3/29/2024
Today from Hiiraan Online:  _
Wararka Maanta- Isniin, Aug 12, 2013
Kulan looga hadlay Amniga Gobolka Bay iyo Isbaarooyin u yaalla Ciidamada Dowladda oo Maanta ka dhacay Magaalada Baydhabo


Isniin, August 12, 2013 (HOL) — Kulan looga hadlayay ammanka gobolka Bay ayaa maanta ka dhacay degmada Baydhabo, kaasoo ay ka qaybgaleen mas’uuliyiinta maamulka gobolka, kan degmada, waxgarad iyo aqoon-yahanno kasoo jeeda gobolkaas.

Mas’uuliyiinta degmada Baydhabo ayaa sheegay in gobolka Bay ay qaybo ka mid ah ka taliso Xarakada Al-shabaab, ayna soo weeraraan habeen walba degmada, iyagoo sidoo kale sheegay inay jiraan isbaarooyin qaybo ka mid ah gobolkaas u yaalla ciidamada dowladda Soomaaliya.

“Gobolka Bay ammaan kama jiro, waayo Al-shabaab habeen walba waxay soo weerartaan degmada Baydhabo oo ay ka taliso dowladda, runtiina waa wax laga xumaado in ammaan-darrada gobolka ka jirta,” ayuu yiri Shiine Macallin Nuuroow oo ah guddoomiyaha degmada Baydhabo.

Shiino Macallin wuxuu sheegay in taasi ay ka daran tahay in isbaarooyin fara badan ay degmada Baydhabo iyo degmooyinka ku dhow u yaalaan ciidammo ka tirsan kuwa dowladda, taasoo gaadiidka looga qaado lacago badan.

“Degmada Buur-hakaba laga soo billaabo illaa Baydhabo laga baxayo waxaa yaalla isbaarooyin ay dhigteen ciidamada dowladda, kuwaasoo lacago aad u badan looga qaado gaadiidka safarkan, taasina waxay dhibaato xooggan ku tahay gaadiidleyda iyo ganacsatada gobolka,” ayuu Shiine Macallin mar kale ka sheegay kulanka.

Sidoo kale, guddoomiye ku xigeenka degmada Baydhabo, C/qaadir Sheekh Cali Barako oo isna kulanka ka hadlay ayaa sheegay in dhibaatada ugu weyn ee haysatada dadka reer Baydhabo iyo kuwa kale ee gobolka ku nool ay tahay isbaarooyinka u yaalla ciidamada dowladda oo lacago ku dhawaad hal milyan oo shillin Soomaali ah looga qaado gaadiidka isaga goosha gobolka iyo gobollada kale ee dalka.

“Waxaan ka codsanaynaa dowladda Soomaaliya in ciidamada laga saaro degmada Baydhabo oo la geeyo furumaha dagaalka lana qaado gabi ahaan isbaarooyinka yaalla degmada gobolka, si nafis ay u helaan gaadiidleyda iyo ganacsatada,” ayuu guddoomiye ku xigeenku ka sheegay kulankii maanta ka dhacay Baydhabo.

Aqoonyahannada iyo waxgaradka oo iyaguna hadla ayaa sheegay in nabad-galyo xumada iyo isbaarada gobolka ka jira ay dhibaato ba’an ku hayaan dadka ku nool gobolka bay, iyagoo dalbaday in arrintan si deg-deg ah wax looga qabto.

Ugu dambeyn, mas’uuliyiinta degmada Baydhabo iyo kuwa gobolka ayaa ka sheegay kulanka inay ku guul-darreysteen inay isbaarooyinka yaalla qaybo ka tirsan gobolka Bay ay goobaha ay yaallaan ka qaadaan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/12/2013 2:24 PM EST
Isniin, August 12, 2013 (HOL) — Hormuudka jaamacadda Bay oo dhawaan laga furay magaalada Baydhabo, Jabriil Maxamed Aadan ayaa wuxuu ka war-bixiyay jaamacadda iyo habka ay ardayda wax u barto, iyadoo wareysi uu siiyay HOL uu kaga hadlay arrimo badan. Wareysigiina wuxuu u dhacay sidan:

8/12/2013 11:28 AM EST
Isniin, August 12, 2013(HOL)—Xaflad si qurux badan loo soo agaasimey ayaa lagu qabtey gelinkii danbe ee shalay xaruunta Ark Academy oo ku taal xaafada Wembley Park ee magaalada London, xafladaasi oo lagu daahfurayay furitaanka koobka cayaaraha Somaliweek London 2013.

