3/29/2024
Today from Hiiraan Online:  _
Wararka Maanta- Khamiis, Aug 15, 2013
Rabshadihii ka dhacay Dalka Masar oo la sheegay in ay ku dhinteen 500 qof, Kumannaan kalena ay dhaawacyo kasoo gaareen


Khamiis, August 15, 2013 (HOL) — Dowladda KMG ah ee dalka Masar ayaa sheegtay maanta inay ku dhinteen rabshadihii ka dhacay Masar 500 qof oo u badan dad rayid ah, ayna ku dhaawacmeen in ka badan 35,00 oo kale.

Balse ururka Akhwaanul Muslimiin oo ah taageerayaasha madaxweynihii xilka laga qaaday ee Masar ayaa iyaguna sheegaya in 2,000 oo qof ay ku dhinteen rabshadahaas ayna ku dhaawacmeen kumannaan qof oo ka mid ahaa dadkii dibadbaxyada sameynayay.

Magaalada Qaahira iyo magaalooyin kale oo ka tirsan Masar ayaa waxaa ka dhacay shalay rabshado waaweyn oo u dhexeeya ciidamada ammaanka ee dalkaas oo doonayay inay dibadbaxayaasha ka kexeeyaan fagaarayaal ay ka dhigayeen dibadbaxyo ay uga soo horjeedaan xil ka qaadistii madaxweynihii la doortay ee Masar. 

Khamiista maanta ah ayaa la sheegay in kooxo careysan ay gubeen xarun maamul oo ku taalla magaalada Qaahira, sidoo kalena ay jiraan goobo ay ka jiraan dibadbaxyo aan badnayn oo looga cabanayo xasuuqa ay geysteen ciidamada dalka Masar.

Maydad badan ayaa yaalla masaajiddo ku yaalla Qaahira, kuwaasoo ehelladii ay kasoo jeedeen ay ku sugan yihiin masaajiddaas kuwaasoo dowladda ka dalbanaya in loo sheego sababta keentay in dadkooda la laayo.

Dhacdooyinkan ayaa waxay sababeen in xubno uu ka mid yahay madaxweyne ku xigeenkii Masar Maxamed Al-Baraadici uu iska xilkiisii iska casilo, isagoo sheegay inuu ka xun yahay wixii dhacay.

Cabsi weyn ayaa ka jira Qaahira ee xarunta Masar iyo magaalooyin kale oo ku yaalla dalkaas, iyadoo maalinta berri ah oo Jimco ah laga baqdin qabo in ay dhacaan dibadbaxyo waaweyn, waxaana ururka Ikhwaanul Muslimiin uu ku baaqayaa in dibadbaxyo waaweyn la dhigo Jimcaha berri ah.

Waddooyinka waaweyn ee Qaahira ayaa intooda badan xiran iyadoo ay ku sugan yihiin ciidammo fara badan oo ka tirsan kuwa milateriga, kuwasoo ka hortagaya dibadbaxyo dhaca.

Madaxda dalal badan oo kuwa Muslimka ah ayaa cambaareeyay rabshadihii ka dhacay Masar iyo sida ay dowladda dalkaas ula dhaqantay dibadbaxyashii ku sugnaa waddooyinka magaaladaas.

Dhanka kale, dowladda KMG ah ee Masar ayaa waxay soo saartay bayaan cusub oo ay ku sheegtay in madaxweynihii xilka laga tuuray uu sii xirnaan doono muddo 30-maalmood ah, halkii ay markii hore ka ahayd 15 casho oo su’aalo laga weydiiyo eedeymo loosoo jeediyay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/15/2013 4:02 PM EST
Khamiis, August 15, 2013 (HOL) — Bahda caafimaadka ee gobolka Togdheer ayaa ka hadlay go’aankii ka soo yeedhay hay’adda Dhakhaatiirta aduunka ee MSF oosheegtay inay gabi ahaanba joojisay shaqadii Caafimaad ee ay ka haysay Somaliland iyo Soomaaliya.

8/15/2013 1:02 PM EST
Khamiis, Agoosto 15, 2013 (HOL) - 12kii bishan August ayaa warbaahin ay kamid tahay web-ka Hiiraan Online waxa ay faafiyeen warar aan aad loo xaqiijin oo sheegayay in muddo kooban xabsiga la dhigay Safiirka Soomaaliya u fadhiya dalka yemen Gen. Ismaaciil Qaasim Naaji oo xilligaasi booqanayay xeryaha qaxootiga Soomaaliyeed ee ku yaalla koofurta dalka Yemen.

