirsan ciidamada AMISOM oo ku sugan saldhig ay ku leeyihiin Maslax oo ku taalla waqooyi Muqdisho.

8/24/2013 7:58 AM EST
Sabti, August 24, 2013 (HOL) — Waxaa shalay oo Jimco ahayd gudaha magaalada Kismaayo lagu aasay meydka AUN Sheekh Cali Axmed Ashkir oo 18-kii bishan ku geeriyooday magaalada Ohio ee gobolka Columbus ee dalka Mareykanka.

8/24/2013 7:44 AM EST
Sabti, August 24, 2013 (HOL) — Ciidamada ammaanka ee magaalada Garoowe ayaa xalay fashiliyey miino nooca meelaha fog laga hago ah oo la dhigey meel u dhow guriga wasiir ku-xigeenka wasaaradda amniga Puntland C/jamaal Cismaan Maxamed.

8/24/2013 7:41 AM EST
Waxaa magaala Kismaayo laga hirgeliyay shirkad cusub oo lagu magacaabo Kismayo Water Supply Taasoo biyo nadiif ah gelin doonta guud ahaan xaafadaha kala duwan ee magaalada.

8/24/2013 4:55 AM EST
Sabti, August 24, 2013(HOL)—Waxaagoordhawayd soo gaaraymagaalada Boorama ee XaruntaGobolka Awdal Wafti balaadhan oo ka socda Golaha guurtida Somaliland kaasoo ka kooban 15 Xubnood oo saaka arootii hore ka soo kicitimay magaalada Hargeysa waxayna degeen Hotel Haldoor eeMagaalada Boorama.

8/24/2013 2:45 AM EST
Sabti, August 24, 2013 (HOL) — Kooxo bastoolado ku hubeysan ayaa ku dilay degmada Dharkeynley ee gobolka Banaadir guddoomiyihii Olombikada ee degmada Dharkeynley, Amiin Cali Muumin.

8/24/2013 2:18 AM EST
Sabti, August 24, 2013 (HOL) — Raga Soomaaliyeed ee qurba ka yimid ayaa lacag badan ku kharash garaynaya meherka iyo kharashaadka kale ee arooska iyaga oo ka faaiidaysanaya xaaladda amaanka ee Muqidsho si ay u guursadaan.