3/29/2024
Today from Hiiraan Online:  _
Wararka Maanta- Isniin, Aug 12, 2013
Tartanka Koobka Ciyaaraha Somali-week London ee sannadkan 2013 oo ka Furmay Magaalada London ee Dalka Britain (SAWIRRO)


Isniin, August 12, 2013(HOL)—Xaflad si qurux badan loo soo agaasimey ayaa lagu qabtey gelinkii danbe ee shalay xaruunta Ark Academy oo ku taal xaafada Wembley Park ee magaalada London, xafladaasi oo lagu daahfurayay furitaanka koobka cayaaraha Somaliweek London 2013.

 

Waxaana ka soo qayb galey dad aad u fara badan oo isugu jirey masuuliyiintii hore ee isboortiga, macalimiintii hore, ciyaartooydii hore, siyaasiyiin iyo kooxaha ka qayb galaya sanadkaan tartanka Somaliweek, masuuliyiintii halkaasi ka hadasheyna waxaa ka mid ahaa Mudane Maxamed Buuwe, Mudane Cabdulqaadir Isoomareey, Mudane Salaad Cusmaan Rooble, Mudane Muriidi Zein, Mudane Xuseen Caydiid, Mudane Cabdulqaadir Shido, Mudane Yaasin Bulsho, Mudane Yusuf Wagad, Mudane Tarabi, Mudane Digeeye, Macalin Laas, Macalin Cumar Baarajab, Xoghaye Siciid Faarax, Mudane Cabdi Dheeg, Marwo Naciimo Cali, Marwo Miski Cumar, Mudane Dhumaaye, macalin Shiino Guhaad iyo Gudoomiyaha Somaliweek mudane Cabdi Axmed, kuwaasi oo dhamaantoodna ay sheegeen inay ku faraxsan yihiin in cayaaraha Somaliweek in  markale lagu qabto magaalada London iyo sida loogu baahan yahey in dhalinyarada iyo caruurta Soomaaliyeed ee degan wadankaan loo qabto cayaarahaan oo kale, waxayna bogaadin iyo amaanba u jeediyeen maamulka qabanaya tartankaan.

 


Masuuliyiintaan oo isugu jirey kuwii hore ee isboortiga iyo kuwa maanta ayaa waxay sheegeen in loo baahan yahey in isboortiga wadanka la soo nooleeyo islamarkaana kubadda cagta looga faaideysto dhalinyaradaan sidii looga faaideystey  kubadda koleyga cayaarihii Tanzania.

 

Dhanka kale waxaa heeso wadani ah iyo kuwa kaleba halkaasi ku soo bandhigay fanaanka caanka Cabdixakiim Farayare iyo musikiistaha qaranka Maxamed Macalow, iyadoo bahda saxaafadana ay si weyn uga soo qayb galeen SNTV, Universal TV, Somalichannel, Royal TV, Wehelmedia iyo SSPAMEDIA

 

London Stars iyo Nabadda

 


Ciyaartii ugu horeysayna waxaa fooda isku darey kooxaha kale ah London Stars iyo Kooxda  Nabadda,labadaan kooxood ayaa lagu tiriyaa kooxaha ugu adag ee ka dhisan magaalada London, ciyaar aad u xiiso badan oo ay dadweyne aad u tira badan oo ay ka soo qayb galeen dadweyne aad u farabadan ayaa waxay ka bilaabatey garoonka Wembley Park iyo ARK Academy.

 

Kooxda Nabadda ayaa goalkii ugu horeeyay shabaqa kooxda London Stars ku hubsatey ciyaarta markii ay socotey nusaac, wax yar kadibna goal qurux badan ayay kaga dhaliyeen kooxda London Stars, kadibna qaybtii koowaad ee cayaarta ayaa waxay ku soo dhamaatey 1 goal iyo 1 goal.

 

La tashiyo ay la soo sameeyeen macalimiintooda labada kooxood ayaa qaybtii labaad la iskugu soo laabtey, waxaa moodaa in kooxda Nabada qaybtii koowaad ay ekaayeen koox awood leh balse kooxda London Stars oo ah kooxda ugu qatarsan kooxaha wadankaan ayaa ka tirtirtey, kadib markii ay la dheleen ciyaar xeeladeysan, taasoo ka careysiisey ciyaartooyda kooxda Nabadda, islamarkaana goalkii labaad ay ka dhaliyeen.

Ciyaarta waxaa la wareegay guud ahaan kooxda London Stars, halka kooxda Nabadda labada laacib ugu wanaagsan kana dheelayay dhexda iyo daafaca calaamada casaanka loo taagey kadib markii ay ka caroodeen guuldarada kooxdooda.

 

Ciyaartiina waxay guusha ku raacdey 2 goal kooxda London Stars iyo macalinkooda Cali Mire, halka kooxda Nabadda iyo macalinkooda Maxamed Brasab ay guuldaro xaafada Wembley Park kale hooydeen.

 

Koobka Somaliweek London 2013 oo socon doono mudo todobaad ah ayna ku baratamayaan 8 kooxood wixii ku soo kordha kale soco sspamedia.com insha Allah.














