2014-10-22
Today from Hiiraan Online:  _
Wararka Maanta- Khamiis, Aug 22, 2013
Ururka Kubadda cagta Adduunka oo Muddo fog kaddib Muqdisho tababar ku siiyay Tababarayaal iyo Ciyaartooy (SAWIRRO)



Khamiis, August 22, 2013 (HOL) — Ururka kubadda cagta ee adduunka FIFA ayaa ku tababaray Muqdisho garsoorayaal iyo ciyaartoy Soomaaliyeed oo ay tiradoodu ahayd 330, waxaana tababarkan uu noqonayaa kii ugu horreeyay muddo 20-sano ka badan oo FIFA ay xubno Isboorti ku siiso Muqdisho.

Tababarkan oo socday muddo shan maalmood ah ayaa wuxuu qayb ka ahaa qorshe ay FIFA ku doonayso inay ku horumariso isboortiga Somalia, iyadoo ay ka faa’iideysteen 30 tababare iyo 300 oo caruur Soomaaliyeed ah.

Intii uu tababarku socday ayaa waxay tababarayaasha Soomaaliyeed ku qaateen xirfado la xiriira xirfadaha kubadda cagta, iyadoo lagu tilmaamay in tababarkan uu ahaa mid lagu horumarinayo ciyaaraha dhallinyarada Soomaaliyeed.

Ulric Mathiot oo ah tababare ka tirsan FIFA oo ka yimid Seychelles ayaa u sheegay warbaahinta in tababarka ay bixiyeen uu ahaa mid wanaagsan oo qayb ka qaadanaya horumarka isboortiga Soomaaliya.

“Hadda waxaan rajeynaynaa in xiriirka kubadda cagta Somalia inay leeyihiin aragti iyo qorshayaal fog oo dhinaca isboortiga ah, waxaana rajeynaynaa in Soomaaliya ay noqoto dal dunida ka muuqda,” ayuu yiri Mathiot oo intaas ku daray: “Dhab ahaan waxaan rajeynaynaa inay soo baxaan carruur Somali ah oo leh xirfado wanaagsan oo dhinca kubadda cagta ah.”

FIFA ayaa u hakisay tababaridda ciyaartoyda Soomaaliyeed 22-kii sano ee la soo dhaafay sababo la xiriira dagaalladii ka socday dalka, iyadoo markii ugu dambeysay ee Muqdisho lagu tababaro ciyaartoy iyo tababarayaal Soomaaliyeed ay ahayd sannadkii 1986-kii, balse hadda ayay dib u billaabeen tababaridda ciyaatoyda Soomaaliyeed taasoo si aad ah loo soo dhaweeyay.

Madaxa farsamada ee xiriirka Soomaaliyeed ee kubadda cagta, Cawil Ismaaciil ayaa sheegay in dagaalladii dalka ka socday ay dib u dhac weyn ku keeneen horumarka isboortiga Soomaaliya.

“Dhallinyarada Soomaaliyeed waxay leeyihiin farsamo ciyaareed oo sarreysa, laakiin dhibaatada haysatay waa dagaalladii muddada dheer dalka ka socday,” ayuu yiri Ismaaciil oo intaas ku daray: “Muddadaas waxaa maqnaa in tababarro ay helaan. Waxaan rajeynayaa in sannadaha soo socda ay soo bixi doonaan dhallinyaro kubadda ku wanaagsan. Maxaa yeelay waxaan hadda haysanaa deggenaasho yar, qorshayaasha FIFA-na aad ayay noo saacidayaan. Sidaa daraadeed mustaqbalka waxaan ku rajeynayay inaan noqon doonno dalka ugu wanaagsan Bariga Afrika ee dhinaca kubadda cagta.”

Kooxda Soomaaliya ayaa hadda ah kuwa ugu liita kooxaha Qaaradda Afrika marka ciyaaraha gobollada iyo kuwa Qaaraddu ay jiraan, inkastoo dadaal badan lagu bixiyay sidii loo horumarin lahaa isboortiga Soomaaliya.

Qiimeynta kooxaha ee  ururka kubadda cagta adduunka ee FIFA uu kooxaha qaaradda Afrika ku sameeyay waxay Soomaaliya ka gashay kaalinta 52-aad halkii ay markii hore ku jirtay kaalinta 54-aad.

Ciyaartoyda Soomaaliyeed iyo saraakiisha xiriirrada ciyaaraha Soomaaliya ayaa rajo wanaagsan ka muujiyay barnaamijyada tababarrada ah ee ay u billowday FIFA ciyaartoyda Soomaaliyeed, iyadoo ku tababaraysa gudaha Soomaaliya.







Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-22 10:39 AM EST
Khamiis, August 22, 2013 (HOL) — Waxaa maanta si rasmi ah magaalada Baladweyne loogu soo gabagabeeyay {Shirweynihii wadatashiga dhaqanka beesha Xawaadle ee Samadoon} oo maalintii Talaada aynu soo dhaafnay si rasmi ah uga furmay magaalada Baladweyne.

