2014-10-21
Today from Hiiraan Online:  _
Wararka Maanta- Khamiis, Aug 22, 2013
Madaxweynaha Zimbabwe, Robert Mugabe oo Maanta Markii Toddobaad loo dhaarinayo Xilka Madaxweynenimo ee dalkaas



Khamiis, August 22, 2013 (HOL) —
Munaasabad lagu dhaarinayo madaxweynaha dalka Zimbabwe Robert Mugabe - oo markii todobaad ku guuleystey madaxtinimada dalkaas - ayaa maanta ka dhaceysa caasimadda Zimbabwe ee Harare.

Dhaarta madaxweyne Mugabe ayaa dib u dhacday kaddib markii Morgan Tsvangirai oo ah musharrixii ay mugabe tartamayeen uu dacwad ka dhan ah natiijada doorashada u gudbiyey maxkamadda sare ee dalkaas isagoo sheegay in doorashada lagu shubtay.

Maxkamadda ayaa markii dambe diidey dacwada uusoo gudbiyey xisbiga isbeddel doonka Dimuqraadiyadda ee Zimbabe ee uu hoggaamiyo Morgan Tsvangirai, waxayna iclaamisay in doorashadu ay ahayd mid xalaal ah oo ku dhacday qaab hufan.

Doorashada oo dhacday bishii July ee lasoo dhaafay dabayaaqadeedii, waxaa 61% tirada codadka la dhiibtey helay Robert Mugabe, halka uu Tsvangirai helay 34% tirada codadka.

Tsvangirai ayaa sheegay in uusan ka qayb geli doonin xafladda dhaarinta madaxweynaha Zimbabwe oo ay kasoo qayb gelayaan madax ka socota in ka badan 40-dal, islamarkaana ka dhaceysa garoonka kubadda cagta ee caasimadda Harare. Afhayeenkiisa Tsvangirai ayaa arintan u xaqiijiyey war-baahinta.

Robert Mugabe oo xilligan ay da'diisu tahay 89, wuxuu dalka Zimbabwe madaxweyne kasoo noqday lix mar oo hore, isagoo siyaasadda dalkaas kusoo dhex jirey laga soo bilaabo sanadkii 1980-kii.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-08-22 12:44 PM EST
Khamiis, August 22, 2013 (HOL) — Ururka kubadda cagta ee adduunka FIFA ayaa ku tababaray Muqdisho garsoorayaal iyo ciyaartoy Soomaaliyeed oo ay tiradoodu ahayd 330, waxaana tababarkan uu noqnoayaa kii ugu horreeyay muddo 20-sano ka badan oo FIFA ay xubno Isboorti ku siiso Muqdisho.

2013-08-22 10:39 AM EST
Khamiis, August 22, 2013 (HOL) — Waxaa maanta si rasmi ah magaalada Baladweyne loogu soo gabagabeeyay {Shirweynihii wadatashiga dhaqanka beesha Xawaadle ee Samadoon} oo maalintii Talaada aynu soo dhaafnay si rasmi ah uga furmay magaalada Baladweyne.

2013-08-22 10:18 AM EST
Khamiis, August 22, 2013 (HOL) — Golaha wasiiradda Soomaaliya oo kulan ku yeeshay maanta Muqdisho ayaa waxay hadleen qodobbo dhowr ah oo la xariira amniga, falkii shalay lagu dhaawacay haweeney dalka Sweden u dhalatay iyo codsi ay u jeediyeen golaha ammaanka ee Qaramada midoobay oo la xariira in xorriyadiisa dhaqdhaqaaq loosoo celiyo ganacsade Axmed Nuur Cali Jimcaale.

2013-08-22 9:42 AM EST
Khamiis, August 22, 2013 (HOL) — Dowladda Kenya ayaa sheegtay in dalka Belgium uu gacan ka siinayo sidii qoxootiga Soomaalida ee dalkeeda ku nool dib loogu celin lahaa dalkooda Soomaaliya.

