2014-09-01
Today from Hiiraan Online:  _
Wararka Maanta- Jimco, Aug 16, 2013
Dawladda Kenya oo caddeysay inaysan xilligan la bixaynin Ciidamadooda ku sugan gudaha Waddanka Soomaaliya


cab-6.jpg

Jimco, August 16, 2013 (HOL) — Dawlada federaalka ah ee Soomaaliya oo aaminsan in Kenya ay qayb ka tahay ismari-waaga ka taagan gobollada Jubbooyinka ayaa bilihii ugu dambeeyay dalbanaysay in ciidamada Kenya ee ku sugan gobolladaas ay ka baxaan dalka.

Waxaana go'aan ahaa in ciidamo ka socda wadamo isku dhaf ah oo ay wadatay dawlada Soomaaliya taageeray hogaamiyayaasha gobolka oo goor sii horreysay kulan ku yeeshay waddanka Uganda.

Waxaana intii uu socday shirkii ka dhacay Uganda ee madaxda gobolka sii xoogaystay khilaafka siyaasadeed ee u dhexeeya wadamada Soomaaliya iyo Kenya.

Wasiiradda gaashaandhigga ee waddanka Kenya ayaa dhawaantan jawaab ka bixisay eedaymaha uga imaanaya ciidamada Kenya dawlada dhexe ee Soomaaliya.

Raychelle Omamo ayaa waxba kama jiraan ku tilmaantay eedaymaha sheegaya in ciidamada Kenya ay ku qasmeen muranka daakhiliga ah ee gobollada Jubbooyinka iyo ka ganacsiga dhuxusha.

Waxayna sheegtay haweenaydaani in Kenya aysan xilligan ciidankeeda kala soo bixi doonin Soomaaliya oo ay ku tilmaantay inay ka jirto wali xasilooni darro wadamada dariska ah saamayn ku yeelatay.

Waxayna sheegtay in ujeedka ciidanka Kenya uu yahay la dagaallanka argagixisada, ciidankooduna yahay kuwo anshax wanaagsan oo garanaya shaqada ay meesha u joogaan.

“Ciidama KDF waa kuwo anshax wanaagsan, oo leh tababar heer sare ah, kumana lug lahan wax siyaasad ah amaba ganacsi ah" ayay tiri Omamo.

“Waxaan qorshaynaynaa in markaan baxayno aan xaqiijino xasiloonida gobolka maahan tan Soomaaliya oo kaliya” ayay sii raacisay.

Wasiirada gaashaandhigga ee wadanka Kenya Raychelle Omamo ayaa hadalkan ka jeedisay shir ka dhacay magaalada Nairobi oo ay ka qaybgaleen masuuliyiin ka socota wasaaradaha gaashaandhiga ee wadamada ku buhoobay urur goboleedka bariga Afrika.

Axmed C/samad, Hiiraan Online
asamad@hiiraan.com
Nairobi , Kenya





Post your comments

2013-08-16 2:23 PM EST
Jimco, August 16, 2013 (HOL) — Madaxweynaha Itoobiya, Girma Wolde-Giorgis ayaa maanta ka guddoomay warqadihii aqoonsiga danjirenimo, dajiraha cusub ee Soomaaliya ay u magacowday dalka Itoobiya, Axmed C/salaam Xaaji Aadan.

2013-08-16 1:45 PM EST
Jimco, August 16, 2013 (HOL) — Carwo buugaag caalamiga ah ayaa maanta si rasmi ah looga furay bartamaha magaalada Hargeysa, iyadoo furitaanka lagu casuumay aqoon-yahanno iyo qorayaal ka kala yimid daafaha dunida.

2013-08-16 1:12 PM EST
Jimco, August 16, 2013 (HOL) — Ku dhawaad 50-qof ayaa ku dhintay 300 oo qof oo kalena way ku dhaawacmeen mudaaharaadyo rabshado wata oo maanta ka dhacay magaalada Qaahira ee xarunta dalka Masar, iyadoo sidoo la sheegay in dhimasho iyo dhaawacyo ay ka dhaceen magaalooyinka kale ee dalkaas.

2013-08-16 12:56 PM EST
Jimco, August 16, 2013 (HOL) — Hay’adda dhakhaartiirta aan xuduudda lahayn ee MSF ayaa maanta oo Jimco ah - 16-August, 2013 - si rasmi ah u joojinaysa howshii caafimaad ee ay ka haysay Soomaaliya, kaddib markii ay maalmo ka hor ku dhawaaqday inay Soomaaliya uga baxayso sababo amni awgood.

2013-08-16 9:38 AM EST
Jimco, August 16, 2013 (HOL) — Dowladda Turkiga ayaa sheegtay inay sii wadayso howlaha samafalka ah ee ay ku caawinayso Soomaaliya, kaddib markii hay’adda MSF ay maanta joojisay dhammaan gargaarradii ay dalka Soomaaliya ka wadday, kaddib markii ay sheegtay in shaqaalaheeda si toos ah loo beegsado.

2013-08-16 9:26 AM EST
Jimco, August 16, 2013 (HOL) — Kulan ballaaran oo lagu taageerayay madaxda dowlada Federalka Soomaaliya ayaa Khamiistii shalay aheyd ka dhacay xarunta Lake View ee Magaaladda Minneapolis ee Minnesota, kaas oo ay soo qaban qaabiyeen xubno ka tirsan Jaaliyadda Soomaaliyeed ee ku noolka Gobolkan Minnesota ee dalka Mareykanka.

2013-08-16 9:07 AM EST
Jimco, August 16, 2013 (HOL) — Dagaalyahanno taabacsan Al-shabaab ayaa la sheegayaa inay maanta gurigiisa ku weerareen Mayoow Teesoow oo horay u ahaa taliyihii nabadsugidda dowladdii KMG ahayd ee Soomaaliya ee degmada Baydhabo, iyadoo lala qafaashay rag kale oo la joogay.

2013-08-16 8:56 AM EST
Jimco, August 16, 2013(HOL) :- Qaraxan oo ahaa mid xooggan ayaa lala eegtay gaadiid nooca raaxada oo uu watay Ugaas C/qaadir Sheekh Axmed oo kamid ah ugaaysada caanka ah ee gobolka J/hoose.

2013-08-16 4:02 AM EST
Jimco, August 16, 2013 (HOL) — Xukuumadda Kenya ayaa shaacisay in 80,000 oo qoxooti Soomaaliyeed oo ku noolaa dalkeeda ay si iskood ah ugu laabteen Soomaaliya, iyadoo sheegtay inaan qoxootigaas si khasab ah looga bixin Kenya.

2013-08-16 3:59 AM EST
Jimco, August 16, 2013 (HOL) — Garoonka diyaaradaha caalamiga ee magaalada Muqdisho oo howshiisu ay aad u korortay ayaa waxaa markii ugu horreysay uu yeeshay shabakad (Website) lagala socon karo duulimaadyada taga iyo kuwa ka baxa.