2014-10-31
Today from Hiiraan Online:  _
Wararka Maanta- Khamiis, Aug 22, 2013
Odayaal u gurmaday beelo ku diraray Deegaanka Oog oo ka tirsan Gobolka Saraar ee Somaliland oo uu daad qaaday


Khamiis, August 22, 2013 (HOL) — Laba Beelood oo isku deegaan ah, ayaa shalay dagaal ku dhexmaray deegaanka Gawse weyne ee degmadda Oog ee gobolka  Saraar.

Dagaalkan labadda beelood ee walaalaha ahi ku dhexmaray deegankaasi, ayaa waxa ku geeriyooday illaa afar qof, tirro intaas ka badanna way ku dhaawacmeen, waxaana la sheegayaa in labadda dhinacba ay isku hub urursanayaan.

Wararka ka imanaya degmadda oog ee dagaalku ka dhacay ayaa la sheegay inay u gurmadeen ciidamadda Milatariga iyo kuwo Booliska, kuwaas oo la filayo inay dhex galaan labadda beelood.

Wararka ka imanaya Magaaladda Caynaba ayaa sheegaya in dhaawacyo la keenay cisbitaalka Caynabo, haseyeeshee illaa hadda lama hayo waan waan iyo cid kala dhexgashay marka laga reebo ciidankaasi loo diray.

Khilaafkan dhulka ee labadda beelood isku haystaan, ayaa baryahanba soo jiitamayey , iyadoo aan waxba laga qaban, waxaana xal u heli taan la’aantaasi keentay in dagaalkaasi dhimasho iyo dhaawac sababtay ka qarxo deegaankaasi, inkasta la sheegayo in dagaalkani ka dhashay   Ceel xoolo laga waraabinayey,halkaasi oo dad lagu laayey, ka dibna qoladii dadka laga laayeyna beeshi kale rag ka soo jeedda ugu aareen taasina ay keentay dagaal gacan ka hadal ah.

Dhinaca kale, Xukuumadda ayaa xalay shir degdeg ah oo ay iskugu yimaadeen kaga arrinaday sidii loo joojin lahaa dagaalkaasi, Waxaana xalay xilli dambe magaaladda Hargeysa ka baxay wefti uu hogaaminayo wasiirka Arrimaha gudaha Somaliland Cali Maxamed Warancadde, kaas oo uu hor kacayey wefti madax dhaqameedka, haseyeeshee waxa weftigii dhaafi kari waayeen dooxa Dacar Budhuq ee u dhexeeya Hargeysa iyo Berbera oo qaar ka mid ah salaadiintii uu dooxaasi qaatay.

Inkastoo qaarkood la soo badbaadiyey, hadana waxa raq iyo ruux ba la waayey Suldaan  Xasan Bare oo ka mid ahaa weftiga madax dhaqameedka ee u gurmanayey beelaha dagaalku dhexmaray, waxaana la soo xaqiijiyey in Suldaankii Maydkiisa la soo helay mar dhowayd duhurkii.

Alla ha u naxariisto Suldaan Bare waxa Maydkiisa laga soo helay meel ka durugsan halkii uu daadku ka qaatay, iyado wakhti dheer ku qaadatay in la helo maydkiisa maadaama oo Daad weyni dooxa marayey, isla markaana aanu roobku illaa xalay Da’ayey oo aanu kala Qaadin ilaa salaadii subax.

Si kastaba ha ahaatee, xukuumadda ayaa u gurmatay baajinta dagaalkaasi si aanu u balaadhan, waxaana deegaanka uu dagaalku ka dhacay gaadhay ciidamo badan oo la kala dhex dhigay.

Barkhad-Ladiif M. Cumar, Hiiraan Online
barkhadladiif@hiiraan.com   
Hargeysa, Somaliland





Post your comments

2013-08-22 12:44 PM EST
Khamiis, August 22, 2013 (HOL) — Ururka kubadda cagta ee adduunka FIFA ayaa ku tababaray Muqdisho garsoorayaal iyo ciyaartoy Soomaaliyeed oo ay tiradoodu ahayd 330, waxaana tababarkan uu noqnoayaa kii ugu horreeyay muddo 20-sano ka badan oo FIFA ay xubno Isboorti ku siiso Muqdisho.

2013-08-22 10:39 AM EST
Khamiis, August 22, 2013 (HOL) — Waxaa maanta si rasmi ah magaalada Baladweyne loogu soo gabagabeeyay {Shirweynihii wadatashiga dhaqanka beesha Xawaadle ee Samadoon} oo maalintii Talaada aynu soo dhaafnay si rasmi ah uga furmay magaalada Baladweyne.