2013-08-22 10:18 AM EST
Khamiis, August 22, 2013 (HOL) — Golaha wasiiradda Soomaaliya oo kulan ku yeeshay maanta Muqdisho ayaa waxay hadleen qodobbo dhowr ah oo la xariira amniga, falkii shalay lagu dhaawacay haweeney dalka Sweden u dhalatay iyo codsi ay u jeediyeen golaha ammaanka ee Qaramada midoobay oo la xariira in xorriyadiisa dhaqdhaqaaq loosoo celiyo ganacsade Axmed Nuur Cali Jimcaale.

2013-08-22 9:42 AM EST
Khamiis, August 22, 2013 (HOL) — Dowladda Kenya ayaa sheegtay in dalka Belgium uu gacan ka siinayo sidii qoxootiga Soomaalida ee dalkeeda ku nool dib loogu celin lahaa dalkooda Soomaaliya.

2013-08-22 8:42 AM EST
Khamiis, August 22, 2013 (HOL) — Madaxweynaha Somaliland, Axmed Maxamed Maxamuud (Silaanyo) ayaa maanta xafiiskiisa ku qaabiley guddiga akadeemiga daryeelka Afka Soomaaliga oo dhawaan booqasho ku yimid magaalada Hargeysa.

2013-08-22 8:16 AM EST
Khamiis, August 22, 2013 (HOL) — Madaxweynaha Somalia, Xasan Sheekh Maxamud ayaa maanta xariga ka jaray iskuul laga furay deegaanka Jazeera ee duleedka Muqdisho oo wax lagu bari doono carruur Soomaaliyeed, kaasoo dhismihiisa uu hirgeliyay ururka Midowga Afrika.

2013-08-22 7:31 AM EST
Khamiis, August 22, 2013 (HOL) — Dood-cilmiyeed ay soo qaban-qaabisay hay'adda wada-hadalka bulshada ayna ka qaybgaleen ururka haweenka Qaranka Soomaaliyeed, kan haweenka gobolka banaadir iyo qaar ka mid ah guddoomiyeyaasha degmooyinka gobolka Banaadir ayaa maanta lagu qabtay magaalada Muqdisho.

2013-08-22 7:06 AM EST
Khamiis, August 22, 2013 (HOL) — Madaxweynihii hore ee dalka Masar, Maxamed Xusni Mubaarak ayaa lagu xukumay xabsi guri, kaddib markii laga sii daayay maanta xabsigii ku jiray, sida lagu shaaciyay warsaxaafadeed ka soo baxay xafiiska ra’iisul wasaaraha Masar.

2013-08-22 6:36 AM EST
Khamiis, August 22, 2013 (HOL) — Ururka Midowga Afrika ayaa Arbacadii shalay tababar socon doonta saddex maalmood oo ku saabsan dhowrista xuquuqda aadanaha u furay 32 sarkaal oo ka tirsan ciidamada Soomaaliya.

2013-08-22 6:07 AM EST
Khamiis, August 22, 2013 (HOL) — Laba Beelood oo isku deegaan ah, ayaa shalay dagaal ku dhexmaray deegaanka Gawse weyne ee degmadda Oog ee gobolka Saraar.

2013-08-22 5:52 AM EST
Khamiis, August 22, 2013 (HOL) — Munaasabad lagu dhaarinayo madaxweynaha dalka Zimbabwe Robert Mugabe - oo markii todobaad ku guuleystey madaxtinimada dalkaas - ayaa maanta ka dhaceysa caasimadda Zimbabwe ee Harare.

2013-08-22 3:00 AM EST
Khamiis, August 22, 2013 (HOL) —Golaha ammaanka ee Qaramada Midoobey oo isugu yimid kulan aan caadi ahayn, ayaa ku baaqay in baaritaan madax bannaan oo deg deg ah lagu sameeyo duqeyn loo adeegsadey gantaalaha xambaara kiimikada sunta ah, oo shalay ka dhacday deegaanka Qowdah oo ku yaalla duleedka caasimadda Suuriya ee Dimishiq.

2013-08-22 1:49 AM EST
Khamiis, August 22, 2013 (HOL) — Iskahorimaad khasaare dhaliyay ayaa ka dhacay deegaan ku dhow xadka Soomaaliya iyo Kenya kuna yaalla gudaha Kenya, iyadoo aan la ogeyn khasaaraha dhimasho iyo midka dhaawac inta uu le’eg yahay.

2013-08-22 1:39 AM EST
Khamiis, August 22, 2013 (HOL) — Mas’uulka bisha cas ee dalka Turkiga u jooga Soomaaliya oo horkacaya kolanyo gaadiid ah oo ay saaran yihiin raashin ayaa soo gaaray magaalada Laascaanood xarunta gobolka Sool.

2013-08-22 1:33 AM EST
Khamiis, August 22, 2013 (HOL) — Saddex xiddigle ka tirsanaa booliiska Soomaaliya iyo ruuxii dilay oo Al-shabaab ayaa shalay lagu dilay magaalada Muqdisho, waxaana ruuxa ay ciidamadu toogteen ee sarkaalka dilay la dul-dhigay digniin ah inaan maydkiisa la qaadi karin.