2013-08-22 8:42 AM EST
Khamiis, August 22, 2013 (HOL) — Madaxweynaha Somaliland, Axmed Maxamed Maxamuud (Silaanyo) ayaa maanta xafiiskiisa ku qaabiley guddiga akadeemiga daryeelka Afka Soomaaliga oo dhawaan booqasho ku yimid magaalada Hargeysa.

2013-08-22 8:16 AM EST
Khamiis, August 22, 2013 (HOL) — Madaxweynaha Somalia, Xasan Sheekh Maxamud ayaa maanta xariga ka jaray iskuul laga furay deegaanka Jazeera ee duleedka Muqdisho oo wax lagu bari doono carruur Soomaaliyeed, kaasoo dhismihiisa uu hirgeliyay ururka Midowga Afrika.

2013-08-22 7:31 AM EST
Khamiis, August 22, 2013 (HOL) — Dood-cilmiyeed ay soo qaban-qaabisay hay'adda wada-hadalka bulshada ayna ka qaybgaleen ururka haweenka Qaranka Soomaaliyeed, kan haweenka gobolka banaadir iyo qaar ka mid ah guddoomiyeyaasha degmooyinka gobolka Banaadir ayaa maanta lagu qabtay magaalada Muqdisho.

2013-08-22 7:06 AM EST
Khamiis, August 22, 2013 (HOL) — Madaxweynihii hore ee dalka Masar, Maxamed Xusni Mubaarak ayaa lagu xukumay xabsi guri, kaddib markii laga sii daayay maanta xabsigii ku jiray, sida lagu shaaciyay warsaxaafadeed ka soo baxay xafiiska ra’iisul wasaaraha Masar.

2013-08-22 6:36 AM EST
Khamiis, August 22, 2013 (HOL) — Ururka Midowga Afrika ayaa Arbacadii shalay tababar socon doonta saddex maalmood oo ku saabsan dhowrista xuquuqda aadanaha u furay 32 sarkaal oo ka tirsan ciidamada Soomaaliya.

2013-08-22 6:07 AM EST
Khamiis, August 22, 2013 (HOL) — Laba Beelood oo isku deegaan ah, ayaa shalay dagaal ku dhexmaray deegaanka Gawse weyne ee degmadda Oog ee gobolka Saraar.

2013-08-22 3:00 AM EST
Khamiis, August 22, 2013 (HOL) —Golaha ammaanka ee Qaramada Midoobey oo isugu yimid kulan aan caadi ahayn, ayaa ku baaqay in baaritaan madax bannaan oo deg deg ah lagu sameeyo duqeyn loo adeegsadey gantaalaha xambaara kiimikada sunta ah, oo shalay ka dhacday deegaanka Qowdah oo ku yaalla duleedka caasimadda Suuriya ee Dimishiq.

2013-08-22 1:49 AM EST
Khamiis, August 22, 2013 (HOL) — Iskahorimaad khasaare dhaliyay ayaa ka dhacay deegaan ku dhow xadka Soomaaliya iyo Kenya kuna yaalla gudaha Kenya, iyadoo aan la ogeyn khasaaraha dhimasho iyo midka dhaawac inta uu le’eg yahay.

2013-08-22 1:39 AM EST
Khamiis, August 22, 2013 (HOL) — Mas’uulka bisha cas ee dalka Turkiga u jooga Soomaaliya oo horkacaya kolanyo gaadiid ah oo ay saaran yihiin raashin ayaa soo gaaray magaalada Laascaanood xarunta gobolka Sool.

2013-08-22 1:33 AM EST
Khamiis, August 22, 2013 (HOL) — Saddex xiddigle ka tirsanaa booliiska Soomaaliya iyo ruuxii dilay oo Al-shabaab ayaa shalay lagu dilay magaalada Muqdisho, waxaana ruuxa ay ciidamadu toogteen ee sarkaalka dilay la dul-dhigay digniin ah inaan maydkiisa la qaadi karin.