2013-08-22 10:18 AM EST
Khamiis, August 22, 2013 (HOL) — Golaha wasiiradda Soomaaliya oo kulan ku yeeshay maanta Muqdisho ayaa waxay hadleen qodobbo dhowr ah oo la xariira amniga, falkii shalay lagu dhaawacay haweeney dalka Sweden u dhalatay iyo codsi ay u jeediyeen golaha ammaanka ee Qaramada midoobay oo la xariira in xorriyadiisa dhaqdhaqaaq loosoo celiyo ganacsade Axmed Nuur Cali Jimcaale.

2013-08-22 9:42 AM EST
Khamiis, August 22, 2013 (HOL) — Dowladda Kenya ayaa sheegtay in dalka Belgium uu gacan ka siinayo sidii qoxootiga Soomaalida ee dalkeeda ku nool dib loogu celin lahaa dalkooda Soomaaliya.

2013-08-22 8:42 AM EST
Khamiis, August 22, 2013 (HOL) — Madaxweynaha Somaliland, Axmed Maxamed Maxamuud (Silaanyo) ayaa maanta xafiiskiisa ku qaabiley guddiga akadeemiga daryeelka Afka Soomaaliga oo dhawaan booqasho ku yimid magaalada Hargeysa.

2013-08-22 8:16 AM EST
Khamiis, August 22, 2013 (HOL) — Madaxweynaha Somalia, Xasan Sheekh Maxamud ayaa maanta xariga ka jaray iskuul laga furay deegaanka Jazeera ee duleedka Muqdisho oo wax lagu bari doono carruur Soomaaliyeed, kaasoo dhismihiisa uu hirgeliyay ururka Midowga Afrika.

2013-08-22 7:31 AM EST
Khamiis, August 22, 2013 (HOL) — Dood-cilmiyeed ay soo qaban-qaabisay hay'adda wada-hadalka bulshada ayna ka qaybgaleen ururka haweenka Qaranka Soomaaliyeed, kan haweenka gobolka banaadir iyo qaar ka mid ah guddoomiyeyaasha degmooyinka gobolka Banaadir ayaa maanta lagu qabtay magaalada Muqdisho.

2013-08-22 7:06 AM EST
Khamiis, August 22, 2013 (HOL) — Madaxweynihii hore ee dalka Masar, Maxamed Xusni Mubaarak ayaa lagu xukumay xabsi guri, kaddib markii laga sii daayay maanta xabsigii ku jiray, sida lagu shaaciyay warsaxaafadeed ka soo baxay xafiiska ra’iisul wasaaraha Masar.

2013-08-22 6:36 AM EST
Khamiis, August 22, 2013 (HOL) — Ururka Midowga Afrika ayaa Arbacadii shalay tababar socon doonta saddex maalmood oo ku saabsan dhowrista xuquuqda aadanaha u furay 32 sarkaal oo ka tirsan ciidamada Soomaaliya.

2013-08-22 5:52 AM EST
Khamiis, August 22, 2013 (HOL) — Munaasabad lagu dhaarinayo madaxweynaha dalka Zimbabwe Robert Mugabe - oo markii todobaad ku guuleystey madaxtinimada dalkaas - ayaa maanta ka dhaceysa caasimadda Zimbabwe ee Harare.

2013-08-22 3:00 AM EST
Khamiis, August 22, 2013 (HOL) —Golaha ammaanka ee Qaramada Midoobey oo isugu yimid kulan aan caadi ahayn, ayaa ku baaqay in baaritaan madax bannaan oo deg deg ah lagu sameeyo duqeyn loo adeegsadey gantaalaha xambaara kiimikada sunta ah, oo shalay ka dhacday deegaanka Qowdah oo ku yaalla duleedka caasimadda Suuriya ee Dimishiq.

2013-08-22 1:49 AM EST
Khamiis, August 22, 2013 (HOL) — Iskahorimaad khasaare dhaliyay ayaa ka dhacay deegaan ku dhow xadka Soomaaliya iyo Kenya kuna yaalla gudaha Kenya, iyadoo aan la ogeyn khasaaraha dhimasho iyo midka dhaawac inta uu le’eg yahay.

2013-08-22 1:39 AM EST
Khamiis, August 22, 2013 (HOL) — Mas’uulka bisha cas ee dalka Turkiga u jooga Soomaaliya oo horkacaya kolanyo gaadiid ah oo ay saaran yihiin raashin ayaa soo gaaray magaalada Laascaanood xarunta gobolka Sool.

2013-08-22 1:33 AM EST
Khamiis, August 22, 2013 (HOL) — Saddex xiddigle ka tirsanaa booliiska Soomaaliya iyo ruuxii dilay oo Al-shabaab ayaa shalay lagu dilay magaalada Muqdisho, waxaana ruuxa ay ciidamadu toogteen ee sarkaalka dilay la dul-dhigay digniin ah inaan maydkiisa la qaadi karin.