2014-08-27
Today from Hiiraan Online:  _
Wararka Maanta- Arbaco, Aug 14, 2013
Shilin Somali been Abuur ah oo Maanta lagu qabtay Kantaroolka Magaalada Boosaaso xarunta gobolka Gobolka Bari [SAWIRRO]



Arbaco, August 14, 2013 (HOL) — Ciidamada ammaanka ee Puntland ayaa kantaroolka magaalada Boosaaso ee xarunta gobolka Bari ku qabtay lacag been abuur ah oo kor u dhaafeysa boqol milyan oo Shilinka Soomaaliga ah.

Wasiir ku-xigeenka maaliyadda ee Puntland C/raxmaan Xaaji Xasan oo shir-jaraa'id ku qabtay xarunta bankiga dhexe ee Puntland -laantiisa magaalada Boosaaso- ayaa ka warbixiyey lacagtan iyo weliba qaabkii loo qabtay.

Wuxuuna sheegay in lacagtan oo lagu soo qariyey fuusto dhexdeed ay ciidamada kantaroolku ku guuleysteen in ay qabtaan. Mudane Xaaji Xasan ayaa intaas raaciyey in tiro ahaan lacagtani ay dhan tahay 100,000,000 (boqol miyan).

Wasiirka ayaa sheegay in lacagtan oo ka timi dhinaca gobollada dhexe ee dalka, ay bilihii u danbeeyey si aad ah usoo geleysey deegaanada Puntland. Dhowr qof oo lacagtan wadey ayuu sidoo kale sheegay in gacanta lagu dhigay.

Dowladda Puntland ayuu docda kale sheegay in arintan ay horay go'aan adag uga qaadatay, islamarkaana ay ka go'an tahay in lacagaha noocan ah laga ilaaliyo suuqyada Puntland, maadaama ay sicir barar keeni karaan.

Arintan ayaa kusoo aadeysa xilli bilihii u danbeeyey ganacsatada Puntland ay kasoo yeereysey qaylo dhaan ku aadan lacago badan oo faalso ah oo suuqa soo galay.

Ma ahan markii ugu horeysey ee magaalada Boosaaso lagu qabto lacago been abuur ah oo intaas tiro le'eg, haseyeeshee waxaa xusid mudan in hadda kahor gacanta lagu dhigay lacago faalso ah oo isugu jirey Doolar iyo Shilin Soomaali.



 

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-08-14 1:21 PM EST
Arbaco, August 14, 2013 (HOL) — Dowladda KMG ah ee dalka Masar ayaa xukun deg-deg ah gelisay dalkaas gellinkii dambe ee maanta, kaddib markii Arbacada maanta ah ay dhaceen dalkaas rabshado dhaliyay khasaare soo gaaray dad isugu jira shacab iyo askar.

2013-08-14 1:02 PM EST
Arbaco, August 14, 2013 (HOL) — Ciidamadda Booliska Somaliland, ayaa maanta hawlgal balaadhan oo ay ku baadhayeen gaadiidka iyo dadka la socdaba ka bilaabay magaaladda Hargeysa.

2013-08-14 12:52 PM EST
Arbaco, August 14, 2013 (HOL) — Ugu yaraan saddex qof oo mid ay ahayd haweeney ayaa ku dhintay, toddoba kalena way ku dhaawacmeen markii ay ciidammo ka tirsan kuwa dowladdu maanta ku fureen rasaas dad shacab ah oo kasoo horjeestay inay ka guuraan dhul uu leeyahay milateriga dowladda Soomaaliya oo horay loogu wargeliyay inay ka guuraan.

2013-08-14 12:32 PM EST
Arbaco, August 14, 2013 (HOL) — Xoogag taabacsan Xarakada Al-shabaab ayaa Arbacada maanta ah gellinkii dambe la wareegay isbitaalka degmada Diinsoor ee gobolka Bay oo ay gacanta ku haysay hay’adda MSF Swiss, iyagoo ka qaatay qalabkii halkaas yaallay.

2013-08-14 8:55 AM EST
Arbaco, August 14, 2013 (HOL) — Hay’adda dhakhaatiirta aan xuduudda lahay ee MSF ayaa ku dhawaaqday maanta oo Arbaco ah inay joojisay gabi ahaan howlihii caafimaad ee ay haysay gudaha Soomaaliya, kaddib markii ay sheegtay in xaaladda ammaan ay sii xumaanayso.

2013-08-14 8:41 AM EST
Arbaco, August 14, 2013 (HOL) — Ugu yaraan 10-qof oo taageerayaashii Maxamed Mursi ka mid ah ayaa ku dhintay, 98 kalena dhaawacyo kala duwan aya akasoo gaaray iskahorimaad maanta bartamaha Qaahira ku dhexmaray ciidamada ammaanka iyo taageerayaasha madaxweynihii talada laga tuuray ee dalka Masar.

2013-08-14 8:02 AM EST
Arbaco, August 14, 2013 (HOL) — Dab khasaare hantiyeed geystay ayaa ka kacay saakay 9:00 aroornimo dhismayaal shidaalka lagu iibiyo oo ku yaalla isgoyska Baar Ubax ee magaalada Muqdisho, iyadoo aysan jirin wax khasaare nafeed ah oo ka dhashay.

2013-08-14 4:46 AM EST
Arbaco, August 14, 2013 (HOL) — Hay’adda dhaqaatiirta aan xuduuda lahayn ee MSF ayaa shaacisay in ay joojin doonto howlihii ay ka heysay Soomaaliya, iyadoona arintaasi lagu wargeliyay shaqaalaha hay’adda eek u kala sugan gobollada dalka Soomaaliya.

2013-08-14 2:32 AM EST
Arbaco, August 14, 2013 (HOL) — Wasiirka cadaaladda iyo garooska Soomaaliya, C/llaahi Abyan Nuur ayaa ka dhawaajiyay in dowladda Somalia ay billowday qorshayaal hubka looga qaadayo dadka shacabka ah.