3/29/2024
Today from Hiiraan Online:  _
Wararka Maanta- Arbaco, Aug 14, 2013
Ciidamada Dowladda Soomaaliya oo Toogasho ku dilay dad shacab ah oo ka Dibad-baxayay Amar looga rarayay dhul dowladeed

Arbaco, August 14, 2013 (HOL) — Ugu yaraan saddex qof oo mid ay ahayd haweeney ayaa ku dhintay, toddoba kalena way ku dhaawacmeen markii ay ciidammo ka tirsan kuwa dowladdu maanta ku fureen rasaas dad shacab ah oo kasoo horjeestay inay ka guuraan dhul uu leeyahay milateriga dowladda Soomaaliya oo horay loogu wargeliyay inay ka guuraan.

Goobjoogayaal ayaa sheegay in dhismahada iyo dhaawucu ay ku yimaadeen markii askarta dowladdu ay rasaas ku fureen dad kusoo xoomay oo diidanaa inay ka guuraan goobahaas iyo guryahooda cagaf la mariyo.

“Saakay innagoo guryaheenna iska joogna ayaa waxaa noo yimid ciidammo ka tirsan kuwa dowladda oo cagaf-cagafyo wata, waxayna nagu yiraahdeen kasoo baxa guryaha waan burburinaynaaye, innaguna wax walba oo aan heli karnay ayaan gacanta ku qabsannay waana diidnay, rasaas ayayna fureen, taasoo dishay saddex qof, toddoba kalena dhaawacmay,” ayay tiri Canab Cali oo ka mid dadka deggen dhulka ay dowladdu banneynaysay.

Dadkan ayaa horay loogu wargeliyay inay ka guuraan dhul ay muddo dheer deggenaayeen, kaasoo u dhexeeya warshadda caanaha iyo damaanyo oo ku yaalla degmada Hodan ee magaalada Muqdisho.

“Maalmo dhaweyd ayaa waxaa noo yimid ciidammo ka tiran kuwa dowladda oo makafoonno wata, waxayna nagu wargeliyeen inaan dhulkaan ka guurno, innagoo intaas ogeyn ayay saakay noo yimaadeen iyagoo doonaya inay si saf mar ah u burburiyaan guryaha, dadkuna waana gadooday, taas ayaana keentay in rasaas dhimasho iyo dhaawac sababtay ay furaan,” ayuu yiri mid ka mid ah waxgaradka dadkii deegaannadaas deggenaa.

Howgalkii lagu burburin lahaa guryahan laga dhisay dhulka dowladda ee ay dadkan sida sharci-darrada ah ku deggenaayeen 22-kii sano ee lasoo dhaafay ayaa joogsaday, iyadoo aan la ogeyn xilliga ay dowladdu dib u billaabi doonto inay dhulkaas ka rarto dadka ku nool.

Mas’uuliyiinta dowladda Soomaaliya ayaan ka hadlin rasaasta ay fureen ciidamada dowladda ee sababtay dhimashada dadka shacabka ah, iyadoo dhawaanahan ay dowladdu ku howlanayn inay dadka shacabka ka kiciso dhulalka dowladda ee ay deggen yihiin.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/14/2013 1:21 PM EST
Arbaco, August 14, 2013 (HOL) — Dowladda KMG ah ee dalka Masar ayaa xukun deg-deg ah gelisay dalkaas gellinkii dambe ee maanta, kaddib markii Arbacada maanta ah ay dhaceen dalkaas rabshado dhaliyay khasaare soo gaaray dad isugu jira shacab iyo askar.

8/14/2013 1:02 PM EST
Arbaco, August 14, 2013 (HOL) — Ciidamadda Booliska Somaliland, ayaa maanta hawlgal balaadhan oo ay ku baadhayeen gaadiidka iyo dadka la socdaba ka bilaabay magaaladda Hargeysa.

8/14/2013 12:32 PM EST
Arbaco, August 14, 2013 (HOL) — Xoogag taabacsan Xarakada Al-shabaab ayaa Arbacada maanta ah gellinkii dambe la wareegay isbitaalka degmada Diinsoor ee gobolka Bay oo ay gacanta ku haysay hay’adda MSF Swiss, iyagoo ka qaatay qalabkii halkaas yaallay.

8/14/2013 9:28 AM EST
Arbaco, August 14, 2013 (HOL) — Ciidamada ammaanka ee Puntland ayaa kantaroolka magaalada Boosaaso ee xarunta gobolka Bari ku qabtay lacag been abuur ah oo kor u dhaafeysa boqol milyan oo Shilinka Soomaaliga ah.

8/14/2013 8:55 AM EST
Arbaco, August 14, 2013 (HOL) — Hay’adda dhakhaatiirta aan xuduudda lahay ee MSF ayaa ku dhawaaqday maanta oo Arbaco ah inay joojisay gabi ahaan howlihii caafimaad ee ay haysay gudaha Soomaaliya, kaddib markii ay sheegtay in xaaladda ammaan ay sii xumaanayso.

8/14/2013 8:41 AM EST
Arbaco, August 14, 2013 (HOL) — Ugu yaraan 10-qof oo taageerayaashii Maxamed Mursi ka mid ah ayaa ku dhintay, 98 kalena dhaawacyo kala duwan aya akasoo gaaray iskahorimaad maanta bartamaha Qaahira ku dhexmaray ciidamada ammaanka iyo taageerayaasha madaxweynihii talada laga tuuray ee dalka Masar.

8/14/2013 8:02 AM EST
Arbaco, August 14, 2013 (HOL) — Dab khasaare hantiyeed geystay ayaa ka kacay saakay 9:00 aroornimo dhismayaal shidaalka lagu iibiyo oo ku yaalla isgoyska Baar Ubax ee magaalada Muqdisho, iyadoo aysan jirin wax khasaare nafeed ah oo ka dhashay.

8/14/2013 4:46 AM EST
Arbaco, August 14, 2013 (HOL) — Hay’adda dhaqaatiirta aan xuduuda lahayn ee MSF ayaa shaacisay in ay joojin doonto howlihii ay ka heysay Soomaaliya, iyadoona arintaasi lagu wargeliyay shaqaalaha hay’adda eek u kala sugan gobollada dalka Soomaaliya.

8/14/2013 2:32 AM EST
Arbaco, August 14, 2013 (HOL) — Wasiirka cadaaladda iyo garooska Soomaaliya, C/llaahi Abyan Nuur ayaa ka dhawaajiyay in dowladda Somalia ay billowday qorshayaal hubka looga qaadayo dadka shacabka ah.