2014-09-17
Today from Hiiraan Online:  _
Wararka Maanta- Jimco, Aug 16, 2013
Shabakad lagala Socon karo Duullimaadyada Imaanaya iyo kuwa ka baxaya Garoonka Muqdisho oo Hawada lasoo geliyay



Jimco, August 16, 2013 (HOL) — Garoonka diyaaradaha caalamiga ee magaalada Muqdisho oo howshiisu ay aad u korortay ayaa waxaa markii ugu horreysay uu yeeshay shabakad (Website) lagala socon karo duulimaadyada taga iyo kuwa ka baxa.

Shabakadda ayaa waxaa la sheegay inay tahay mid u sahlaysa dadka doonaya inay Soomaaliya yimaadaan iyo kuwa ka baxaya inay kala socdeen sida ay duulimaadyada maalinlaha ah uga baxaan una yimaadaan.

Dad badan oo Soomaaliyeed ayaa soo dhaweeyay tallaabadan kuwaasoo u sheegay HOL inay markii hore kala socon jireen duulimaadyada shirakadaha diyaaradaha, balse ay hadda ka eeganayaan meel walba oo ay joogaan.

“Inta badan safarro ayaan dibadda ugu baxaan, runtiina tallaabadan lagu hir-geliyay shabakadda aad ayaan u soo dhaweynayaa, waxaad ka helaysaa dhammaan shirkadaha diyaaradahoodu yimaadaan garoonka xilliga uu ku beegan yahay duulimaadkooda iyo xilliga ay imaanayaan,” ayuu yiri Cumar Nuur oo ka mid ah ganacsatada Soomaaliyeed.

HALKAN RIIX SI AAD U ARAGTO SHABAKADDA

Garoonka diyaaradaha Muqdisho ee Aadan Cadde ayaa waxaa dhawaan lagu wareejiyay maamulkiisa shirkad laga leeyahay dalka Turkiga, taasoo bedeli doonta shirkadda SKA Air & Logistic oo sannadihii ugu dambeeyay haysay maamulka garoonka diyaaradaha Muqdisho.

Duulimaadyada yimaada gaaroonka diyaaradaha Muqdisho oo markii hore ahaa mid kuwo maxalli ah ayaa waxaa kusoo biiray hadda duulimaadyo caalami ah oo ay sameynayaan shirkadaha diyaaradaha Turkish Airlines iyo shirkadda Air Uganda.

Howlaha garoonka diyaaradaha Muqdisho ayaa xilligan ah mid aad mashquul u ah oo ay yimaadaan diyaarado kala duwan oo kuwa ganacsiga ah, inkastoo uusan garoonku shaqeyn xilliyada habeenkii ah.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-16 2:23 PM EST
Jimco, August 16, 2013 (HOL) — Madaxweynaha Itoobiya, Girma Wolde-Giorgis ayaa maanta ka guddoomay warqadihii aqoonsiga danjirenimo, dajiraha cusub ee Soomaaliya ay u magacowday dalka Itoobiya, Axmed C/salaam Xaaji Aadan.

2013-08-16 1:45 PM EST
Jimco, August 16, 2013 (HOL) — Carwo buugaag caalamiga ah ayaa maanta si rasmi ah looga furay bartamaha magaalada Hargeysa, iyadoo furitaanka lagu casuumay aqoon-yahanno iyo qorayaal ka kala yimid daafaha dunida.

2013-08-16 1:12 PM EST
Jimco, August 16, 2013 (HOL) — Ku dhawaad 50-qof ayaa ku dhintay 300 oo qof oo kalena way ku dhaawacmeen mudaaharaadyo rabshado wata oo maanta ka dhacay magaalada Qaahira ee xarunta dalka Masar, iyadoo sidoo la sheegay in dhimasho iyo dhaawacyo ay ka dhaceen magaalooyinka kale ee dalkaas.

2013-08-16 12:56 PM EST
Jimco, August 16, 2013 (HOL) — Hay’adda dhakhaartiirta aan xuduudda lahayn ee MSF ayaa maanta oo Jimco ah - 16-August, 2013 - si rasmi ah u joojinaysa howshii caafimaad ee ay ka haysay Soomaaliya, kaddib markii ay maalmo ka hor ku dhawaaqday inay Soomaaliya uga baxayso sababo amni awgood.

2013-08-16 12:18 PM EST
Jimco, August 16, 2013 (HOL) — Dawlada federaalka ah ee Soomaaliya oo aaminsan in Kenya ay qayb ka tahay ismari-waaga ka taagan gobollada Jubbooyinka ayaa bilihii ugu dambeeyay dalbanaysay in ciidamada Kenya ee ku sugan gobolladaas ay ka baxaan dalka.

2013-08-16 9:38 AM EST
Jimco, August 16, 2013 (HOL) — Dowladda Turkiga ayaa sheegtay inay sii wadayso howlaha samafalka ah ee ay ku caawinayso Soomaaliya, kaddib markii hay’adda MSF ay maanta joojisay dhammaan gargaarradii ay dalka Soomaaliya ka wadday, kaddib markii ay sheegtay in shaqaalaheeda si toos ah loo beegsado.

2013-08-16 9:26 AM EST
Jimco, August 16, 2013 (HOL) — Kulan ballaaran oo lagu taageerayay madaxda dowlada Federalka Soomaaliya ayaa Khamiistii shalay aheyd ka dhacay xarunta Lake View ee Magaaladda Minneapolis ee Minnesota, kaas oo ay soo qaban qaabiyeen xubno ka tirsan Jaaliyadda Soomaaliyeed ee ku noolka Gobolkan Minnesota ee dalka Mareykanka.

2013-08-16 9:07 AM EST
Jimco, August 16, 2013 (HOL) — Dagaalyahanno taabacsan Al-shabaab ayaa la sheegayaa inay maanta gurigiisa ku weerareen Mayoow Teesoow oo horay u ahaa taliyihii nabadsugidda dowladdii KMG ahayd ee Soomaaliya ee degmada Baydhabo, iyadoo lala qafaashay rag kale oo la joogay.

2013-08-16 8:56 AM EST
Jimco, August 16, 2013(HOL) :- Qaraxan oo ahaa mid xooggan ayaa lala eegtay gaadiid nooca raaxada oo uu watay Ugaas C/qaadir Sheekh Axmed oo kamid ah ugaaysada caanka ah ee gobolka J/hoose.

2013-08-16 4:02 AM EST
Jimco, August 16, 2013 (HOL) — Xukuumadda Kenya ayaa shaacisay in 80,000 oo qoxooti Soomaaliyeed oo ku noolaa dalkeeda ay si iskood ah ugu laabteen Soomaaliya, iyadoo sheegtay inaan qoxootigaas si khasab ah looga bixin Kenya.