Yusuf Yusuf, Ssspamedia

[email protected]
Somaliweek London













Click here
8/12/2013 2:24 PM EST
Isniin, August 12, 2013 (HOL) — Hormuudka jaamacadda Bay oo dhawaan laga furay magaalada Baydhabo, Jabriil Maxamed Aadan ayaa wuxuu ka war-bixiyay jaamacadda iyo habka ay ardayda wax u barto, iyadoo wareysi uu siiyay HOL uu kaga hadlay arrimo badan. Wareysigiina wuxuu u dhacay sidan:

8/12/2013 1:39 PM EST
Isniin, August 12, 2013 (HOL) — Kulan looga hadlayay ammanka gobolka Bay ayaa maanta ka dhacay degmada Baydhabo, kaasoo ay ka qaybgaleen mas’uuliyiinta maamulka gobolka, kan degmada, waxgarad iyo aqoon-yahanno kasoo jeeda gobolkaas.

8/12/2013 11:15 AM EST
Isniin, August 12, 2013(HOL) :- Ergadii soo dooratay madaxweeynaha maamulka Jubbaland Sheekh Axmed Max’ed Islaam (Axmed Madoobe) ayaa 20 beri oo dheeri ah ugu daray madaxweeynaha si uu u dhameystiro dhismaha labada gole ee maamulka.

8/12/2013 10:28 AM EST
Isniin, August 12, 2013 (HOL) — Madaxweynaha dalka Zimbabwe, Robert Mugabe oo mar kale loo doortay inuu hoggaamiyo dalkaas ayaa khudbad uu jeediyay maanta ku sheegay in dalkiisu uusan dib dambe ugu laaban dooni gumeysi, isagoo doorashadii dhawaan dhacday ku tilmaamay mid u dhacday si dimuqraadiyad ah.

8/12/2013 10:02 AM EST
Isniin, August 12, 2013 (HOL) — Madaxweynaha Puntland oo ka qaybgalay shir looga hadlayay xawaaladaha iyo sida loola socon lahaa in lacagaha la isugu diro aan loogu adeegsan lahayn falal dambiyeedyo oo maanta lagu qabtay Garoonka ayaa ka digay in la xiro xawaaladaha lacagaha la isugu diro.

8/12/2013 9:46 AM EST
Isniin, August 12, 2013 (HOL) — Waxaa heer gabo-gabo ah maraya qeybtii koowaad dhismaha masjidka Bardaha magaalada Baladweyne oo ah masjid facweyn oo soo dhisnaa sida la rumeysan yahay wax ka badan 100 sano.

8/12/2013 7:54 AM EST
Isniin, August 12, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) iyo wafdi uu hoggaaminayo ayaa maanta gaarya magaalada Kampala ee dalka Uganda, kaddib casuumaad ay ka heleen guddoonka baarlamaanka dalkaas.

8/12/2013 7:30 AM EST
Isniin, August 12, 2013 (HOL) — Jaamacadda ADMAS University College, ayaa xalay xaflad Casha sharaf ah u samaysay toddoba arday oo hore uga qalin jabiyey jaamacadda oo deeq waxbarasho (Shoolership) ka helay dalka Turkey.

8/12/2013 6:52 AM EST
Isniin, August 12, 2013 (HOL) — Munaasabado lagu furayey machadyo diini ah ayaa lagu qabtay magaalooyinka Yeyle oo ku dhawaad 100-KM Waqooyi-galbeed kaga xigta magaalada Laascaanood iyo Boocame oo 75-KM dhinaca Bari kaga beegan Laascaanood.

8/12/2013 3:01 AM EST
Isniin, August 12, 2013 (HOL) — Afhayeenka howgallada ururka Al-shabaab, Sheekh C/casiis Abuu-Muscab ayaa hadal uu siiyay warbaahinta afkooda ku hadasha wuxuu uga digay shacabka Muqdisho ku nool inay u dhawaadaan saldhigyada ciidamada dowladda iyo kuwa AMISOM ay leeyihiin Muqdsiho iyo weliba xarumaha hay’adaha gargaarka oo uu ka xusay kuwa UN-ka.

8/12/2013 2:26 AM EST
Isniin, August 12, 2013 (HOL) — Xildhibaan Ilyaas Barre Shiil oo ka mid ah xildhibaannada baarlamaanka Kenya ayaa sheegay in Kenya aysan doonayn inay taako ka mid ah dhulka Soomaaliya qabsato, wararka la faafiyayna ay yihiin kuwo been abuur ah oo la doonayo in la isaga horkeeno labada dal iyo labada dowladood.

8/12/2013 2:22 AM EST
Isniin, August 12, 2013 (HOL) — Ra’iisul wasaarihii hore ee DKMG ahayd ee Soomaaliya, Prof. Cali Maxamed Geeddi ayaa dhaliilay dowladda Soomaaliya ee xilka haysa, isagoo sheegay inay ku filnaan waysay inay sugto ammaanka Muqdisho, sidoo kalena ay ugaarsi gaar ah ku hayso qaar ka mid ah beelaha Muqdisho.