2014-09-22
Today from Hiiraan Online:  _
Wararka Maanta- Khamiis, Aug 15, 2013
Danjiraha Mareykanka uu u soo magacaabay Soomaaliya oo si ramsi ah uga howshiisa uga billaabay Magaalada Muqdisho


Khamiis, August 15, 2013 (HOL) — Danjiraha cusub ee Mareykanka ay u soo magacowday Soomaaliya, James P. McAnulty ayaa si rasmi ah howshiisa uga billaabay magaalada Muqdisho, isagoo sheegay inuu Soomaaliya ka caawin doono dhinaca ammanka iyo arrimaha bulshada.

Danjiraha ayaa lagu bedelay dajirihii hore ee Mareykanka uga wakiilka ahaa Soomaaliya James C. Swan, waxaana uu howshiisa billaabay 24-kii saac ee ugu dambeeyay, iyadoo dowladda Soomaaliya ay soo dhaweysay arrintan.

James P. McAnulty ayaa siyaasadda kusoo biiray sannadkii 1983-kii isagoo ka soo shaqeeyay dalal kasoo noqday safiir, kuwaasoo ku yaalla qaaradda Afrika, Laatiin Ameerika iyo Yurub; waxaana ka mid ah: Venezuela, Mexico iyo Belgium.

Mareykanka ahayd dowladdii ugu horreysay ee aqoonsata dowladda Somalia kaddib 22-sano, waxaana ay horay u ballanqaadday inay la shaqeyn doonto dowladda Soomaaliya si dalka looga saaro colaadaha dabada-dheeraaday.

Tallaabadan ayaa waxay ka qayb ka noqonaysaa dadaalka ay dowlado badan oo caalamka ugu jiraan inay safaaradahooda dib uga furtaan xarunta dalka Soomaaliya ee Muqdisho.

Dajirahan ayaa wuxuu ahaa qusulkii Marekanka u joogay magaalada Abuja ee dalka Nigeria, iyadoo lagu ammaanay howlo badan oo uu caalamka kasoo qabtay, waxaana uu haystaa abaalmarin caalami ah oo uu ku muteystay howl-karnimadiisa.

Safiirrada ka howlgala hadda Muqdisho ayaa waxaa ka mid ah dajiraha UK ay u soo magacowday Soomaaliya iyo kuwo kale, kuwaasoo horay ugu shaqeyn jirtay xafiisyo KMG ah oo ay ku lahaayeen magaalada Nairobi ee dalka Kenya.

Dowladda Soomaaliya ayaa dadaal ugu jirtay tan iyo markii la dhisay oo laga joojo muddo hal sano ah inay soo celiso xiriirikii ay la lahayd caalamka, iyadoo ku guuleysatay inay soo celiso xiriirka dalal badan oo u badan kuwa reer galbeedka.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-15 4:02 PM EST
Khamiis, August 15, 2013 (HOL) — Bahda caafimaadka ee gobolka Togdheer ayaa ka hadlay go’aankii ka soo yeedhay hay’adda Dhakhaatiirta aduunka ee MSF oosheegtay inay gabi ahaanba joojisay shaqadii Caafimaad ee ay ka haysay Somaliland iyo Soomaaliya.

2013-08-15 1:02 PM EST
Khamiis, Agoosto 15, 2013 (HOL) - 12kii bishan August ayaa warbaahin ay kamid tahay web-ka Hiiraan Online waxa ay faafiyeen warar aan aad loo xaqiijin oo sheegayay in muddo kooban xabsiga la dhigay Safiirka Soomaaliya u fadhiya dalka yemen Gen. Ismaaciil Qaasim Naaji oo xilligaasi booqanayay xeryaha qaxootiga Soomaaliyeed ee ku yaalla koofurta dalka Yemen.

2013-08-15 12:47 PM EST
Khamiis, August 15, 2013 (HOL) — Golaha wasiirrada xukuumadda Somalia ayaa maanta isugu yimid kulankoodii joogtada ahaa, kaas oo looga dooday qodobbo dhowr ah oo ay ka mid ahaayeen go’aankii hay’adda MSF ay ku joojisay howlihii ay ka haysay Soomaaliya iyo eedeynta la xariirta fal kufsi ah oo gabar Soomaaliyeed ay sheegtay in loogu geystay xerada Maslax ee duleedka Muqdisho.

