2014-07-30
Today from Hiiraan Online:  _
Wararka Maanta- Arbaco, Aug 14, 2013
WASIIRKA CAADALAADA: “Dowladda Soomaaliya waxay bilowday qorshe ay hubka uga qaadayso dadka shacabka ah”


Arbaco, August 14, 2013 (HOL) — Wasiirka cadaaladda iyo garooska Soomaaliya, C/llaahi Abyan Nuur ayaa ka dhawaajiyay in dowladda Somalia ay billowday qorshayaal hubka looga qaadayo dadka shacabka ah.

C/llaahi Abyan ayaa sheegya in qorshana uu yahay mid qayb ka ah qorshe lagu adkeynayo ammaanka dalka, isagoo dhanka kalena sheegay inay ka digtay xukuumaddu in isbaarooyin la dhigto gobolka Shabeellada Hoose.

“Dowladdu olole ayay ku qaadday meeshii cirka la oran jiray ee hubka sida sharci-darrada ah loogu kala iibsan jiray, dowladdu waxay go’aan ku gaartay inay la dagalanto hubka sharci-darrada ah, mana aqbalayno in qof aan ka tirsan askarta dowladda uu hub haysto,” ayuu yiri wasiirka.

Sidoo kale, wasiirku wuxuu sheegay in haddii aan shacabka hubka laga qaadin aan laga hortegi karin qaraxyada ay Al-shabaab ka geysanayso Muqdisho iyo deegaannada kale ee ay dowladdu ka taliso.

“Qorshaheenna waa in dadku ay u kala baxaan shacab iyo dowlad. Qofkii ay dani jirto inuu hub qaato waa inuu ka mid noqdaa ciidamada, mana ogolaan doono in qof shacab ah uu hub ku dhex-haysto shacabka,” ayuu wasiirku ku daray hadalkiisa.

Kulan habeen ka hor ka dhacay xarunta golaha wasiirrada Muqdisho ayaa lagu sheegay in haya’daha ammaanka ay ku guuleysteen inay burburiyaan unugyo ka tirsan Al-shabaab oo falal ammaan-darro kawaday Muqdisho.

Dhanka kale, wasiirka cadaaladda iyo garsoorka ayaa sheegay in isbaarooyin aan la dhigin karin gobolka Shabeellada hoose, isagoo xusay in dhibaatada ay isbaaradu leedahay ay horay u soo arkeen, wixii hadda ka dambeeyana aysan ogolaan doonin in isbaarooyin la dhigto.

“Isbaaro wax faa’iido ah ma lahan, 22-kii sano ee dalku uu burburka ku jiray waxay u horseedeen shacabka dhibaato, dhimasho iyo dhaawac, mana ma ogolin in isbaaro dambe oo shacabka lagu dhibaateynayo la dhigto, ciddii lagu qabtana sharciga ayaa lala tiigsan doonaa,” ayuu yiri wasiirka.

Inkastoo aan la ogeyn sida ay ku hirgeli karo qorshaha ay dowladdu hubka uga qaadayso dadka shacabka ah ayaa haddana madaxda dowladdu ay ku rajo-weyn yihiin inay hubka ka dhigaan shacabka, taasoo faa’iido weyn ay ugu jiri doonto dadka shacabka ah.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-14 1:21 PM EST
Arbaco, August 14, 2013 (HOL) — Dowladda KMG ah ee dalka Masar ayaa xukun deg-deg ah gelisay dalkaas gellinkii dambe ee maanta, kaddib markii Arbacada maanta ah ay dhaceen dalkaas rabshado dhaliyay khasaare soo gaaray dad isugu jira shacab iyo askar.

2013-08-14 1:02 PM EST
Arbaco, August 14, 2013 (HOL) — Ciidamadda Booliska Somaliland, ayaa maanta hawlgal balaadhan oo ay ku baadhayeen gaadiidka iyo dadka la socdaba ka bilaabay magaaladda Hargeysa.

2013-08-14 12:52 PM EST
Arbaco, August 14, 2013 (HOL) — Ugu yaraan saddex qof oo mid ay ahayd haweeney ayaa ku dhintay, toddoba kalena way ku dhaawacmeen markii ay ciidammo ka tirsan kuwa dowladdu maanta ku fureen rasaas dad shacab ah oo kasoo horjeestay inay ka guuraan dhul uu leeyahay milateriga dowladda Soomaaliya oo horay loogu wargeliyay inay ka guuraan.

2013-08-14 12:32 PM EST
Arbaco, August 14, 2013 (HOL) — Xoogag taabacsan Xarakada Al-shabaab ayaa Arbacada maanta ah gellinkii dambe la wareegay isbitaalka degmada Diinsoor ee gobolka Bay oo ay gacanta ku haysay hay’adda MSF Swiss, iyagoo ka qaatay qalabkii halkaas yaallay.

2013-08-14 9:28 AM EST
Arbaco, August 14, 2013 (HOL) — Ciidamada ammaanka ee Puntland ayaa kantaroolka magaalada Boosaaso ee xarunta gobolka Bari ku qabtay lacag been abuur ah oo kor u dhaafeysa boqol milyan oo Shilinka Soomaaliga ah.

2013-08-14 8:55 AM EST
Arbaco, August 14, 2013 (HOL) — Hay’adda dhakhaatiirta aan xuduudda lahay ee MSF ayaa ku dhawaaqday maanta oo Arbaco ah inay joojisay gabi ahaan howlihii caafimaad ee ay haysay gudaha Soomaaliya, kaddib markii ay sheegtay in xaaladda ammaan ay sii xumaanayso.

2013-08-14 8:41 AM EST
Arbaco, August 14, 2013 (HOL) — Ugu yaraan 10-qof oo taageerayaashii Maxamed Mursi ka mid ah ayaa ku dhintay, 98 kalena dhaawacyo kala duwan aya akasoo gaaray iskahorimaad maanta bartamaha Qaahira ku dhexmaray ciidamada ammaanka iyo taageerayaasha madaxweynihii talada laga tuuray ee dalka Masar.

2013-08-14 8:02 AM EST
Arbaco, August 14, 2013 (HOL) — Dab khasaare hantiyeed geystay ayaa ka kacay saakay 9:00 aroornimo dhismayaal shidaalka lagu iibiyo oo ku yaalla isgoyska Baar Ubax ee magaalada Muqdisho, iyadoo aysan jirin wax khasaare nafeed ah oo ka dhashay.

2013-08-14 4:46 AM EST
Arbaco, August 14, 2013 (HOL) — Hay’adda dhaqaatiirta aan xuduuda lahayn ee MSF ayaa shaacisay in ay joojin doonto howlihii ay ka heysay Soomaaliya, iyadoona arintaasi lagu wargeliyay shaqaalaha hay’adda eek u kala sugan gobollada dalka Soomaaliya.