2014-10-25
Today from Hiiraan Online:  _
Wararka Maanta- Sabti, Aug 24, 2013
Booliska Puntland ee Garoowe oo fashiliyey qarax miino



Sabti, August 24, 2013 (HOL) —
Ciidamada ammaanka ee magaalada Garoowe ayaa xalay fashiliyey miino nooca meelaha fog laga hago ah oo la dhigey meel u dhow guriga wasiir ku-xigeenka wasaaradda amniga Puntland C/jamaal Cismaan Maxamed.

Taliyaha booliska gobolka Nugaal gaashaanle sare C/raxmaan Xaaji Abshir "Qaan-qaan" oo maanta saxaafadda la hadlay, ayaa ka war-bixiyey miinadan iyo weliba sida ay ciidamada ugu suurta gashay in ay fashiliyaan.

Taliye Qaan-qaan ayaa sheegay in dadweynaha ku dhaqan aagga miinada la dhigay ay lasoo xiriireen ciidamada, kaddibna ay halkaas ciidamadu gaareen, laguna guuleystey in la qarxiyo iyadoo aan wax khasaare ah geysan.

Dhanka kale wuxuu ugu baaqay dadweynaha Garoowe - oo uu ku ammaanay in ay ciidamada si fiican ula shaqeeyaan - in ay sii dardar geliyaan kaalinta ay ka qaataan xoojinta ammaanka iyo sidii looga hortegi lahaa wax walba oo ammaanka wax u dhimi kara.

Taliyaha booliska gobolka Nugaal ayaa ugu dambeyntii sheegay in ciidamadu ay wadaan baaritaan xooggan oo lagu raad-goobayo dad la tuhunsan yahay in ay falkan ka dambeeyeen, wixii macluumad ah oo baaritaankan kasoo baxana ay dib war-baahinta uga soo bandhigi doonaan.

Xaafadda bamkan la dhigay ee 1-da August, waxaa ku yaal inta badan xarumaha dowladda Puntland iyo sidoo kale xarumaha hay'adaha caalamaiga ee Qaramada Midoobey.


Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya




Post your comments

2013-08-24 10:09 AM EST
Sabti, August 24, 2013 (HOL) — Maxkamadda gobolka Banaadir ayaa in ka badan toban qof oo eedeysanayaal ahaa ku ridday maanta xukunno isugu jira xabsi, ganaax lacageed iyo dil toogasho ah, iyadoo la sii daayay mid ka mid ah eedeysanayaasha oo lagu waayay dambigii lagu soo oogay.

2013-08-24 8:19 AM EST
Sabti, August 24, 2013 (HOL) — Nin Baastoolad ku hubaysan, ayaa xalay xaafadda Siinaay ee Koonfurta magaaladda Hargeysa ku toogtay nin magaciisa la yidhaaa Maxamed Sheekh Axmed Cabdilaahi kaas oo maydkiisa la geeyey cisbitaalka guud ee magaaladda Hargeysa.

2013-08-24 8:13 AM EST
Sabti, August 24, 2013 (HOL) — Afhayeenka AMISOM, Col. Cali Aadan Xumad ayaa ka hadlay maanta kufsi loo geystay haweeney Soomaaliyeed oo la sheegay inay Muqdisho ku kufsaday askari ka tirsan ciidamada AMISOM oo ku sugan saldhig ay ku leeyihiin Maslax oo ku taalla waqooyi Muqdisho.

2013-08-24 8:11 AM EST
Sabti, August 24, 2013 (HOL) — Waxaa xarumaha jaamacadda Muqdisho ee xarunta Soomaaliya ka furmay taariikhdu markay ahayd 22-kii bishan, 2013 imtixaanka ogolaanshaha ama (qabuulka) ee laga qaadayo ardayda kusoo biiraysa sanad wax-barashadeedka 2013/2014 ee jaamacadda Muqdisho.

2013-08-24 7:58 AM EST
Sabti, August 24, 2013 (HOL) — Waxaa shalay oo Jimco ahayd gudaha magaalada Kismaayo lagu aasay meydka AUN Sheekh Cali Axmed Ashkir oo 18-kii bishan ku geeriyooday magaalada Ohio ee gobolka Columbus ee dalka Mareykanka.

2013-08-24 7:41 AM EST
Waxaa magaala Kismaayo laga hirgeliyay shirkad cusub oo lagu magacaabo Kismayo Water Supply Taasoo biyo nadiif ah gelin doonta guud ahaan xaafadaha kala duwan ee magaalada.

2013-08-24 4:55 AM EST
Sabti, August 24, 2013(HOL)—Waxaagoordhawayd soo gaaraymagaalada Boorama ee XaruntaGobolka Awdal Wafti balaadhan oo ka socda Golaha guurtida Somaliland kaasoo ka kooban 15 Xubnood oo saaka arootii hore ka soo kicitimay magaalada Hargeysa waxayna degeen Hotel Haldoor eeMagaalada Boorama.

2013-08-24 2:45 AM EST
Sabti, August 24, 2013 (HOL) — Kooxo bastoolado ku hubeysan ayaa ku dilay degmada Dharkeynley ee gobolka Banaadir guddoomiyihii Olombikada ee degmada Dharkeynley, Amiin Cali Muumin.

2013-08-24 2:18 AM EST
Sabti, August 24, 2013 (HOL) — Raga Soomaaliyeed ee qurba ka yimid ayaa lacag badan ku kharash garaynaya meherka iyo kharashaadka kale ee arooska iyaga oo ka faaiidaysanaya xaaladda amaanka ee Muqidsho si ay u guursadaan.