2013-08-15 10:41 AM EST
Khamiis, August 15, 2013 (HOL) — Dowladda KMG ah ee dalka Masar ayaa sheegtay maanta inay ku dhinteen rabshadihii ka dhacay Masar 500 qof oo u badan dad rayid ah, ayna ku dhaawacmeen in ka badan 35,00 oo kale.

2013-08-15 8:41 AM EST
Khamiis, August 15, 2013 (HOL) — Dowladda Soomaaliya iyo taliska guud ee ciidamada AMISOM ayaa ka hadlay haweeney Soomaaliyeed oo la sheegay inay tiro ka tirsan ciidammo AMISOM ee ka howlgala Soomaaliya kufsi ugu geysteen deegaanka Xalane ee magaalada Muqdisho.

2013-08-15 8:23 AM EST
Khamiis, August 15, 2013 (HOL) — Sarkaal ka tirsan haya’dda isku duba-ridka gargaarka bani’aadamimo ee Soomaaliya u qaabilsan Qaramada Midoobay ayaa ka digay in la xiro xawaaladaha ay Soomaalida Britian ku nool lacagaha ugu diraan ehelladooda ku sugan Soomaaliya.

2013-08-15 8:07 AM EST
Khamiis, August 15, 2013 (HOL) — Maxkamadda gobolka Mudug ee hoos-tagta maamulka Galmudug ayaa maanta xukunno isugu jira xabsi iyo ganaax lacageed dul dhigtay shan eedeysane oo muddo ku xirnaa xabsiga maamulkaas uu ku leeyahay Gaalkacyo.

2013-08-15 7:22 AM EST
Khamiis, August 15, 2013 (HOL) — Deeqdan oo isugu jirtey Matooro, haamaha cayayaanka looga buufiyo beeraha, tuubooyin, gaariyoollo iyo qalabka kale ee beeraha looga shaqeeyo, waxaa loo qaybiyey 67-qof oo kamid ah beeraleyda magaalada Boosaaso.

2013-08-15 7:20 AM EST
Khamiis, August 15, 2013 (HOL) — Maayarka Caasimada Hargeysa Cabdiraxmaan Maxamuud Caydiid (Cabdiraxmaan SOLTECO) ayaa xadhiga ka jaray Jidad iyo Sariibad cusub oo dib loo dhisay.

2013-08-15 5:27 AM EST
Khamiis, August 15, 2013 (HOL) — Saddex qof oo uu ku jiro ganacsade lagu magacaabo Xuseen Goley ayaa ku dhaawacmay qarax lagu xiray gaari uu lahaa ganacsadan oo ka dhacay maanta barqadii afaafka hore ee xarunta ugu weyn ee shirkadda Dahabshiil ay ku leedahay suuqa Bakaaraha ee magaalada Muqdisho.

2013-08-15 2:58 AM EST
Khamiis, August 15, 2013 (HOL) — Xoogagga Al-shabaab ayaa saakay la wareegay isbitaalka weyn ee deegaanka Mareerey ee gobolka Jaubbada dhexe oo ay gacanta ku haysay hay’adda MSF, iyagoo shaqaalihii ku sugnaa isbitaalka ku amray inay isaga tagaan.

2013-08-15 2:52 AM EST
Khamiis, August 15, 2013 (HOL) — Guddoomiyaha dowladda Soomaaliya ee gobolka Bakool, Maxamed Macalin ayaa sheegay in dagaallo shalay dhacay ay kula wareegeen deegaanno ku dhow degmada Xudur ee gobolka Bakool, uuna qorshahoodu yahay inay la wareegaan degmada Xudur.

2013-08-15 2:51 AM EST
Khamiis, August 15, 2013 (HOL) — Maamul Puntland oo toddobaad ka hor ku dhawaaqay inuu xiriirka u jaray dowladda Soomaaliya ayaa ka hadlay go’aankii ay shalay ku joojisay howlihii caafimaad ee MSF ay ka haysay dalka Soomaaliya.