12/22/2014
Today from Hiiraan Online:  _
Wararka Maanta- Sabti, Aug 24, 2013
Kooxo Hubeysan oo Magaalada Muqdisho ku dilay Gudoomiyihii Olombikada Soomaaliyeed ee Degmada Dharkeenley



Sabti, August 24, 2013 (HOL) — Kooxo bastoolado ku hubeysan ayaa ku dilay degmada Dharkeynley ee gobolka Banaadir guddoomiyihii Olombikada ee degmada Dharkeynley, Amiin Cali Muumin.

Marxuumka aya lagu toogtay shalay gellinkii dambe illinka hore ee gurigiisa oo ku yaalla degmadaas, waxaana toogashadiisa ka dambeeyay sida ay u sheegeen warbaahinta dad goobjoogayaal ah laba wiil oo bastoolato watay.

“Amiin waxaa lagu toogtay gurigiisa hortiisa isagoo ka yimid ciyaaro ka socday garoonka degmadaas, waxaana afar ka mid ah rasaasta uga dhaceen madaxa, isbitaalka Madiina ayuuna ku geeriyooday,” ayuu yiri guddoomiyaha degmada Dharkeynley Macallin Cabdulle Cali Hilowle oo ka war-bixinayay dilka marxuumka.

Inkastoo aysan jirin cid sheegatay inay ka dambeysay dilka mas’uulkan ayaa haddana waxay mas’uuliyiinta dowladdu ku eedeeyeen dilkaas Al-shabaab oo dagaal kula jirta dowladda.

Maalmihii lasoo dhaafay waxaa Muqdisho kusoo kordhayay falal ammaan-darro ee ay geysanayaan kooxaha hubeysan, iyadoo toddobaadkii hore lagu dilay caasimadda howlwadeen ka tirsan Raadiyo Muqdisho iyo ruux Somali-Swedish ah, halka la dhaawacay haweeney ay isku xisbi ka tirsanaayeen oo la socotay.

Xilli ay ammaan-darradan jirto ayaa waxay mas’uuliyiinta amnigu mar walba sheegayaan inay fashiliyeen weerarro waxyeello lagu geysan lahaa, iyadoo la isweydiinayo sababaha soo kordhiyay ammaan-darrada magaalada Muqdisho ee xarunta Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

8/24/2013 10:09 AM EST
Sabti, August 24, 2013 (HOL) — Maxkamadda gobolka Banaadir ayaa in ka badan toban qof oo eedeysanayaal ahaa ku ridday maanta xukunno isugu jira xabsi, ganaax lacageed iyo dil toogasho ah, iyadoo la sii daayay mid ka mid ah eedeysanayaasha oo lagu waayay dambigii lagu soo oogay.

8/24/2013 8:19 AM EST
Sabti, August 24, 2013 (HOL) — Nin Baastoolad ku hubaysan, ayaa xalay xaafadda Siinaay ee Koonfurta magaaladda Hargeysa ku toogtay nin magaciisa la yidhaaa Maxamed Sheekh Axmed Cabdilaahi kaas oo maydkiisa la geeyey cisbitaalka guud ee magaaladda Hargeysa.

8/24/2013 8:13 AM EST
Sabti, August 24, 2013 (HOL) — Afhayeenka AMISOM, Col. Cali Aadan Xumad ayaa ka hadlay maanta kufsi loo geystay haweeney Soomaaliyeed oo la sheegay inay Muqdisho ku kufsaday askari ka tirsan ciidamada AMISOM oo ku sugan saldhig ay ku leeyihiin Maslax oo ku taalla waqooyi Muqdisho.

8/24/2013 8:11 AM EST
Sabti, August 24, 2013 (HOL) — Waxaa xarumaha jaamacadda Muqdisho ee xarunta Soomaaliya ka furmay taariikhdu markay ahayd 22-kii bishan, 2013 imtixaanka ogolaanshaha ama (qabuulka) ee laga qaadayo ardayda kusoo biiraysa sanad wax-barashadeedka 2013/2014 ee jaamacadda Muqdisho.

8/24/2013 7:58 AM EST
Sabti, August 24, 2013 (HOL) — Waxaa shalay oo Jimco ahayd gudaha magaalada Kismaayo lagu aasay meydka AUN Sheekh Cali Axmed Ashkir oo 18-kii bishan ku geeriyooday magaalada Ohio ee gobolka Columbus ee dalka Mareykanka.

8/24/2013 7:44 AM EST
Sabti, August 24, 2013 (HOL) — Ciidamada ammaanka ee magaalada Garoowe ayaa xalay fashiliyey miino nooca meelaha fog laga hago ah oo la dhigey meel u dhow guriga wasiir ku-xigeenka wasaaradda amniga Puntland C/jamaal Cismaan Maxamed.

8/24/2013 7:41 AM EST
Waxaa magaala Kismaayo laga hirgeliyay shirkad cusub oo lagu magacaabo Kismayo Water Supply Taasoo biyo nadiif ah gelin doonta guud ahaan xaafadaha kala duwan ee magaalada.

8/24/2013 4:55 AM EST
Sabti, August 24, 2013(HOL)—Waxaagoordhawayd soo gaaraymagaalada Boorama ee XaruntaGobolka Awdal Wafti balaadhan oo ka socda Golaha guurtida Somaliland kaasoo ka kooban 15 Xubnood oo saaka arootii hore ka soo kicitimay magaalada Hargeysa waxayna degeen Hotel Haldoor eeMagaalada Boorama.

8/24/2013 2:18 AM EST
Sabti, August 24, 2013 (HOL) — Raga Soomaaliyeed ee qurba ka yimid ayaa lacag badan ku kharash garaynaya meherka iyo kharashaadka kale ee arooska iyaga oo ka faaiidaysanaya xaaladda amaanka ee Muqidsho si ay u guursadaan.