8/15/2013 12:47 PM EST
Khamiis, August 15, 2013 (HOL) — Golaha wasiirrada xukuumadda Somalia ayaa maanta isugu yimid kulankoodii joogtada ahaa, kaas oo looga dooday qodobbo dhowr ah oo ay ka mid ahaayeen go’aankii hay’adda MSF ay ku joojisay howlihii ay ka haysay Soomaaliya iyo eedeynta la xariirta fal kufsi ah oo gabar Soomaaliyeed ay sheegtay in loogu geystay xerada Maslax ee duleedka Muqdisho.

8/15/2013 8:41 AM EST
Khamiis, August 15, 2013 (HOL) — Dowladda Soomaaliya iyo taliska guud ee ciidamada AMISOM ayaa ka hadlay haweeney Soomaaliyeed oo la sheegay inay tiro ka tirsan ciidammo AMISOM ee ka howlgala Soomaaliya kufsi ugu geysteen deegaanka Xalane ee magaalada Muqdisho.

8/15/2013 8:23 AM EST
Khamiis, August 15, 2013 (HOL) — Sarkaal ka tirsan haya’dda isku duba-ridka gargaarka bani’aadamimo ee Soomaaliya u qaabilsan Qaramada Midoobay ayaa ka digay in la xiro xawaaladaha ay Soomaalida Britian ku nool lacagaha ugu diraan ehelladooda ku sugan Soomaaliya.

8/15/2013 8:07 AM EST
Khamiis, August 15, 2013 (HOL) — Maxkamadda gobolka Mudug ee hoos-tagta maamulka Galmudug ayaa maanta xukunno isugu jira xabsi iyo ganaax lacageed dul dhigtay shan eedeysane oo muddo ku xirnaa xabsiga maamulkaas uu ku leeyahay Gaalkacyo.

8/15/2013 7:59 AM EST
Khamiis, August 15, 2013 (HOL) — Danjiraha cusub ee Mareykanka ay u soo magacowday Soomaaliya, James P. McAnulty ayaa si rasmi ah howshiisa uga billaabay magaalada Muqdisho, isagoo sheegay inuu Soomaaliya ka caawin doono dhinaca ammanka iyo arrimaha bulshada.

8/15/2013 7:22 AM EST
Khamiis, August 15, 2013 (HOL) — Deeqdan oo isugu jirtey Matooro, haamaha cayayaanka looga buufiyo beeraha, tuubooyin, gaariyoollo iyo qalabka kale ee beeraha looga shaqeeyo, waxaa loo qaybiyey 67-qof oo kamid ah beeraleyda magaalada Boosaaso.

8/15/2013 7:20 AM EST
Khamiis, August 15, 2013 (HOL) — Maayarka Caasimada Hargeysa Cabdiraxmaan Maxamuud Caydiid (Cabdiraxmaan SOLTECO) ayaa xadhiga ka jaray Jidad iyo Sariibad cusub oo dib loo dhisay.

8/15/2013 5:27 AM EST
Khamiis, August 15, 2013 (HOL) — Saddex qof oo uu ku jiro ganacsade lagu magacaabo Xuseen Goley ayaa ku dhaawacmay qarax lagu xiray gaari uu lahaa ganacsadan oo ka dhacay maanta barqadii afaafka hore ee xarunta ugu weyn ee shirkadda Dahabshiil ay ku leedahay suuqa Bakaaraha ee magaalada Muqdisho.

8/15/2013 2:58 AM EST
Khamiis, August 15, 2013 (HOL) — Xoogagga Al-shabaab ayaa saakay la wareegay isbitaalka weyn ee deegaanka Mareerey ee gobolka Jaubbada dhexe oo ay gacanta ku haysay hay’adda MSF, iyagoo shaqaalihii ku sugnaa isbitaalka ku amray inay isaga tagaan.

8/15/2013 2:52 AM EST
Khamiis, August 15, 2013 (HOL) — Guddoomiyaha dowladda Soomaaliya ee gobolka Bakool, Maxamed Macalin ayaa sheegay in dagaallo shalay dhacay ay kula wareegeen deegaanno ku dhow degmada Xudur ee gobolka Bakool, uuna qorshahoodu yahay inay la wareegaan degmada Xudur.

8/15/2013 2:51 AM EST
Khamiis, August 15, 2013 (HOL) — Maamul Puntland oo toddobaad ka hor ku dhawaaqay inuu xiriirka u jaray dowladda Soomaaliya ayaa ka hadlay go’aankii ay shalay ku joojisay howlihii caafimaad ee MSF ay ka haysay dalka Soomaaliya.