2014-10-31
Today from Hiiraan Online:  _
Wararka Maanta- Jimco, Aug 16, 2013
Kulan lagu taageerayay Dowladda Somalia & Midnimada dalka oo ka dhacay Magaalada Minneapolis ee Minnesota (SAWIRRO)



Jimco, August 16, 2013 (HOL) — Kulan ballaaran oo lagu taageerayay  madaxda dowlada Federalka Soomaaliya ayaa Khamiistii shalay aheyd ka dhacay xarunta Lake View ee Magaaladda Minneapolis ee Minnesota, kaas oo ay soo qaban qaabiyeen xubno ka tirsan Jaaliyadda Soomaaliyeed ee ku noolka Gobolkan Minnesota ee dalka Mareykanka.

Kulankan oo ay ka soo qeyb galeen qeybaha kala duwan ee bulshada Soomaaliyeed ee ku nool Minneapolis ayaa waxaa furay Xaashi Shaafi oo ka mid ah qaban-qaabiyaashii kulankan, wuxuuna sheegay inay muhiim tahay in la isku baraarujiyo in la taageero dowladda SOomaaliya.

“Maanta waxaan iskugu nimid inaad taageerno dowladda Soomaaliya, isla markaana aan taageerno qorshaha dib u heshiisiinta iyo midnimada dalka” ayuu yir Shaafi oo intaas ku daran in jaaliyadda Soomaaliyeed ee Minneapolis ay hiil iyo hooba la garab taagan tahay madaxda dowladda Soomaaliya.

Suldaan Cusmaan Koofi oo isna ka mid ah salaadiinta Soomaaliyeed ee ku nool Minneapolis ayaa yiri “qof kasta oo inaga mid ah waa inuu dalka dib ugu laabtaa, waayo maanta waxaa laga gudbay heerkii qabiil, waxaaba muhiim ah inaan qaranka wada dhisno, anigu waxaan diyaar ahay in xitaa haddii la igu qoro inaan dhulka nadiifiyo aan xaaqi doono”

“Sharaftii iyo karaamadii dalka iyo dadka Soomaaliyeed waxaa lagu soo celi karaa Soomaalinimo, ma dhici karto in dalka la kala  jar-jaro, waxaan u baahanahay midnimo, iyada ayaana lagu soo celin karaa sharafka qofka Soomaaliga ah,” ayuu yiri Col. Axmed Cumar Diiriye oo ka mid ahaa saraakiishii ciidanka xogga dalka.

“Haddii aad mucaarad tahay waxaad xaq u leedahay inaad la timaadid fikrad wax dhista, laakiin maahan in dalka la bur-buriyo, lagana shaqeeyo in xitaa dadku isku gudbi waayaan,” ayuu sii raaciyay Col Axmed.

Sadiq Warfaa oo xubin fir-fircoon oo ka mid ah jaaliyadda gobolka Minnesota ahna agaasimaha Fagaaraha ayaa sheegay in jaaliyadda Minneapolis ay kaalin fir-fircoon ka ciyaari karto dib u dhiska dalka.

“Madaxweyne Xasan SHeekh wuxuu imaan doonaa Minneapolis, ujeedka ugu weyna ee socdaalkiisana waa sidii Soomaalida Mareykanka ay uga qeyb qaadan lahaayeen dib u dhiska dalka, gaar ahaan dhismaha ciidanka, sidaa daraadeed isku diyaariya soo dhaweynta madaxweynaha iyo ka qeyb galka mashaariicda horumarinta hey’adaha ammaanka” ayuu tilmaamay Sadiiq.

Xubnihii kale ee kulankan taageerada ah ka hadlay ayaa waxaa ka mid ahaa Xaashi Jaamac, Prof. C/kariin Sheekh C/llaahi, guddomiye Cabdi Cali, C/kariin Xasan, Salaad Sheekh Cilmi, Cabdi Maxamed Dhoombe Xaashi Guuleed Maxamed iyo Ingineer Barre Maxamed Faandhe, waxayna dhammantood hoosta ka xarriqeen in dadka Soomaaliyeed ay ka soo daaleen dhibaato, hadana la joogo xilligii dadka Soomaaliyeed isku tanaasuli lahaayeen, nabadana iyo midnimada si wada jir ah uga shaqeeyaan.





