3/28/2024
Today from Hiiraan Online:  _
Wararka Maanta- Talaado, Aug 20, 2013
Wafdi Ka Socda Qaramada Midoobay oo Maanta Gaaray Degmada Jowhar ee Xarunta Gobolka Shabeellada Dhexe [SAWIRRO]

Talaado, August 20, 2013 (HOL) — Wafdi ka socda Qaramada Midoobay oo uu hoggaaminayo xiriiriyaha deeqaha bani’aadamnimo ee Somaaliya Philippe Lazzarini, ayaa gaaray degmada Jowhar ee xarunta gobolka Shabeellada dhexe, halkaasoo ay kula kulmeen maamulka iyo waxgaradka degmada.

Mas’uuliyiinta Qaramada Midoobay ayaa ku tagay Jowhar diyaarad nooca qummaatiga u kaca ah, ciidamadii ilaalada u ahaa wefdigan ayaa iyagu dhulka maray si ay ammaanka wafdiga u sugaan.

Wafdiga Qaramada Midoobey ayaa kaddib markii ay Jowhar gaareen, waxay billaabeen inay la kulmaan madaxda gobolka iyo kuwa degmada iyagoo kala hadlay xaaladaha ay ku sugan yihiin dadka gobolkaas ku nool iyo xaaladda ammaan ee degmada iyo midda gobolka.

Xubno ka tisran maamulka degmada Jowhar ayaa sheegay in wafdigu ay u sheegeen inay gacan ka geysanayaan ka hortagga fatahaadaha webiga iyo inay buuxin doonaan kaalintii haya’dda MSF ay banneysay.

Ammaanka magaalada Jowhar ayaa aad loo adkeeyay markii ay wafdigani gaareen, iyadoo gudaha degmada lagu arkayay ciidammo fara badan oo ku sugan waddooyinka muhiimka ah.

Wafdigan ayaa noqonaya kuwii ugu horreeyay ee Qaramada Midoobay ka scoda oo gaara degmada Jowhar tan iyo markii Al-shabaab laga saaray degmadaas sannadkii hore.

Booqashada wefdigan ayaa imaaneysa iyadoo degmada Jowhar uu shalay ka dhacay dibadbax lagu muujinayey sida ay dadka degmadaasi uga xun yihiin go’aankii ay MSF ku joojisey howlihii caafimaad ee ay ka haysay degmadaas iyo guud ahaan Soomaaliya.



Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/20/2013 1:48 PM EST
alaado, August 20, 2013 (HOL) — Waxaa maanta marsada caalamiga ah ee magaalada Kismaayo kusoo xirtay markab sida raashin gargaar ah oo ka yimid dalka Turkiga, kaasoo loogu talo galay in loo qeybiyo dadka danta yar ee ku dhaqan gobollada Jubbooyinka.

8/20/2013 10:59 AM EST
Talaado, August 20, 2013 (HOL) — Waxaa maanta ka furmay magaalada Beledweyn ee xarunta gobolka Hiiraan, Shir-weyne loogu magac daray (Shirweynaha dhaqanka iyo wada tashiga beesha Xawaadle ee Samadoon) kaasoo uu horay ugu baaqay Ugaaska guud ee beesha Ugaas C/raxmaan Ugaas Khaliif Ugaas Rooble, bilihii ugu dambeeyeyna ay qaban qaabadiisu socotey.

8/20/2013 8:16 AM EST
Talaado, August 20, 2013 (HOL) — Wasiirka arrimaha gudaha Masar ayaa sheegay in hoggaamiyihii ururka Ikhwaanul Muslimiiin, Maxamed Badiic la xiray maanta oo Salaaso ah, kaddib isku dhacyo dhexmaray ciidamada ammaanka iyo taageerayaasha madaxweynihii xukunka laga tuuray ee Maxamed Mursi.

8/20/2013 7:29 AM EST
Talaado, August 20, 2013 (HOL) — Maxkamadda sare ee dalka Baakistaan ayaa maanta oo Salaasa ah si rasmi ah ugu eedeysay madaxweynihii hore ee dalkaas Berefeez Musharraf in uu ka dambeeyey dilkii Benaziir Bahuto.

8/20/2013 7:25 AM EST
Talaado, August 20, 2013 (HOL) —Kulankan oo muddo labo maalmood ah socon doona ayaa ah mid looga wada tashanayo ka qaybgalka Soomaaliya ee shirka New Deal (Hiigsiga Cusub) kaasoo bisha soo socota ee September ka dhici doona caasimadda Biljamka ee Brussels. Kulanka waxaa si wada jir ah u furay wasiir ku-xigeenka wasaaradda maaliyadda Soomaaliya, Abuukar Sheekh Cabdi Ibraahim iyo madaxweynaha maamul goboleedka Gal-mudug, Cabdi Xassan Cawaale (Qeybdiid).

8/20/2013 3:37 AM EST
Talaado, August 20, 2013 (HOL) — Xarakada Al-shabaab ee Soomaaliya ka dagaalanta ayaa ka hadashay markii ugu horreysay xiisadaha siyaasadeed ee ka taagan dalka Masar, kuwaasoo ka dhashay muran dhinaca hoggaanka dalkaas ah.

8/20/2013 3:07 AM EST
Talaado, August 20, 2013 (HOL) — Dowladda Turkiga ayaa sheegtay inay ka billaabayso Soomaaliya wajigii labaad ee howlaha samafalka ah ee ay ka waddo Soomaaliya, iyadoo sidoo kale sheegtay in wejigii koowaad uu soo gabagaboobey.