3/28/2024
Today from Hiiraan Online:  _
Wararka Maanta- Jimco, Aug 16, 2013
Qarax xooggan oo Kismaayo lagula eegtay baabuur uu watay mid ka mid ah Ugaasyada Gobolka Jubbada Hoose [SAWIRRO]



Jimco, August 16, 2013(HOL) :- Qaraxan oo ahaa mid xooggan ayaa lala eegtay gaadiid nooca raaxada oo uu watay Ugaas C/qaadir Sheekh Axmed oo kamid ah ugaaysada caanka ah ee gobolka J/hoose.

Qaraxa ayaa waxa uu ka dhacay xaafadda Guulwade gaar ahaan agagaarka halka loo yaqaan Geeda qoroow, waxa uuna sababay dhimashada Ugaas C/qaadir iyo darawalkii gaariga u waday.

Waxaa gabi ahaanba burburay gaadiiidkii uu watay ugaaska, iyadoona cad cad ay go’goeen ugaaska iyo darawalkiisa.

Allaha u naxariistee Ugaas C/qaadir Sheekh Axmed ayaa kamid ahaa ugaasyada caanka ah ee gobolka J/hoose, wuxuuna kamid ahaa ergada shirkii maamulka u sameynta Jubooyinka ee lagu soo doortay Sheekh Axmed Max’ed Islaam (Axmed Madoobe).

Halka uu qaraxa ka dhacay ayaa waxa gaaray ciidamo ka tirsan maamulka Jubbaland, waxayna goobta ku qabteen dad looga shakisanyahay in ay ku lug leeyihiin weerarka.

Ugaas Jaamac Xasan Ibraahim oo goobta uu qaraxa ka dhacay kula hadlay warbaahinta ayaa ka warbixiyay sida uu qaraxa u dhacay, wuxuuna tacsi u diray ehelladii uu ka geeriyooday Ugaas C/qaadir Sheekh Axmed.

Ugaas Jaamac ayaa sheegay in arintani ay tahay mid lagu bartilmaameedsanayo dadka waxgalka ah, isagoona sheegay in ay tahay wax aad looga xumaado in la ugaarsado ugaasyadii iyo salaadiintii Soomaaliyeed.

Ilaa imika ma jirto cid sheegatay masuuliyadda qaraxan, haseyeeshee dhacdadan ayaa ah mid ku cusub gobollada Jubooyinka, waxayna noqoneysaa markii ugu horeeysay oo qarax lala eegto mid kamid ah ugaasyada gobolka J/hoose.

 



Xasan Nuur, Hiiraan Online
[email protected]
Kismaayo-Soomaaliya.













Click here
8/16/2013 2:23 PM EST
Jimco, August 16, 2013 (HOL) — Madaxweynaha Itoobiya, Girma Wolde-Giorgis ayaa maanta ka guddoomay warqadihii aqoonsiga danjirenimo, dajiraha cusub ee Soomaaliya ay u magacowday dalka Itoobiya, Axmed C/salaam Xaaji Aadan.

8/16/2013 1:45 PM EST
Jimco, August 16, 2013 (HOL) — Carwo buugaag caalamiga ah ayaa maanta si rasmi ah looga furay bartamaha magaalada Hargeysa, iyadoo furitaanka lagu casuumay aqoon-yahanno iyo qorayaal ka kala yimid daafaha dunida.

8/16/2013 1:12 PM EST
Jimco, August 16, 2013 (HOL) — Ku dhawaad 50-qof ayaa ku dhintay 300 oo qof oo kalena way ku dhaawacmeen mudaaharaadyo rabshado wata oo maanta ka dhacay magaalada Qaahira ee xarunta dalka Masar, iyadoo sidoo la sheegay in dhimasho iyo dhaawacyo ay ka dhaceen magaalooyinka kale ee dalkaas.

8/16/2013 12:56 PM EST
Jimco, August 16, 2013 (HOL) — Hay’adda dhakhaartiirta aan xuduudda lahayn ee MSF ayaa maanta oo Jimco ah - 16-August, 2013 - si rasmi ah u joojinaysa howshii caafimaad ee ay ka haysay Soomaaliya, kaddib markii ay maalmo ka hor ku dhawaaqday inay Soomaaliya uga baxayso sababo amni awgood.

8/16/2013 12:18 PM EST
Jimco, August 16, 2013 (HOL) — Dawlada federaalka ah ee Soomaaliya oo aaminsan in Kenya ay qayb ka tahay ismari-waaga ka taagan gobollada Jubbooyinka ayaa bilihii ugu dambeeyay dalbanaysay in ciidamada Kenya ee ku sugan gobolladaas ay ka baxaan dalka.

8/16/2013 9:38 AM EST
Jimco, August 16, 2013 (HOL) — Dowladda Turkiga ayaa sheegtay inay sii wadayso howlaha samafalka ah ee ay ku caawinayso Soomaaliya, kaddib markii hay’adda MSF ay maanta joojisay dhammaan gargaarradii ay dalka Soomaaliya ka wadday, kaddib markii ay sheegtay in shaqaalaheeda si toos ah loo beegsado.

8/16/2013 9:26 AM EST
Jimco, August 16, 2013 (HOL) — Kulan ballaaran oo lagu taageerayay madaxda dowlada Federalka Soomaaliya ayaa Khamiistii shalay aheyd ka dhacay xarunta Lake View ee Magaaladda Minneapolis ee Minnesota, kaas oo ay soo qaban qaabiyeen xubno ka tirsan Jaaliyadda Soomaaliyeed ee ku noolka Gobolkan Minnesota ee dalka Mareykanka.

8/16/2013 9:07 AM EST
Jimco, August 16, 2013 (HOL) — Dagaalyahanno taabacsan Al-shabaab ayaa la sheegayaa inay maanta gurigiisa ku weerareen Mayoow Teesoow oo horay u ahaa taliyihii nabadsugidda dowladdii KMG ahayd ee Soomaaliya ee degmada Baydhabo, iyadoo lala qafaashay rag kale oo la joogay.

8/16/2013 4:02 AM EST
Jimco, August 16, 2013 (HOL) — Xukuumadda Kenya ayaa shaacisay in 80,000 oo qoxooti Soomaaliyeed oo ku noolaa dalkeeda ay si iskood ah ugu laabteen Soomaaliya, iyadoo sheegtay inaan qoxootigaas si khasab ah looga bixin Kenya.

8/16/2013 3:59 AM EST
Jimco, August 16, 2013 (HOL) — Garoonka diyaaradaha caalamiga ee magaalada Muqdisho oo howshiisu ay aad u korortay ayaa waxaa markii ugu horreysay uu yeeshay shabakad (Website) lagala socon karo duulimaadyada taga iyo kuwa ka baxa.