Faarax Blue, Hiiraan Online
fblue@hiiraan.com
Minneapolis, Minnesota





Post your comments

2013-08-16 2:23 PM EST
Jimco, August 16, 2013 (HOL) — Madaxweynaha Itoobiya, Girma Wolde-Giorgis ayaa maanta ka guddoomay warqadihii aqoonsiga danjirenimo, dajiraha cusub ee Soomaaliya ay u magacowday dalka Itoobiya, Axmed C/salaam Xaaji Aadan.

2013-08-16 1:45 PM EST
Jimco, August 16, 2013 (HOL) — Carwo buugaag caalamiga ah ayaa maanta si rasmi ah looga furay bartamaha magaalada Hargeysa, iyadoo furitaanka lagu casuumay aqoon-yahanno iyo qorayaal ka kala yimid daafaha dunida.

2013-08-16 1:12 PM EST
Jimco, August 16, 2013 (HOL) — Ku dhawaad 50-qof ayaa ku dhintay 300 oo qof oo kalena way ku dhaawacmeen mudaaharaadyo rabshado wata oo maanta ka dhacay magaalada Qaahira ee xarunta dalka Masar, iyadoo sidoo la sheegay in dhimasho iyo dhaawacyo ay ka dhaceen magaalooyinka kale ee dalkaas.

2013-08-16 12:56 PM EST
Jimco, August 16, 2013 (HOL) — Hay’adda dhakhaartiirta aan xuduudda lahayn ee MSF ayaa maanta oo Jimco ah - 16-August, 2013 - si rasmi ah u joojinaysa howshii caafimaad ee ay ka haysay Soomaaliya, kaddib markii ay maalmo ka hor ku dhawaaqday inay Soomaaliya uga baxayso sababo amni awgood.

2013-08-16 12:18 PM EST
Jimco, August 16, 2013 (HOL) — Dawlada federaalka ah ee Soomaaliya oo aaminsan in Kenya ay qayb ka tahay ismari-waaga ka taagan gobollada Jubbooyinka ayaa bilihii ugu dambeeyay dalbanaysay in ciidamada Kenya ee ku sugan gobolladaas ay ka baxaan dalka.

2013-08-16 9:38 AM EST
Jimco, August 16, 2013 (HOL) — Dowladda Turkiga ayaa sheegtay inay sii wadayso howlaha samafalka ah ee ay ku caawinayso Soomaaliya, kaddib markii hay’adda MSF ay maanta joojisay dhammaan gargaarradii ay dalka Soomaaliya ka wadday, kaddib markii ay sheegtay in shaqaalaheeda si toos ah loo beegsado.

2013-08-16 9:07 AM EST
Jimco, August 16, 2013 (HOL) — Dagaalyahanno taabacsan Al-shabaab ayaa la sheegayaa inay maanta gurigiisa ku weerareen Mayoow Teesoow oo horay u ahaa taliyihii nabadsugidda dowladdii KMG ahayd ee Soomaaliya ee degmada Baydhabo, iyadoo lala qafaashay rag kale oo la joogay.

2013-08-16 8:56 AM EST
Jimco, August 16, 2013(HOL) :- Qaraxan oo ahaa mid xooggan ayaa lala eegtay gaadiid nooca raaxada oo uu watay Ugaas C/qaadir Sheekh Axmed oo kamid ah ugaaysada caanka ah ee gobolka J/hoose.

2013-08-16 4:02 AM EST
Jimco, August 16, 2013 (HOL) — Xukuumadda Kenya ayaa shaacisay in 80,000 oo qoxooti Soomaaliyeed oo ku noolaa dalkeeda ay si iskood ah ugu laabteen Soomaaliya, iyadoo sheegtay inaan qoxootigaas si khasab ah looga bixin Kenya.

2013-08-16 3:59 AM EST
Jimco, August 16, 2013 (HOL) — Garoonka diyaaradaha caalamiga ee magaalada Muqdisho oo howshiisu ay aad u korortay ayaa waxaa markii ugu horreysay uu yeeshay shabakad (Website) lagala socon karo duulimaadyada taga iyo kuwa ka baxa.