8/12/2013 11:15 AM EST
Isniin, August 12, 2013(HOL) :- Ergadii soo dooratay madaxweeynaha maamulka Jubbaland Sheekh Axmed Max’ed Islaam (Axmed Madoobe) ayaa 20 beri oo dheeri ah ugu daray madaxweeynaha si uu u dhameystiro dhismaha labada gole ee maamulka.

8/12/2013 10:28 AM EST
Isniin, August 12, 2013 (HOL) — Madaxweynaha dalka Zimbabwe, Robert Mugabe oo mar kale loo doortay inuu hoggaamiyo dalkaas ayaa khudbad uu jeediyay maanta ku sheegay in dalkiisu uusan dib dambe ugu laaban dooni gumeysi, isagoo doorashadii dhawaan dhacday ku tilmaamay mid u dhacday si dimuqraadiyad ah.

8/12/2013 10:02 AM EST
Isniin, August 12, 2013 (HOL) — Madaxweynaha Puntland oo ka qaybgalay shir looga hadlayay xawaaladaha iyo sida loola socon lahaa in lacagaha la isugu diro aan loogu adeegsan lahayn falal dambiyeedyo oo maanta lagu qabtay Garoonka ayaa ka digay in la xiro xawaaladaha lacagaha la isugu diro.

8/12/2013 9:46 AM EST
Isniin, August 12, 2013 (HOL) — Waxaa heer gabo-gabo ah maraya qeybtii koowaad dhismaha masjidka Bardaha magaalada Baladweyne oo ah masjid facweyn oo soo dhisnaa sida la rumeysan yahay wax ka badan 100 sano.

8/12/2013 7:54 AM EST
Isniin, August 12, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) iyo wafdi uu hoggaaminayo ayaa maanta gaarya magaalada Kampala ee dalka Uganda, kaddib casuumaad ay ka heleen guddoonka baarlamaanka dalkaas.

8/12/2013 7:30 AM EST
Isniin, August 12, 2013 (HOL) — Jaamacadda ADMAS University College, ayaa xalay xaflad Casha sharaf ah u samaysay toddoba arday oo hore uga qalin jabiyey jaamacadda oo deeq waxbarasho (Shoolership) ka helay dalka Turkey.

8/12/2013 6:52 AM EST
Isniin, August 12, 2013 (HOL) — Munaasabado lagu furayey machadyo diini ah ayaa lagu qabtay magaalooyinka Yeyle oo ku dhawaad 100-KM Waqooyi-galbeed kaga xigta magaalada Laascaanood iyo Boocame oo 75-KM dhinaca Bari kaga beegan Laascaanood.

8/12/2013 3:01 AM EST
Isniin, August 12, 2013 (HOL) — Afhayeenka howgallada ururka Al-shabaab, Sheekh C/casiis Abuu-Muscab ayaa hadal uu siiyay warbaahinta afkooda ku hadasha wuxuu uga digay shacabka Muqdisho ku nool inay u dhawaadaan saldhigyada ciidamada dowladda iyo kuwa AMISOM ay leeyihiin Muqdsiho iyo weliba xarumaha hay’adaha gargaarka oo uu ka xusay kuwa UN-ka.

8/12/2013 2:26 AM EST
Isniin, August 12, 2013 (HOL) — Xildhibaan Ilyaas Barre Shiil oo ka mid ah xildhibaannada baarlamaanka Kenya ayaa sheegay in Kenya aysan doonayn inay taako ka mid ah dhulka Soomaaliya qabsato, wararka la faafiyayna ay yihiin kuwo been abuur ah oo la doonayo in la isaga horkeeno labada dal iyo labada dowladood.

8/12/2013 2:22 AM EST
Isniin, August 12, 2013 (HOL) — Ra’iisul wasaarihii hore ee DKMG ahayd ee Soomaaliya, Prof. Cali Maxamed Geeddi ayaa dhaliilay dowladda Soomaaliya ee xilka haysa, isagoo sheegay inay ku filnaan waysay inay sugto ammaanka Muqdisho, sidoo kalena ay ugaarsi gaar ah ku hayso qaar ka mid ah beelaha Muqdisho.