12/20/2014
Today from Hiiraan Online:  _
Wararka Maanta- Talaado, Aug 20, 2013
Maxkamadda Sare ee Dalka Baakistaan oo Madaxweynihii Hore ee Dalkaas ku Eedeysay Dilkii Benazir Bahuto


Talaado, August 20, 2013 (HOL) — Maxkamadda sare ee dalka Baakistaan ayaa maanta oo Salaasa ah si rasmi ah ugu eedeysay madaxweynihii hore ee dalkaas Berefeez Musharraf, in uu ka dambeeyey dilkii Benaziir Bahuto.

Benaziir Bahuto oo ahayd siyaasi caan ah horayna dalkaas ra'iisul wasaare uga soo noqotay, waxaa lagu diley magaalada Rawal-Bindhi sanadkii 2007, xilli ay ku jirtey ololeheedii doorashada.

Koloneyl Musharraf ayaa iska fogeeyey eedeymaha loo soo jeediyey, wuxuuna ku tilmaamay in ay yihiin kuwo siyaasadeysan. Qareenka Musharraf oo lagu magacaabo Afshaan Caadil, ayaa iyaduna dhankeeda sheegtay in eedeyntaasi ay tahay mid aan cadeymo sugan loo hayn.

Eedeymaha madaxweynihii hore ee dalka Baakistaan loo soo jeediyey waxaa kamid ahaa: dil, amar uu ku bixiyey dil iyo weliba in uu fududeeyey shirqoolkii lagu khaarijiyey ra'iisul wasaarihii hore ee dalkaas Benaziir Bahuto.

Xukuumaddii Baakistaan ee uu hoggaaminayey Musharraf ayaa mas'uuliyadda dilka Benaziir Bahuuto waxay dusha uga tuurtay hogaamiye ka tirsanaa kooxda Daalibaan oo lagu magacaabi jirey Beytullaah Maxsuud.

Maxsuud oo lagu diley duqeyn ay la beegsadeen diyaaradaha aan duuliyaha lahayn ee Mareykanka, wuxuu kahor intuusan dhiman si adag isaga fogeeyey eedeyntaas. Waa markii ugu horeysey oo eedeyn caynkan oo kale ah loo soo jeediyo mas'uul sare oo xil kasoo qabtay dowladda iyo ciidamada qalabka sida ee dalka Baakistaan.

Maxamed Salaad Xaaji Dirir, Hiiraan Online
xaajidirir@hiiraan.com
        
Puntland, Soomaaliya




Post your comments

8/20/2013 1:48 PM EST
alaado, August 20, 2013 (HOL) — Waxaa maanta marsada caalamiga ah ee magaalada Kismaayo kusoo xirtay markab sida raashin gargaar ah oo ka yimid dalka Turkiga, kaasoo loogu talo galay in loo qeybiyo dadka danta yar ee ku dhaqan gobollada Jubbooyinka.

8/20/2013 11:06 AM EST
Talaado, August 20, 2013 (HOL) — Wafdi ka socda Qaramada Midoobay oo uu hoggaaminayo xiriiriyaha deeqaha bani’aadamnimo ee Somaaliya Philippe Lazzarini, ayaa gaaray degmada Jowhar ee xarunta gobolka Shabeellada dhexe, halkaasoo ay kula kulmeen maamulka iyo waxgaradka degmada.

8/20/2013 10:59 AM EST
Talaado, August 20, 2013 (HOL) — Waxaa maanta ka furmay magaalada Beledweyn ee xarunta gobolka Hiiraan, Shir-weyne loogu magac daray (Shirweynaha dhaqanka iyo wada tashiga beesha Xawaadle ee Samadoon) kaasoo uu horay ugu baaqay Ugaaska guud ee beesha Ugaas C/raxmaan Ugaas Khaliif Ugaas Rooble, bilihii ugu dambeeyeyna ay qaban qaabadiisu socotey.

8/20/2013 8:16 AM EST
Talaado, August 20, 2013 (HOL) — Wasiirka arrimaha gudaha Masar ayaa sheegay in hoggaamiyihii ururka Ikhwaanul Muslimiiin, Maxamed Badiic la xiray maanta oo Salaaso ah, kaddib isku dhacyo dhexmaray ciidamada ammaanka iyo taageerayaasha madaxweynihii xukunka laga tuuray ee Maxamed Mursi.

8/20/2013 7:25 AM EST
Talaado, August 20, 2013 (HOL) —Kulankan oo muddo labo maalmood ah socon doona ayaa ah mid looga wada tashanayo ka qaybgalka Soomaaliya ee shirka New Deal (Hiigsiga Cusub) kaasoo bisha soo socota ee September ka dhici doona caasimadda Biljamka ee Brussels. Kulanka waxaa si wada jir ah u furay wasiir ku-xigeenka wasaaradda maaliyadda Soomaaliya, Abuukar Sheekh Cabdi Ibraahim iyo madaxweynaha maamul goboleedka Gal-mudug, Cabdi Xassan Cawaale (Qeybdiid).

8/20/2013 3:37 AM EST
Talaado, August 20, 2013 (HOL) — Xarakada Al-shabaab ee Soomaaliya ka dagaalanta ayaa ka hadashay markii ugu horreysay xiisadaha siyaasadeed ee ka taagan dalka Masar, kuwaasoo ka dhashay muran dhinaca hoggaanka dalkaas ah.

8/20/2013 3:07 AM EST
Talaado, August 20, 2013 (HOL) — Dowladda Turkiga ayaa sheegtay inay ka billaabayso Soomaaliya wajigii labaad ee howlaha samafalka ah ee ay ka waddo Soomaaliya, iyadoo sidoo kale sheegtay in wejigii koowaad uu soo gabagaboobey.