2014-04-23
Today from Hiiraan Online:  _
Wararka Maanta- Talaado, Aug 13, 2013
WASIIRKA KHEYRAADKA DALKA: "WFP Waxaan Kula Heshiinnay in Raashinka Gargaarka ah ay ka iibiso beeraleyda Soomaaliyeed"

Talaado, August 13, 2013 (HOL) — Wasiirka kheryaadka dalka, Cabdrisaaq Cumar Maxamed ayaa sheegay maanta in hay’adda WFP ay kula heshiiyeen in gargaarka ay bixinayso ay ka iibiso beeraleyda Soomaaliyeed, halkii ay markii hore ka keeni jirtay dalka dibaddiisa.

Mudane C/risaaq Cumar ayaa sheegay in sidoo kale ay hay’adda WFP kala hadleen in gargaarka aysan kusoo begin xilliyada ay beeruhu soo go’ayaan balse ay bixiyaan xilliyada ay abaaruhu jiraan oo ah xilliyada loogu baahida badan yahay gargaarka.

“Hay’adda WFP waxaan kula heshiinnay in gargaarka ay bixinayso ay ka iibsato ganacsatada Soomaaliyeed, sidoo kalena aysan gargaarka ku aadin xilliyada ay beeruhu soo go’ayaan,” ayuu yiri wasiirka oo la hadlayay Radio Muqdisho oo ku hadla afka dowladda Soomaaliya.

Wasiirka ayaa sidoo kale, sheegay in tallaabooyinkan ay yihiin kuwo ay ku doonayaan in ganacsatada Soomaaliyeed ay dhaqaale wanaagsan ka helaan dalagga uga soo go’a beerahooda, isagoo intaas ku daray inay tani sare u qaadayso dhaqaalaha dalka soo gala.

Dhanka kale, wasiirku wuxuu sheegay inay wadaan qorshayaal ay dib ugu howlgelinayaan ceelashii biyaha siin jiray Xamar, si ay dadka magaalada ku nool u helaan biyo nadiif ah oo ay cabaan.

“Waxaa noo qorsheysan inaan dib u howlgelinno ceelashii biyaha siin jiray Muqdisho ee ku kala yaallay deegaanka Ceel-cirfiid iyo deegaanka ceelasha biyaha, goor dhaw ayaana billaabi doonnaa biyo-gelinta magaalada innagoo siin doono dadka biyo nadiif ah, waxaa mashruucaas naga taageeri doono hay’ado caalami ah iyo dowladda Suudaan,” ayuu wasiirku mar kale yiri.

Ugu dambeyn, wasiirka ayaa sheegay in qorshayaashooda mustaqbalka dhow ay ka mid yihiin sidii looga kaaftoomi lahaa fuustooyinka shidaalka lagu iibiyo, isla markaana ay gaadiidleydu shidaalka uga iibsan lahaayeen kaalimaha shidaalka oo dib loo dayactiray.

Wasiirku wuxuu sheegay in shidaalka fuustooyinka uusan tayo wanaagsan lahay, sidoo kalena uu khatar u yahay inuu ka kaco dab khasaare ba’an u geysta shacabka Soomaaliyeed.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-13 10:34 AM EST
Talaado, August 13, 2013 (HOL) — Labadii toddobaad ee lasoo dhaafay waxaa si weyn u soo gaarayay magaalada Baladweyne ee xarunta gobolka Hiiraan qurba-joogta kasoo jeeda gobolka, kuwaasoo sheegay in ujeeddada socdaalkooda uu yahay ka qeyb-galka shirweyne uu ku baaqay Ugaas C/raxmaan Ugaas Khaliif.

2013-08-13 9:30 AM EST
Talaado, August 13, 2013 (HOL) — Ugu yaraan lix qof ayaa ku dhintay 15 kalena dhaawacyo kala duwan ayaa kasoo gaaray dagaal culus oo maanta deegaanka Garasweyne ee gobolka Bakool ku dhexmaray ciidamada dowladda Soomaaliya iyo kuwa Al-shabaab.

2013-08-13 9:14 AM EST
Talaado, August 13, 2013 (HOL) — Guddigii loo xil-saaray inay soo baaraan xog rasmi ahna ka keenaan qaabkii ay ku burburtay diyaarad laga leeyahay dalka Itoobiya oo kasoo dagaysay garoonka diyaaradaha Muqdisho ayaa soo saaray warbixin hordhac ah.

2013-08-13 9:13 AM EST
Talaado, August 13, 2013 (HOL) — Munaasabad isugu jirtay furintaanka sanad dugsiyeedka 2013-2014, dhinaca kalana abaalmarino lagu guddoosiinayay Ardayda kaalamaha wanaagsan ka galay Imtixaanka dugsiga Aflah Basic ayaa lagu qabtay magaalada Baladweyne.

2013-08-13 8:52 AM EST
Talaado, August 13, 2013 (HOL) — Baarlamaannada Soomaaliya iyo Uganda ayaa maanta si rasmi ah u kala saxiixday heshiis ay ku mataanoobeen, kaas oo ay ku yeelanayaan wada-shaqeyn, kaddib kulan saacado qaatay oo ay ku yeesheen Kampala guddoomiyaha baarlamaannada labada dal iyo xildhibaanno.

2013-08-13 8:27 AM EST
Talaado, August 13, 2013 (HOL) — Dadweynaha Somaliland, ayaa maalmihii u dambeeyey si weyn u hadal hayey darajooyinka ciidamada Somaliland loo qaybiyey, kuwaas oo intoodda badan si weyn usoo dhoweeyey dalacsiinta loo sameeyey ciidamada.

2013-08-13 8:19 AM EST
Talaado, August 13, 2013 (HOL) — Kooxo hubeysan ayaa fiidnimadii xalay ku toogtay xaafadda Xaawo Taako ee magaalada Baladweyne askari ka tirsanaa ciidamada maamulka gobolka HIiraan oo xiligaa la sheegay in uu ku sii jeeday gurigiisa.

2013-08-13 2:52 AM EST
Talaado, August 13, 2013 (HOL) — Ra’iisul wasaaraha Soomaaliya , Cabdi Faarax Shirdoon (Saacid) ayaa xalay kulan la qaatay wasiirro, saraakiil ciidan iyo xubno ka tirsan maamulka gobolka Banaadir, isagoo kala hadlay xaaladda ammaan ee dalka.

2013-08-13 2:52 AM EST
Talaado, August 13, 2013 (HOL) — Ugu yaraan laba qof ayaa ku dhintay tiro intaas ka badanna way ku dhaawacmeen dagaal ciidammo taabacsan ururka Ahlusunna waljamaaca iyo dad reer miyi ah ku dhexmaray deegaanka Sangub oo ku yaalla duleedka degmada Dhuusomareeb ee xarunta gobolka Galguduud.

2013-08-13 2:45 AM EST
Talaado, August 13, 2013 (HOL) — Tuulada la yiraahdo Gooyaale dadka ku nool ayaa waxay billaabeen in waddooyinka soo gala tuulooyinkooda ay dib u hagaajistaan si ay u fudadaato aadista beerahooda iyo ceelal biyoodyada ay biyaha kasoo dhaansdaan, iyadoo gaadiidkana ay u tahay mid wanaagsan in waddooyinkaas la hagaajiyo.