2014-11-01
Today from Hiiraan Online:  _
Wararka Maanta- Sabti, Aug 24, 2013
Marxuum Sh. Cali Axmed Ashkir oo ku Geeriyooday dalka Mareykanka ayaa Meydkiisa lagu aasay Magaalada Kismaayo


Sabti, August 24, 2013 (HOL) — Waxaa shalay oo Jimco ahayd gudaha magaalada Kismaayo lagu aasay meydka AUN Sheekh Cali Axmed Ashkir oo 18-kii bishan ku geeriyooday magaalada Ohio ee gobolka Columbus ee dalka Mareykanka.

Meydka Sheekha oo ay keentay diyaarad gaar ah ayaa laga soo dejiyay garoonka diyaaradaha magaalada Kismaayo, waxaana halkaasi kusoo dhaweeyay boqollaal qof oo dadka reer Kismaayo ah oo ay kamid ahaayeen ehellada Sheekha.

AUN Meydka Sheekha ayaa intaasi kadib waxa loo soo qaaday dhanka magaalada iyadoo ay wehlinayeen gaadiid aad u tiro badan, waxaana saladda Janaazada lagula tukaday Masjidka Weyn ee Xamza ee magaalada Kismaayo.

Sheekh Axmed Dhicis oo kamid ah culumada waaweyn ee magaalada Kismaayo ayaa goobta uu ka dhacayay aaaska waxa uu kasoo jeediyay wacdi, isagoona Alle uga baryay Sheekha in uu u naxariistiisa.

Sheekh Axmed Siiro oo ah wiil uu dhalay Sheekha ayaa isna goobta ka hadlay, wuxuuna u duceeyay Sheekha isagoona sheegay in AUN Sheekh Cali Axmed intuusan dhiman ka hor uu ka dardaarmay in lagu aaso magaalada Kismaayo.

Gagabagabadii waxaa taariikhda Sheekha oo kooban halkaasi ka aqriyay Xasan Sheekh Cali Axmed Ashkir oo ah wiil uu dhalay sheekha.

Allaha u naxariistee Sheekh Cali Axmed Ashkir ayaa ifka uga tagay 115 qof oo isugu jira dad uu dhalay iyo wax ay sii dhaleen, waxaana Sheekhani

115 qof oo isugu jirta caruurtiisa iyo wixii ay sii dhaleen , waxa uuna ahaa nin ay siweyn uga naxeen geeridiisa dhamaan dadkii aqoonta u lahaa.

Xasan Nuur, Hiiraan Online
hnur@hiiraan.com
Kismaayo, Soomaaliya





Post your comments

2013-08-24 10:09 AM EST
Sabti, August 24, 2013 (HOL) — Maxkamadda gobolka Banaadir ayaa in ka badan toban qof oo eedeysanayaal ahaa ku ridday maanta xukunno isugu jira xabsi, ganaax lacageed iyo dil toogasho ah, iyadoo la sii daayay mid ka mid ah eedeysanayaasha oo lagu waayay dambigii lagu soo oogay.

2013-08-24 8:19 AM EST
Sabti, August 24, 2013 (HOL) — Nin Baastoolad ku hubaysan, ayaa xalay xaafadda Siinaay ee Koonfurta magaaladda Hargeysa ku toogtay nin magaciisa la yidhaaa Maxamed Sheekh Axmed Cabdilaahi kaas oo maydkiisa la geeyey cisbitaalka guud ee magaaladda Hargeysa.

2013-08-24 8:13 AM EST
Sabti, August 24, 2013 (HOL) — Afhayeenka AMISOM, Col. Cali Aadan Xumad ayaa ka hadlay maanta kufsi loo geystay haweeney Soomaaliyeed oo la sheegay inay Muqdisho ku kufsaday askari ka tirsan ciidamada AMISOM oo ku sugan saldhig ay ku leeyihiin Maslax oo ku taalla waqooyi Muqdisho.

2013-08-24 8:11 AM EST
Sabti, August 24, 2013 (HOL) — Waxaa xarumaha jaamacadda Muqdisho ee xarunta Soomaaliya ka furmay taariikhdu markay ahayd 22-kii bishan, 2013 imtixaanka ogolaanshaha ama (qabuulka) ee laga qaadayo ardayda kusoo biiraysa sanad wax-barashadeedka 2013/2014 ee jaamacadda Muqdisho.

2013-08-24 7:44 AM EST
Sabti, August 24, 2013 (HOL) — Ciidamada ammaanka ee magaalada Garoowe ayaa xalay fashiliyey miino nooca meelaha fog laga hago ah oo la dhigey meel u dhow guriga wasiir ku-xigeenka wasaaradda amniga Puntland C/jamaal Cismaan Maxamed.

2013-08-24 7:41 AM EST
Waxaa magaala Kismaayo laga hirgeliyay shirkad cusub oo lagu magacaabo Kismayo Water Supply Taasoo biyo nadiif ah gelin doonta guud ahaan xaafadaha kala duwan ee magaalada.

2013-08-24 4:55 AM EST
Sabti, August 24, 2013(HOL)—Waxaagoordhawayd soo gaaraymagaalada Boorama ee XaruntaGobolka Awdal Wafti balaadhan oo ka socda Golaha guurtida Somaliland kaasoo ka kooban 15 Xubnood oo saaka arootii hore ka soo kicitimay magaalada Hargeysa waxayna degeen Hotel Haldoor eeMagaalada Boorama.

2013-08-24 2:45 AM EST
Sabti, August 24, 2013 (HOL) — Kooxo bastoolado ku hubeysan ayaa ku dilay degmada Dharkeynley ee gobolka Banaadir guddoomiyihii Olombikada ee degmada Dharkeynley, Amiin Cali Muumin.

2013-08-24 2:18 AM EST
Sabti, August 24, 2013 (HOL) — Raga Soomaaliyeed ee qurba ka yimid ayaa lacag badan ku kharash garaynaya meherka iyo kharashaadka kale ee arooska iyaga oo ka faaiidaysanaya xaaladda amaanka ee Muqidsho si ay u guursadaan.