2014-04-16
Today from Hiiraan Online:  _
Wararka Maanta- Arbaco, Aug 14, 2013
Dab khasaare hantiyeed geystay oo saakay ka kacay dhisme shidaalka lagu iibiyo oo ku yaalla Isgoyska Baar Ubax

Arbaco, August 14, 2013 (HOL) — Dab khasaare hantiyeed geystay ayaa ka kacay saakay 9:00 aroornimo dhismayaal shidaalka lagu iibiyo oo ku yaalla isgoyska Baar Ubax ee magaalada Muqdisho, iyadoo aysan jirin wax khasaare nafeed ah oo ka dhashay.

Goobjoogayaal ayaa sheegay in dabkan uu dhashay markii qof maskaxda looga jiro uu dab qabadsiiyay fuusto uu shidaal ku jiray, taasoo keenay in markiiba uu meesha ka kaco dab weyn.

“Dabku wuxuu burburiyay laba dhisme oo uu shidaal ku jiray iyo goob ahayd farmashiye, mana jiraan wax khasaare nafeed ah oo ka dhashay,” ayuu yiri mid ka mid ah dadkii goobjoogayaasha ahaa ee goobtaas ku sugnaa.

Isgoyska Baar Ubax ayaa wuxuu ku yaalla degmada Howlwadaag ee gobolka Banaadir, waxaana dabkan uu noqonayaa kii ugu khasaaraha badnaa ee ka kaca isgoyskaas muddo sannado ah. Iyadoo isgoyskan ay ku yaalla goobo fara badan oo lagu iibiyo shidaalka.

Ciidammo ka tirsan kuwa dowladda Soomaaliya oo soo gaartay goobta uu ka kacay dabka ayaa kala eryay dadweyne halkaas kusoo xoomay, waxaana uu dabku u joogsaday si iskiis ah.

Hantida ku burburtay dabkaas ayaan la ogeyn, iyadoo ganacsatadii shidaalka lahayd ay sheegeen in dhaqaale badan uu ugu jiray, waxaana dhabkan uu kusoo beegmayaa iyadoo shalay uu wasiirka kheyraadka dalka ka digay khatar ka imaan karta fuustooyinka shidaalka ah ee lagu iibinayo hareeraha waddooyinka.

Tan iyo markii ay burburtay dowladdii dhexe ee Soomaaliya oo laga joogo 22-sano ayaa waxaa shidaalka uu ahaa mid lagu iibiyo hareeraha jidadka waaweyn ee Muqdisho, waxaana dhowr jeer oo hore ka dhashay dab geystay khasaare nafeed oo kala duwan. Inkastoo hadda ay dib u dhismayaan kaalimihii shidaalka.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-14 1:21 PM EST
Arbaco, August 14, 2013 (HOL) — Dowladda KMG ah ee dalka Masar ayaa xukun deg-deg ah gelisay dalkaas gellinkii dambe ee maanta, kaddib markii Arbacada maanta ah ay dhaceen dalkaas rabshado dhaliyay khasaare soo gaaray dad isugu jira shacab iyo askar.

2013-08-14 1:02 PM EST
Arbaco, August 14, 2013 (HOL) — Ciidamadda Booliska Somaliland, ayaa maanta hawlgal balaadhan oo ay ku baadhayeen gaadiidka iyo dadka la socdaba ka bilaabay magaaladda Hargeysa.

2013-08-14 12:52 PM EST
Arbaco, August 14, 2013 (HOL) — Ugu yaraan saddex qof oo mid ay ahayd haweeney ayaa ku dhintay, toddoba kalena way ku dhaawacmeen markii ay ciidammo ka tirsan kuwa dowladdu maanta ku fureen rasaas dad shacab ah oo kasoo horjeestay inay ka guuraan dhul uu leeyahay milateriga dowladda Soomaaliya oo horay loogu wargeliyay inay ka guuraan.

2013-08-14 12:32 PM EST
Arbaco, August 14, 2013 (HOL) — Xoogag taabacsan Xarakada Al-shabaab ayaa Arbacada maanta ah gellinkii dambe la wareegay isbitaalka degmada Diinsoor ee gobolka Bay oo ay gacanta ku haysay hay’adda MSF Swiss, iyagoo ka qaatay qalabkii halkaas yaallay.

2013-08-14 9:28 AM EST
Arbaco, August 14, 2013 (HOL) — Ciidamada ammaanka ee Puntland ayaa kantaroolka magaalada Boosaaso ee xarunta gobolka Bari ku qabtay lacag been abuur ah oo kor u dhaafeysa boqol milyan oo Shilinka Soomaaliga ah.

2013-08-14 8:55 AM EST
Arbaco, August 14, 2013 (HOL) — Hay’adda dhakhaatiirta aan xuduudda lahay ee MSF ayaa ku dhawaaqday maanta oo Arbaco ah inay joojisay gabi ahaan howlihii caafimaad ee ay haysay gudaha Soomaaliya, kaddib markii ay sheegtay in xaaladda ammaan ay sii xumaanayso.

2013-08-14 8:41 AM EST
Arbaco, August 14, 2013 (HOL) — Ugu yaraan 10-qof oo taageerayaashii Maxamed Mursi ka mid ah ayaa ku dhintay, 98 kalena dhaawacyo kala duwan aya akasoo gaaray iskahorimaad maanta bartamaha Qaahira ku dhexmaray ciidamada ammaanka iyo taageerayaasha madaxweynihii talada laga tuuray ee dalka Masar.

2013-08-14 4:46 AM EST
Arbaco, August 14, 2013 (HOL) — Hay’adda dhaqaatiirta aan xuduuda lahayn ee MSF ayaa shaacisay in ay joojin doonto howlihii ay ka heysay Soomaaliya, iyadoona arintaasi lagu wargeliyay shaqaalaha hay’adda eek u kala sugan gobollada dalka Soomaaliya.

2013-08-14 2:32 AM EST
Arbaco, August 14, 2013 (HOL) — Wasiirka cadaaladda iyo garooska Soomaaliya, C/llaahi Abyan Nuur ayaa ka dhawaajiyay in dowladda Somalia ay billowday qorshayaal hubka looga qaadayo dadka shacabka ah.