2014-09-24
Today from Hiiraan Online:  _
Wararka Maanta- Arbaco, Aug 14, 2013
Hay’adda Dhakhaatiirta aan Xuduudda lahayn ee (MSF) oo Joojineyso guud ahaan howlihii ay ka haysay Soomaaliya


Arbaco, August 14, 2013 (HOL) — Hay’adda dhaqaatiirta aan xuduuda lahayn ee MSF ayaa shaacisay in ay joojin doonto howlihii ay ka heysay Soomaaliya, iyadoona arintaasi lagu wargeliyay shaqaalaha hay’adda eek u kala sugan gobollada dalka Soomaaliya.

Saraakiil dhinaca caafimaadka oo ka mid ah shaqaalaha hay’adda MSF ee gobolka J/hoose oo ka gaabsaday in magacyadooda la xigto ayaa HOL u xaqiijiyay in hay’adda MSF ay ku wargelisay shaqaalaheeda gobollada dalka Soomaaliya in 16-ka bishan aynu ku jirno ay joojin doonto guud ahaan adeegyadii dhanka caafimaadka ee ay ka waday Soomaaliya.

Hay’adda ayaa sheegtay in gudaha Soomaaliya lagu dhibaateeyay islamarkaana loogu geeystay dilal iyo afduubyo, waxayna sheegtay in 16-ka bishan ay xiri doonto dhamaan xarumihii ay ku lahayd Soomaaliya.

“Maamulka sare ee hay’adda ayay warqad nooga timid, waxaa nalagu wargeliyay in 16-ka bishan ay hay’addu joojin doonto dhammaan adeegyadii ay ka waday Soomaaliya,” ayuu masuulka aan soo xigannay  hadalkiisii raaciyay.

Hay’adda MSF ayaa ka howlgasha gobollo badan oo ku yaal dalka Soomaaliya, waxaana gobolka J/hoose ay ku leedahay isbital weyn oo lagu daweeyo bukaanada kala duwan oo ku yaal deegaanka Mareereey ee gobolka J/dhexe iyo xarun lagu quudiyo carruurta ay nafaqa darrada heyso ee shanta sano ka yar taasoo ku taal degmada Kismaayo ee gobolka J/hoose.

Illaa iminka hay’adda MSF si rasmi ah ugama hadlin ka bixitaankeeda dalka iyo weliba sababaha keenay, haseyeeshee hadii hay’addu ay Soomaaliya isaga baxdo waxa ay saameyn ballaaran ku yeelan doontaa dad aad u badan oo ka faa’iideysan jiray adeegyadii kala duwanaa ee ay qaban jirtay.

Xasan Nuur, Hiiraan Online
hnur@hiiraan.com
Kismaayo, Soomaaliya





Post your comments

2013-08-14 1:21 PM EST
Arbaco, August 14, 2013 (HOL) — Dowladda KMG ah ee dalka Masar ayaa xukun deg-deg ah gelisay dalkaas gellinkii dambe ee maanta, kaddib markii Arbacada maanta ah ay dhaceen dalkaas rabshado dhaliyay khasaare soo gaaray dad isugu jira shacab iyo askar.

2013-08-14 1:02 PM EST
Arbaco, August 14, 2013 (HOL) — Ciidamadda Booliska Somaliland, ayaa maanta hawlgal balaadhan oo ay ku baadhayeen gaadiidka iyo dadka la socdaba ka bilaabay magaaladda Hargeysa.

2013-08-14 12:52 PM EST
Arbaco, August 14, 2013 (HOL) — Ugu yaraan saddex qof oo mid ay ahayd haweeney ayaa ku dhintay, toddoba kalena way ku dhaawacmeen markii ay ciidammo ka tirsan kuwa dowladdu maanta ku fureen rasaas dad shacab ah oo kasoo horjeestay inay ka guuraan dhul uu leeyahay milateriga dowladda Soomaaliya oo horay loogu wargeliyay inay ka guuraan.

2013-08-14 12:32 PM EST
Arbaco, August 14, 2013 (HOL) — Xoogag taabacsan Xarakada Al-shabaab ayaa Arbacada maanta ah gellinkii dambe la wareegay isbitaalka degmada Diinsoor ee gobolka Bay oo ay gacanta ku haysay hay’adda MSF Swiss, iyagoo ka qaatay qalabkii halkaas yaallay.

2013-08-14 9:28 AM EST
Arbaco, August 14, 2013 (HOL) — Ciidamada ammaanka ee Puntland ayaa kantaroolka magaalada Boosaaso ee xarunta gobolka Bari ku qabtay lacag been abuur ah oo kor u dhaafeysa boqol milyan oo Shilinka Soomaaliga ah.

2013-08-14 8:55 AM EST
Arbaco, August 14, 2013 (HOL) — Hay’adda dhakhaatiirta aan xuduudda lahay ee MSF ayaa ku dhawaaqday maanta oo Arbaco ah inay joojisay gabi ahaan howlihii caafimaad ee ay haysay gudaha Soomaaliya, kaddib markii ay sheegtay in xaaladda ammaan ay sii xumaanayso.

2013-08-14 8:41 AM EST
Arbaco, August 14, 2013 (HOL) — Ugu yaraan 10-qof oo taageerayaashii Maxamed Mursi ka mid ah ayaa ku dhintay, 98 kalena dhaawacyo kala duwan aya akasoo gaaray iskahorimaad maanta bartamaha Qaahira ku dhexmaray ciidamada ammaanka iyo taageerayaasha madaxweynihii talada laga tuuray ee dalka Masar.

2013-08-14 8:02 AM EST
Arbaco, August 14, 2013 (HOL) — Dab khasaare hantiyeed geystay ayaa ka kacay saakay 9:00 aroornimo dhismayaal shidaalka lagu iibiyo oo ku yaalla isgoyska Baar Ubax ee magaalada Muqdisho, iyadoo aysan jirin wax khasaare nafeed ah oo ka dhashay.

2013-08-14 2:32 AM EST
Arbaco, August 14, 2013 (HOL) — Wasiirka cadaaladda iyo garooska Soomaaliya, C/llaahi Abyan Nuur ayaa ka dhawaajiyay in dowladda Somalia ay billowday qorshayaal hubka looga qaadayo dadka shacabka ah.